Portada Música Shakira, Miley Cyrus y Coldplay ufren conciertu pola vacuna de la Covid-19

Shakira, Miley Cyrus y Coldplay ufren conciertu pola vacuna de la Covid-19

by redacción asturnews

La cantante colombiana Shakira, la banda británica Coldplay y l’artista estadounidense Miley Cyrus van participar nun conciertu virtual y solidario esti sábadu 27 de xunu en favor d’una vacuna universal contra’l coronavirus co-entamáu pola Comisión Europea (CE).

L’espectáculu, que se va celebrar esti sábadu 27 a les 15 hores de Bruxeles, va poder vese al traviés de RTVE, Canal +, ARD, Bell Media, CBC, NBC, Globu o Fuji TV, entre otres plataformes, y al traviés de Twitter, Facebook, Youtube y el portal de la Comisión Eropea.

”Los ciudadanos globales de tol mundu tán pidiendo a los líderes mundiales qu’ayuden a poner fin al COVID-19 al encamentalos a comprometer los miles de millones de dólares necesarios para apurrir pruebes, tratamientos y vacunes a toos, perdayuri. Precisamos equidad en salú y xusticia global”, declaró nun comunicáu Shakira.

Van participar tamién nel conciertu Justin Bieber, Usher, Jennifer Hudson, J Balvin, Chloe x Tope, Yemi Alade, y Christine and the Queens y va ser la culminación d’una campaña para recaldar fondos para xuna vacuna universal contra’l COVID-19, tratamientos y pruebes de diagnósticu que lleguen a tolos rincones del mundu.

”Artistes, científicos y líderes del mundu van falar con una sola voz nun momentu verdadero y raro d’unidá global. van comprometer a ayudar al mundu a acabar col coronavirus, ensin dexar a naide tras”, amestó la presidenta de la Comisión Europea. La Unión Europea, añedió Von der Layen, ta “totalmente comprometida a garantizar un accesu xustu a una vacuna algamadiza lo antes posible y para tolos que la precisen”.

La nueva campaña, denominada “Global Goal. United for our future” (Oxetivu Global. Xuníos pol nuesu futuru), ye la continuación del eventu pa recaldar fondos auspiciáu pola CE’l pasáu 4 de mayu, que lleva recaldaos yá 9.844 millones d’euros, de los qu’unos 6.500 millones provienen de países o organizaciones de la UE. ”Pidimos a los líderes de tol mundu que combatan l’impactu desproporcionáu que COVID-19 tien nes comunidaes marxinaes al comprometer fondos para desenvolver y apurrir pruebes, tratamientos y terapies”, señaló Miley Cyrus.

Tamién te podria gustar