Sigue abiertu’l plazu de presentación d’orixinales pal XIV Concursu de Cuentos pola Oficialidá

25 abril 09:01 2011 Imprimir

El Conceyu de Bimenes acaba convocar el XIV Concursu de Cuentos pola Oficialidá del Asturianu pa rellatos escritos nesta llingua, de tema llibre y con una estensión máxima de 10 fueyes, mecanografiaes a doble espaciu, per una sola llana. Ha unviase un orixinal, tres copies y una copia en versión informática. Cada autor podrá presentar namás una obra.

Los cuentos han unviase a la Casa Cultura de Bimenes (pal XII Concursu de Cuentos pola Oficialidá del Asturianu). Santuyano, e/n. CP 33527 – Bimenes. El plazu de presentación acaba’l día 1 de xunu del 2011 (fecha del matasellos de correos) y l’apertura de pliques, que va tener como escenariu la Casa Conceyu de Bimenes, va facese’l día 27 de xunu del 2011, nun actu abiertu al públicu.

El primer premiu ye de 800 euros; el segundu, de 500 euros; y el terceru, de 350 euros, entregándose nel día de la Fiesta de la Oficialidá.

  Categories:
Loading Facebook Comments ...