Portada Cine Stallone conviértese nun cowboy na primer imaxe de ‘Rambo V’

Stallone conviértese nun cowboy na primer imaxe de ‘Rambo V’

by redacción asturnews

Tres dellos años de rumores sobro si Sylvester Stallone volvería encarnar al míticu veteranu de guerra John Rambo nuna quinta entrega de la saga, por fin quedó claro que l’actor ta más qu’apurríu a unu de los papeles que -xuntu a Rocky- diéron-y la gloria cinematográfica.

L’intérprete estadounidense xubió esta selmana una sorprendente imaxe na so cuenta de Instagram vistíu de cowboy y anunciando que’l rodaxe echa yá a andar. “Esta nueche empezamos a rodar…”, publicó. Les sos palabres yá cunten con más de 300.000 ‘gústame’ y 3.000 comentarios.

A los sos 72 años, l’actor demuestra tar nuna terrible forma física afatiáu como un auténticu vaqueru, a lo John Wayne nuna fotografía que nun tendría de resultar estraña del too pa el siguidores de Rambo, yá que na última entrega volvía a Estaos Xuníos y visitaba el ranchu del so padre en Arizona. Nesta nueva hestoria, el protagonista ta n’hores baxes y vive nun ranchu, pero cuando recibe la noticia de que la so nieta sumió, en cruciando la frontera a México pa dir a una fiesta, decide dir na so busca. Rambo 5, que se filmará en localizaciones de Tenerife, ente otres, va tar dirixida por Adrian Grunberg y tien previstu’l so estrenu na seronda de 2019.

Tamién te podria gustar