‘SilVidos y Gañíos’ abre’l ciclu Arte nel barriu

21 marzu 11:55 2019 Imprimir

EL CMI El Llanu. Xardinos del Centru, presenta esti xueves 21 de marzu a les 19.30 hores al dúo femenín de Silvi y Gema Fernández con Silvidos y Gañíos, espectáculu col quie empecipia Arte nel Barriu, un ciclu con variaes propuestes artístiques de pequenu formatu onde l’espaciu escoyíu ye la cai, siempres que’l tiempu dexar.

Les hermanes Silvia y Gema Fernández col so proyectu acústicu, esplieguen un ampliu repertoriu de versiones n’español llevaes al so terrén ya imprimiendo el so calter personal en caúna d’elles. Tou tipu d’estilos musicales (cantautor, rock, reggae, rumba…) nuna repasada minucioso y estudiao d’un ampliu elencu d’artistes (Silvio Rodríguez, Sabina, Fito y Fitipaldis, Rapacín Bombu Infiernu, Amparanoia…). La resultancia ye un espectáculu d’una xenuina combinación d’humor y musicalidá.

SilVidos y Gañíos ye un homenaxe a toos esos cantares qu’a lo llargo de la hestoria dexaron buelga por unos o otros motivos, y una invitación a l’allegría y la sorrisa. Un showsentimental y canalla que tien como única pretensión apostar pola música como terapia contra la apatía y buscar na felicidá la so única meta.

CMI El Llanu. Xardinos del Centru, avda. d’El Llanu. Xueves 21 de marzu a les 19.30 hores
En casu d’agua treslladar a la sala d’audiovisuales.

  Categories: