Portada Lorient 2007 Siero celebra esti sábadu’l XIII Festival Internacional de Folclor María Campos

Siero celebra esti sábadu’l XIII Festival Internacional de Folclor María Campos

by asturnet

Dientro de les Fiestes d’El Carmín de La Pola, en Siero, el vienres 17 va entamase’l VII Alcuentru Internacional de Bandes de Gaites, na Casa la Cultura y a partir de les 21:30 hores. Nél van participar Nova Fronteira d’Ourense, Beato Fray Pedro Soler de Murcia, Galandum Galundina de Miranda del Douru (Portugal), el prestixosu solista irlandés Jarlath Henderson y les formaciones asturianes Conceyu de Siero y Xiranda de Cualloto.

El sábadu, nel mesmu llugar va celebrase’l XIII Festival Internacional de Folclor María Campos cola participación del conxuntu rusu Kavkaz, los venezolanos Danzas Zazaribacoa y el so grupu Maisante, Agrupación Folklórica de Tetir (Canaries), Grupo Aldaba (Castiella) y el Grupo Municipal de Coros y Danzas de Frigiliana (Aragón), amás de los asturianos Agrupación Folclórica Cuélebre y Conceyu Cultural El Carbayu.

Nes fiestes va haber tamién concursu d’echadores de sidra, otru de baille a lo suelto, sesiones pa neños y neñes, espicha, verbenes, conciertos y la romería, terminando’l martes.

Tamién te podria gustar