Somos Avilés afitase na so postura so la presencia la Guardia Real

Somos Avilés afitase na so postura so la presencia la Guardia Real
03 setiembre 15:21 2015 Imprimir

Somos Avilés quier faer llegar a la ciudadanía la so posición sobre la presencia nesta ciudá de la Guardia Real que nun dexa de ser un preséu, como ella mesma reconoz, “al serviciu de la corona”, actuando na actualidá como escaparate y maquinaria propagandística de la mesma.

Sigún la organización política, “la roxura innecesaria de les palabres de la conceyala d’eventos, Ana Hevia, creemos necesariu puntualizar dellos aspeutos y manifestar los motivos que nos lleven a amosanos contrarios a que dicha unidá militar realice nengún tipu d’actu n’Avilés”.
L’agrupación d’electores defende como principiu básicu la democracia participativa, “daqué que ye radicalmente opuestu al mesmu conceutu de monarquía, que xustifica la esistencia d’un Xefe d’Estáu que nun foi validáu pola urnes; la nuesa coherencia ideolóxica oldea cola hipocresía d’otres fuerces polítiques que se dicen
republicanes y actúen como simples salvaguardes d’una xefatura del estáu totalmente anacrónica”.

Como aseguren en Somos, la Guardia Real tien ente los sos cometíos sirvir como imaxe de la Casa Real y, según el so actual responsable, textualmente, “tamos obligaos a amosala al esterior y poder asina arimar l’arguyu y el prestu que supon dedicar la nuesa vida alserviciu de la Corona”. Ye con esti oxetivu col que tán realizando, na so opinión, l’actual xira per diversu ciudaes del Estáu, y que ta atopando la oposición en delles d’elles, asina n’Uviéu/Uviéu’l gobiernu municipal, con un alcalde del PSOE, tamién manifestó les sos reticencies a que desfile poles sos cais.

  Article "tagged" as:
  Categories:
Loading Facebook Comments ...