‘Spiderman: Homecoming’ va ser la próxima película de Marvel

Ta rodándose en Atlanta y dende ellí, Robert Downey Jr., que volverá encarnar a Iron Man na película en solitariu que protagoniza Tom Holland, publicó una imaxe d’una xunta secreta’ colos hermanos Russo y el presidente de Marvel Studios, Kevin Feige.

Downey Jr. publicó nes sos redes sociales una fotografía na que s’atopa con Holland, Jon Favreau, director de Iron Man que tamién va tar en Homecoming, Feige, Anthony y Joe Russo, y el chef Roy Choi. Favreau y el chef taríen trabayando nun nuevu proyectu, del que l’actor nun reveló nengún detalle, nin pa qué toos estos pesos pesaos de Marvel taben aconceyaos.