Portada Conceyos Siete centros sociales d’Uviéu van ufiertar talleres pa neños en Navidá

Siete centros sociales d’Uviéu van ufiertar talleres pa neños en Navidá

by redacción asturnews

La rede de centros sociales d’Uviéu va poner en marcha un añu más el programa de conciliación llaboral y familiar pa neños d’ente 6 y 12 años qu’anguaño se denomina “Emociónate en Navidá”. El plazu de solicitú pa inscribise en dalgún d’estos talleres que se van celebrar en siete centros sociales empecípiase’l próximu 2 d’avientu.

Los talleres que van tener llugar nel periodu non lectivu de les vacaciones escolares (los díes 23, 26, 27 y 30 d’avientu y 2, 3 y 7 de xineru). Y l’horariu de les actividaes va ser de 08:30 a 14:00 hores, los díes llaborales, y van llevase a cabu pol personal d’animación sociocultural de la Rede de Centros Sociales del Conceyu d’Uviéu nos siguientes Centros: ARGAÑOSA, MUÑOZ DEGRAÍN, CIUDÁ NARANCO, CUALLOTO, CORTIXU, PUMARIN Y VALLOBIN II.

Pa poder participar na actividá, les persones  tendrán de presentar la solicitú d’inscripción debidamente rellenada, dientro del plazu habilitáu, a partir del 2 d’avientu, xuntu cola documentación correspondiente relativa a la edá del/la menor y la so acreditación como responsable del/la mesmu/a.    Estes solicitúes tendrán de presentase nel mesmu centru social (solo van almitise solicitúes presenciales) onde vaiga acoyese esti programa. Estes actividaes escuerren aumentar la ufierta de recursos al algame de les families pa collaborar na atención de los menores mientres les vacaciones escolares. Esta midida sofita la política de conciliación de la vida llaboral y familiar, amás de promover un espaciu de participación, alcuentru, convivencia y diversión pa la población infantil del nuesu conceyu.

Los oxetivos d’esti programa son conciliar la vida familiar y llaboral de les families, dinamizar la Rede de Centros Sociales del conceyu d’Uviéu y fomentar el so usu como recursu d’ociu pa la población infantil. Amás, pretenden promover actitúes de solidaridá, cooperación y respetu, favorecer el desenvolvimientu de la imaxinación y creatividá, fomentar l’alquisición de les habilidaes sociales, ufiertar a los  neños alternatives pa esfrutar del tiempu llibre, potenciar el desenvolvimientu de les habilidaes sicomotores y manipulativas de los participantes y fomentar la conocencia de les tradiciones.

Nesta ocasión, sol títulu d’EMOCIÓNATE ESTA NAVIDÁ, la programación inclúi manualidades, dinámiques y xuegos rellacionaos coles feches navidiegues y les emociones que les acompañen. Ente les actividaes que van desenvolver, va realizase xuna “caxa máxica de les emociones”, los neños y neñes van practicar la mímica d’emociones y sorpreses”, y van iguar “Tarros navidiegos con emociones” y xuna “bola de nieve”.

Tamién te podria gustar