Sony xube por erru una película completa inda non estrenada a YouTube

09 xunetu 16:16 2018 Imprimir

Sony enguedeyose esta selmana pasada mientres unes hores en YouTube al xubir por erru una película completa inda non estrenada a YouTube.

La productora tuvo unu de los mayores despistes en tiempu y publicó al completu la película Khali de Killer na plataforma de vídeos. Estrenada n’Alemaña en payares del añu pasáu, la cinta nun diba comercializase nel restu del mundu hasta’l próximu 31 d’agostu.

La idega yera publicar el tráiler del filme, nel que s’amosara una pequena meyora de lo que’l públicu diba poder esfrutar na gran pantalla. En cuenta de eso, xubió la hora y media completa que dura la película. Los comentarios n’el mesmu vídeu y el barullu nes redes nun se fixeron d’esperar. “El tráiler desvelaba tola película”, dicía un graciosu. “Si esti ye’l tráiler, la película va durar cuatro hores”, dicía otru.

Dellos usuarios, sicasí, tienen les sos duldes de si esti garrafal erru ye en realidá una campaña de marketing. Lo cierto ye que cuesta creer que naide se dio cuenta de que’l ficheru que xubíen nun yera un pequenu tráiler, sinón una grabación de muncha más duración. Otra de les duldes qu’estrañó a dellos cinéfilos ye que’l ficheru d’una película completa, que’l so estreno inda falten dos meses, nun tea meyor curiáu.

La película yá foi retirada de YouTube. Sicasí, dellos usuarios tuvieron tiempu más que suficiente pa descargase’l clip completu. La productora nun se pronunció enagora, nin tampoco’l director del filme, al que seguro non -y fixo muncha gracia nada d’esti asuntu.

  Categories: