Portada Plástiques Sidoro Villa espón la so obra en Candás

Sidoro Villa espón la so obra en Candás

by asturnet

Nel pisu baxu del edificiu polivalente La Baragaña de Candás, va ofrecese al públicu, dende’l 25 d’abril al 18 de mayu, una esposición de dibuxos del autor escritor y ilustrador Sidoro Villa Costales, que cunta con obres como Nun-yos tengas perceguera o Mael al debalu ente otres munches, y qu’amuesa un refileru d’ilustraciones orixinales fechos pa dalgunu de los sos llibros, y otros trabayos que van dende los empobinaos al públicu más mozo hasta otros p’adultos.

El mesmu espaciu, y nes mesmes feches, va acoyer otra esposición de delles campañes en llingua asturiana dirixíes al públicu infantill y entamaes pol Serviciu de Normalización Llingüística de la Mancomunidá d’El Cabu Peñes. Otra de les meses de la esposición tará destinada a della información al rodiu de la Selmana de les Lletres Asturianes qu’esti añu 2012 va tar dedicada a la Ilustración.

Tamién te podria gustar