Silvia Quesada protagoniza esti martes “El Club Musical”

by asturnet | julio 28, 2014 8:40 am

Esta selmana n’El Club Musical, programa que s’emite los martes a les 22:50 hores na TPA, va tar la tinetense Silvia Quesada, acompañada por Alfredo González (pianu), Rubén Bada (guitarra acústica y violín) y Senén González (baxu), amás de les collaboraciones d’Esther Fonseca y Bueno; nel capítulu va presentar el so primer trabayu discográficu en solitariu, tituláu “La pena abierta”.

Otra manera, Manolo Abad va recomendar la figura y la obra del músicu Nick Cave.

Esti mes de xunetu estrenose la segunda temporada de ‘El Club Musical’,el programa de TPA dirixíu y presentáu por Xune Elipe qu’abría esta serie de 13 programes con Losone y los temes del so álbum debú ‘Umbilical’.

Col asturianu como llingua vehicular, esti programa de la televisión pública del país producíu por Goxe Producciones trai novedaes con respeuto a la primer temporada, sobre manera nel campu estéticu y visual. Ente les novedaes alcuéntrase una realización “más atractiva y moderna”, a cargu de Javier Lueje, amás de la incorporación d’elementos d’atrezzo nel escenariu, una illuminación renovada, una sintonía nueva compuesta por Jorge Cambareli, más seiciones y un montaxe más dinámicu.

Tamién se presenta un logu nuevu y esclusivu, obra del diseñador JM Navarro con una dinámica asemejada a la que ya conociemos, con una entrevista al grupu convidáu y la interpretación de delles canciones sobre un escenario.

“Estamos listos” promo de SIlvia Quesada pa descargar[1]

Endnotes:
  1. “Estamos listos” promo de SIlvia Quesada pa descargar: https://www.wetransfer.com/downloads/2028f69e5bf354315c18976fb20c23f020140728102103/e82ba5ff47fa5bf10cf290c1142a0f5020140728102103/255c6e

Source URL: http://asturnews.com/silvia-quesada-protagoniza-esti-martes-el-club-musical/