‘Spain in a Day’ presenta’l so tráiler oficial

20 setiembre 11:06 2016 Imprimir

A pocos díes del so estrenu oficial nel marcu del Festival de Cine de San Sebastián, les primeres imaxes de Spain in a Day vieron la lluz. RTVE y MEDIAPRO presenten el tráiler oficial de la película empobinada por Isabel Coixet y que pretende reflexar un día na vida d’España al traviés de les vivencies de los sos ciudadanos.

Más de 22.600 vídeos contribuyeron a crear esta gran semeya global de la realidá, los suaños, los mieos y les aspiraciones de los españoles. Con una selección de 404 vídeos, Isabel Coixet construyó un filme emotivu, risonderu y sorprendente que la banda sonora orixinal d’Alberto Iglesias resalta y alluma.

Empobinada por Isabel Coixet y producida por RTVE y Mediapro, Spain in a Day va estrenase’l próximu 30 de setiembre en cines tres la so presentación oficial nel Festival de Cine de San Sebastián. Javier Mariscal ye l’autor del cartelu escoyíu por votación popular al traviés de la web de TVE.

La película ta basada en Life in a day -producida por Ridley Scott-, y llega a España tres l’ésitu collecháu por otres adaptaciones en países como Gran Bretaña o Xapón

  Categories: