Sheila Jordan, lleenda viva del jazz, ufierta un conciertu n’Avilés

Sheila Jordan, lleenda viva del jazz, ufierta un conciertu n’Avilés
27 abril 09:05 2018 Imprimir

Sheila Jordan, lleenda viva del jazz, ufierta un conciertu n’Avilés nel marcu d’una actividá na que va impartir un taller pa cantantes y músicos de toa España demientres los díes 28 y 29 a les 20 hores nel auditoriu de la Casa Municipal de Cultura.

Esta fin de selmana llega a Avilés una de les voces vives del jazz más reconocíes na actualidá. Sheila Jordan va ufiertar  a les 20 hores un conciertu na Casa Municipal de Cultura y dempués va pasar el sábadu y el domingu impartiendo un taller para cantantes y músicos na escuela Los Adioses Escuela Musical.

Dambes actividaes tán promovíes pol Conceyu d’Avilés y entamaes por Los Adioses Escuela Musical y A Vocal Jazz Academy, de Befriends. Amás cunta col sofitu del hotel 40 Nuedos.

“La cantante col oyíu del millón de dólares”, como la calificó Charlie Parker, uno de los meyores intérpretes de saxo alto de la hestoria del jazz, va abrir la fin de selmana con un conciertu nel que va tar acompañada por César Latorre, al pianu, y Horacio García al baxu.

Les entraes tán disponibles al preciu de 5 euros nes taquilles de la Casa Municipal de Cultura (n’horariu de 11 a 14 y de 18 a 21h.), nos caxeros Liberbank, n’entraes.liberbank.es/palaciovaldes/public/janto/ y nel teléfonu 902 106 601.

El restu de la fin de selmana la artista va dedicase a compartir les sos conocencies con un grupu de cantantes procedentes d’Asturies, Madrid, Valencia, Bilbao, Galicia, Castiella y Llión y Guipúzcoa. Los y les participantes van tener la oportunidá non yá d’afondar na parte teórica sinón que tamién va haber tiempu para practicar y entamar un conciertu.

El talle va estendese a lo llargo de too el día del sábadu, ente les 10 de la mañana y hasta la finalización de la postrera de les actividaes, qu’empieza a les 20,30 hores, y el domingu, que va empezar a les 10 hores y va rematar a les 18,30.

Más información

  Categories: