Sol Celta inaugura’l branu avilesín con 7 díes de conciertos, mercáu y animación

by redacción asturnews | junio 22, 2018 9:12 am

El Sol Celta va inaugurar n’Avilés la programación braniza con 7 díes de conciertos, mercáu, danza, pasacalles y animación infantil del 2 al 8 de xunetu.

El programa inclúi una trentena d’actuaciones musicales y celebrarase del 2 al 8 de xunetu nes places d’Alfonso VI y Carlos Llobu, les cais La Ferrería y El Sol y establecimientos hosteleros de la zona. Va Cuntar con músicos internacionales como l’irlandés Paul Dooley, referencia mundial de l’arpa, o’l francés Sylvain Barou, unu de los más afamaos flauteros de música folk.

El festival Sol Celta inaugura, un añu más, la programación festiva d’Avilés pal mes de xunetu. La conceyala de Cultura, Yolanda Alonso, y representantes de l’Asociación Cultural Ventanu 69, presentaron esti llunes 18 de xunu’l festival qu’anguaño cumple la so séptima edición con siete díes d’actividaes: del 2 al 8 de xunetu.  Celébrase les places d’Alfonso VI y Carlos Llobu y nes cais la Ferrería y El Sol, amás d’en establecimientos hosteleros d’esa zona.

Sol Celta inclúi una trentena conciertos, pero tamién teatru, un mercáu celta, animación infantil, xuegos tradicionales, danza, pasacalles y un cursu de llingua asturiana. Alonso destacó “la calidá y variedá de los eventos entamaos por Ventanu 69. Tratar d’un festival que foi creciendo, dende la so nacencia, tantu en númberu d’actividaes como en duración”.

La conceyala de Cultural resaltó que Sol Celta “inaugura la programación braniza n’Avilés, que completen el VII Festival de terror, fantasía y ciencia ficción “Celsius 232″ (11 al 14 de xunetu) y el  XXII Festival Intercélticu (del 22 al 29 xunetu), eventos bien consolidaos y con numberosos siguidores, que son, ensin dulda, el meyor preludiu para los actos festivos del mes d’agostu y la Selmana Grande de San Agustín”.

Más información[1]

Endnotes:
  1. Más información: http://aviles.es/web/guest/inicio/-/asset_publisher/xbzNkVvUI3OO/content/sol-celta-inaugura-la-programacion-estival-con-7-dias-de-conciertos-mercado-danza-pasacalles-y-animacion-infantil/12309

Source URL: http://asturnews.com/sol-celta-inaugura-la-programacion-braniza-con-7-dies-de-conciertos-mercau-danza-pasacalles-y-animacion-infantil/