Portada Cooperación Siguen les actividaes conmemoratives n’Avilés del 8 de Marzu

Siguen les actividaes conmemoratives n’Avilés del 8 de Marzu

by redacción asturnews

Siguen les actividaes conmemoratives n’Avilés del 8 de Marzu, Día Internacional de les Muyeres, col escenariu de la Carpa de Les Meanes como referente qu’abre’l llunes cola esposición Asturianes na Transición: Discursos y Acción Política Feminista (1975-1983)”, una sesión especial del Club de Llectura Una habitación propia” y unalcuentru con Teresa Lozano y Zua Méndez de la canal feminista Towanda Rebels.

Les actividaes conmemorativas del 8 de Marzu, Día Internacional de les Muyeres, n’Avilés siguen esti sábadu y hasta el 17 de marzu. El programa d’actos pal llunes 11 ye’l siguiente:

Llunes 11 de marzu

Actividaes na Carpa de Les Meanes (pasio Alcalde David Arias):

12:00 hores. Inauguración de la esposición Asturianes na Transición: Discursos y Acción Política Feminista (1975 – 1983)”.

“Nos paneles que conformen esta amuesa sigue l’itinerariu feminista –inxeríu, poques gracies, nel texíu político y social– de les muyeres d’Asturies nesa cambiante ya insegura dómina de «adolescencia» nel afitamientu democráticu y na consecución de derechos como muyeres y ciudadanes. La esposición, de manera axilosa anque compactu y ensin fisuras, llargamente documentada y rica tamién n’imaxes, presenta la hestoria y la llucha de les muyeres d’Asturies nesi períodu nel que volvieron tener que faese visibles; yá lo fixeren n’otres ocasiones y por distintos motivos, baltes que les fuelgues de la minería, principalmente na década de los sesenta. Nestos años de Transición, les muyeres tomaron les cais, ocuparon los espacios de poder y esixeron los sos derechos tamién como ciudadanes de la que la sociedá diba solmenándose les munches y pesaes capes del Franquismu y evolucionando escontra la pluralidá política y l’afitamientu de la democracia. Foi tiempu de transición y cambéu, intensu y significante, que tamién habría de ser decisivu pa la situación y el futuru de les muyeres, non solo na nuesa comunidá sinón en tol Estáu” (Begoña Sánchez González. Presidenta de AFA).

18:00 hores. Club de Llectura “Una habitación propia”. Sesión especial del ciclu, nel que sol nome “Lleendo autores africanes”, Khady Sarr, Salma El Harf, Abiba Thior, Mio Diakhite, y Diariaton Kunta, africanes  residentes n’Avilés, van lleer caúna un testu.

Darréu, Marta Sofía López Rodríguez, profesora de la Universidá de Llión especializada en lliteratura africana escrita en llingua inglesa por muyeres, va impartir la charra “Mujeristas, misoviras, feministes: intersecciones y desencuentros” y va centrase na obra “La nuesa hermana aguafiestes” d’Ama Arreya Aidoo, qu’ella tradució.

19:00 hores. Conferencia “Reto de la cuarta fola feminista”, con Teresa Lozano y Zua Méndez, de Towanda Rebels.

Towanda Rebels ye una canal de comunicación feminista formáu pola actriz y periodista Teresa Lozano y la tamién actriz y humanista, Zua Méndez. Dambes defínense como activistes, comunicadoras y, primero de too amigues, qu’un día decidieron romper el silenciu y empezar a falar y a escribir sobro la opresión de la muyer col fin d’acelerar la so lliberación en tolos ámbitos.

El so “espertar feminista” llegó al traviés de les redes sociales onde, afirmen, conocieron a grandes muyeres que-yos enseñaron el camín y fixéron-yos ser conscientes de que la igualdá real yera un espeyismu, una “mentira capital” que los vendieren y que elles, como fíes d’una sociedá formalmente igualitaria, habíen creyíu.

Asina, tomaron conciencia de que les coses que-yos asocedieren na vida y que los siguíen asocediendo a diariu (tantu a elles como a millones de neñes y muyeres) yeren frutu d’un sistema patriarcal y decidieron que teníen que faer daqué al respeutu. Empezaron a trabayar faciendo activismu coles ferramientes al so algame: un móvil, un ordenador pa editar, les redes sociales y lo más importante, miles d’idees y un deséu de comunicar y de camudar lo que los revolver no más fondo.

Tamién te podria gustar