Spotify sigue conquistando’l mundu

Spotify sigue conquistando’l mundu
27 febreru 09:59 2021 Imprimir

Nos próximos díes, Spotify va ampliar significativamente la so buelga global, yá que entama llanzar el so serviciu en 85 mercaos nuevos y añedir 36 idiomes adicionales a la so plataforma. L’ambiciosa espansión internacional, anunciada’l llunes nel eventu virtual “Stream On” de la compañía, va llevar el serviciu de streaming más popular del mundu a nuevos mercaos, siendo 40 países africanos la incorporación más notable.

Según l’anunciu oficial de Spotify, esta midida va aumentar l’algame potencial de la empresa en más de mil millones de persones. Anguaño, Spotify yá ta disponible en 93 países, ente los que s’atopen namá unos pocos países africanos.

A finales de 2020, Spotify cuntaba con 345 millones d’usuarios activos mensuales y 155 millones de suscriptores premium. Tres una racha de crecedera en 2020, na que’l xigante del streaming sumó 30 millones de suscriptores nel intre de 12 meses, l’esplegue a 85 nueves rexones (marcaes en mariellu nel nuesu gráficu) podría ayudar a evitar una posible desaceleración post-pandémica y caltener l’impulsu.

Fuente: https://es.statista.com

  Categories: