Soldat Louis ‘comulga’ otra vuelta con Lorient

Soldat Louis ‘comulga’ otra vuelta con Lorient
06 agostu 11:47 2019 Imprimir

El grupu Soldat Louis, nacíu nes cais de Lorient, celebró’l so 30 aniversariu con más de 4.000 espectadores el sábadu pela nueche nun Espace Marine con toles entraes vendíes dende díes atrás. Soldat Louis foi fiel a la so reputación como grupu, garantizando un ambiente intenso, un directu llimpio y atrevío, onde’l guión ye perfectamente conocíu por un públicu de toles edaes.

“Ron, muyeres … ¡Y el nome de l’agua de Dios! Si queremos durar 30 años más, tenemos de beber un pocu”, esi yera’l mensaxe que mandaba al públioco Serge Danet, el cantante, mientres un descansu” nel escenariu’l sábadu pela nueche. Y esi espíritu siempres ye bien recibíu en Lorient.

Soldat Louis, un grupu nacíu en Lorient, taba celebrando’l so trixésimu cumpleaños y el cantar que convirtieron en cultu, lo que los fixo famosos más allá del Morbihan, “El ron de les muyeres”, resonó nuna carpa llena como un güevu, como dicen el franceses, con 4 300 gargüelos faciendo de coru.

“En 30 años, nun camudasti demasiáu. Nós tampoco … “, dixo’l cantante de Soldat Louis al públicu n’otru momentu del conciertu. Y ye totalmente ciertu, tienen el mesmu espíritu, el mesmu soníu sinceru, y los años nun paecen pasar por ellos. Sía comoquier, más en forma que Renaud, que los fixo tocar na primer parte de los sos conciertos. Col so sombreru indixebrable,Serge Danet tuvo acompañáu por Renaud Detressan (tamién conocíu como Gary), otros cinco bucaneros (guitarra, baxu, batería, gaites …) y, en dellos cantares, cinco gaiteros con vestimienta tradicional y gafes negres.

A la fin. dempués de 2 hores llargues d’un espectáculu de clásicu rock and roll, completaron tol so repertoriu musical: «Tirer deas caisses», «C’est un pays», «Martiniquaise», «Tonton Louis», «Encore un rhum»… Tolos vieyos estándares pasaron. El públicu tamién pudo esfrutar de los nuevos cantares del so octavu álbum “Quelques nouvelles du front”.

L’ambiente yera escepcional: güelos y nietos, compartiendo una ilusión xeneracional inesplicable n’Asturies pa un grupu de rock salíu de les cais d’esta ciudá tan especial, que siempres tocó nos chigres de la villa ensin nengún tipu d’endiosamientu. El bon humor reinaba nel escenariu y ente’l públicu qu’arropaba coles sos cantaraes al grupu en toes los sos cantares, memorizadas a lo llargo de trés décades. Cantares que falen de lo que ye más queríu nesta villa bretona: el mar, los viaxes, les decepciones nel amor.

Loading Facebook Comments ...