Portada Educación Sollerten de la perda d’autoridá del docente frente a alumnu y familia

Sollerten de la perda d’autoridá del docente frente a alumnu y familia

by redacción asturnews

Un espertu de la Univesidad Internacional Valenciana (VIU) alerta de la perda d’autoridá de los docentes y señala la detección del acoso escolar como la so principal esmolición.

La VIU remitía esti llunes nun comunicáu, con motivu del Día Mundial del Docente declaráu pola UNESCO, un estudiu del so espertu consultor del Grau d’Educación Infantil y d’Educación Primaria Vicente Gabarda, qu’indica que nos últimos años ta constatándose una perda d’autoridá escontra la figura del profesor que lu llevó a perder, en términos de respetu, el so “estatus social” llegando a cuestionase la so función dientro y fora de l’aula.

Nesti sentíu, l’espertu de la VIU añedió que n’ocasiones estudiantes y familiares conformen “un frente común” ante’l profesor “cuestionando les sos decisiones o la xestión del so programa d’enseñanza”.

Según dixo, esta situación vívenla munchos profesionales n’España, yá que según l’estudiu ‘Datos y cifres. Cursu escolar 2015/2016’ realizáu pol Ministeriu d’Educación, envalórase que’l númberu de profesores d’enseñances de réxime xeneral non universitaries pa 2014-2015 asitiase en 670.398 docentes, frente a los 583.078 del cursu 2004-2005.

Gabarda plantega les principales esmoliciones qu’acompañen al llabor diariu de los docentes y, ente elles, destacó la necesidá d’atender a cada estudiante de forma individualizada en función de les sos capacidaes y aptitúes y la de compatibilizar esa atención individualizada con consiguir que toos consigan adquirir les mesmes competencies.

Coles mesmes, otra de les “grandes esmoliciones” ye la capacidá del docente en detectar les nueves formes d’acoso como bullying o ciberbullying y la d’integrar la intelixencia emocional y la competencia social na aula, dos retos a los que s’enfrenta’l profesoráu actual.

L’espertu destaca les competencies llingüístiques como unu de los retos de la enseñanza actual y, nesti sentíu, señaló que los docentes plantégense como unu de los sos principales compromisos na aula’l d’ayudar a los alumnos a adquirir y desenvolver competencies llingüístiques na llingua propia y en dalguna llingua estranxera.

Tamién te podria gustar