Snapchat suma nuna selmana 9 millones d’usuarios diarios

by redacción asturnews | febrero 13, 2018 12:37 pm

Snap, la empresa dueña de Snapchat, anunció esta selmana que sumó nueve millones d’usuarios diarios nel últimu trimestre de 2017 algamando los 187 millones en total a nivel mundial. Esta meyora, para munchos inesperada, disparó’l valor de les sos acciones de los 14 dólares estadounidenses por unidá previos al anunciu a los 18 dólares qu’algamó esta selmana pasada.

Tal qu’amuesa esta infografía de Statista, anque la rede de los vídeos efímeros esperimenta una crecedera positiva, el ritmu de la so espansión ye relativamente lentu, sobremanera si comparar col todopoderosu Facebook. Asina, ente que Facebook pasó de los 92 millones d’usuarios en 2009 a los 417 millones a mediaos de 2011, esto ye, más de cuatro vegaes cimera en dos años y medio, Snapchat apenes dobló’l so númberu. Esti patrón de crecedera recuerda asina al qu’esperimentó Twitter, qu’evolucionó de los 85 millones de cuentes a les 232 allá por 2011.

Source URL: http://asturnews.com/snapchat-suma-nuna-selmana-9-millones-dusuarios-diarios/