Snapchat nun consigue aumentar los sos usuarios

by redacción asturnews | noviembre 10, 2017 9:07 am

Snapchat solo añedió 4,5 millones d’usuarios diarios de xunetu a setiembre hasta algamar los 178 millones, cifra per debaxo de les mires de Wall Street, bolsa na que la empresa cotiza dende hai menos d’un añu.

Amás, la compañía declaró nes sos cuentes trimestrales, publicaes ayeri, unos ingresos de 207,9 millones de dólares estadounidenses, frente a los alredor de 237 millones de les estimaciones. El valor de les acciones de Snap, nome real de la compañía, menguaron un 16% tres la publicación de les resultancies, de los 15,12 dólares a los 12,65 dólares, tal como recueye la revista tecnolóxica TechCrunch.

Como amuesa esta infografía de Statista, la función Stories de Instagram, qu’ufierta un serviciu similar al de Snapchat, podría doblar en númberu d’usuarios diarios a Snapchat en pocos meses.

Source URL: http://asturnews.com/snapchat-nun-consigue-aumentar-los-sos-usuarios/