Skanda presenta ‘El cuartu’ na Tierra Astur de Cualloto

by asturnet | octubre 10, 2007 11:42 pm

Güei, xueves 11 d’ochobre, a les nueve y media la nueche la Sidrería Tierra Astur de Cualloto va ufrir l’actuación del grupu de Mieres ‘Skanda’, un recital nel que van presentar el so discu últimu ‘El cuartu’, asoleyáu por Ámbitu-L’Aguañaz.

’El cuartu’ tien once cantares, dalgunos de composición propia y otros inspiraos na tradición d’Asturies. El grupu ñació en 1997 y yá s’afitó bien nel panorama musical asturianu como una de les formaciones más novedoses. Nel discu collaboren la Banda de Gaites Villa de Mieres, Alberto Ablanedo col bouzouki, Héctor Braga col violonchelu, Santi y Fernando González colos vientos, Berto Argallaes cola harmónica y el Coru Infantil de la Escuela de Música de Mieres.

Source URL: http://asturnews.com/skanda-presenta-%c2%91el-cuartu%c2%92-na-tierra-astur-de-cualloto/