‘Star Wars 7’ supera los 1.000 millones de dólares en taquilla

Star Wars: L’Espertar de la Fuerza, la séptima entrega de la saga de ciencia-ficción creada por George Lucas, superó la cifra redonda de 1.000 millones de dólares (unos 910 d’euros) en taquilla n’apenes doce díes.

L’anuncia fízola Disney, productora de la cinta, amosando que la nueva película galáctica supera a Jurassic World, d’Universal, que precisó un día más pa recaldar esa cifra. Solo n’Estaos Xuníos, la nueva cinta de Star Wars llogró más de 540 millones en taquilla, y en 10 díes convirtióse na quinta película más esitosa na hestoria del país. Tamién rexistró un gran ésitu n’otros países, con más de 546 millones de dólares en cines de Reinu Uníu, Francia o Alemaña, ente otros.

Amás, Disney yá alvirtió de que la cifra puede ser entá mayor, yá que falta qu’El Espertar de la Fuerza estrenese nel segundu mayor mercáu del mundu, China, onde va poder vese a partir del 9 de xineru.

El filme, dirixíu por J.J. Abrams y que recupera a actores de la primer triloxía como Mark Hamill, Carrie Fisher o Harrison Ford, introduz nel universu de Star Wars a los intérpretes Daisy Ridley, John Boyega, Adam Driver y Oscar Isaac, nuna trama qu’asocede treinta año dempués de la hestoria de La torna del Jedi.