Sophie Auster va actuar n’Avilés por mor del Día Mundial de la Poesía

12 marzu 00:42 2006 Imprimir

La cantautora norteamericana Sophie Auster va actuar n’Avilés el prósimu 20 de marzu nun conciertu nel Teatru Valdés, dientro la programación del Día Mundial de la Poesía qu’entama la Fundación Príncipe d’Asturies a comuña cola UNESCO. Auster vien acompañada del so grupu One Ring Zero y va repetir actuación n’Uviéu xunto a Luis Eduardo Aute nel actu central del Teatru Filarmónica el día 21.

La niuyorquina, fía del escritor Paul Auster y considerada una de les voces más singulares de la nueva música d’autor norteamericana, interpreta nel so repertoriu versiones de poemes de so padre y d’autores como los surrealistes franceses Paul Eluard, Guillaume Apollinaire o Tristan Tzara. Los conciertos d’Avilés y Uviéu avérenla al nuestru país per primer vez dende que saltara al circu de la música independiente americana.

  Categories:
Loading Facebook Comments ...