Portada Fiestes Somos Siero ya IX piden la retirada del cartelu de Oktoberfest de Festexos

Somos Siero ya IX piden la retirada del cartelu de Oktoberfest de Festexos

by redacción asturnews

Les conceyales Ana María Ballester (Somos Siero) y María González (IX) reclamaron la selmana pasada la retirada del cartelu anunciador del Oktoberfest -que la Sociedá de Festexos polesa va entamar del 11 al 15 d’ochobre- y refugaron «de manera atayante l’usu de la imaxe de la muyer pa promocionar estos eventos».

El cartelu de la polémica, que piden retirar les dos formaciones polítiques, amuesa a una moza col traxe típicu del Oktoberfest y dos xarres de cerveza na mano.

«La nuesa indignación ye mayor cuando un organismu públicu, como ye’l Conceyu, participa col so emblema nun cartelu d’estes característiques que perpetúen y fomenten los estereotipos sexistes, que son la base de la violencia contra les muyeres», añeden. Y acusen al gobiernu de «insensibilidá énte esta tema tan importante como ye la dignidá y l’imaxe pública de les muyeres» y cuestiona el so compromisu real cola igualdá».

Tamién te podria gustar