Portada Educación Segundu de Bachilleratu va acabar les clases el 29 de mayu

Segundu de Bachilleratu va acabar les clases el 29 de mayu

by redacción asturnews

L’alumnáu de segundu de Bachilleratu va acabar n’Asturies les clases el 29 de mayu y va preparar la EBAU del 5 al 23 de xunu.

Esta selmana decidiéronse cuestiones importantes pa los rapazos que finen el Bachilleratu: Teniendo en cuenta les feches dispuestes anguaño pa la celebración de les Pruebes d’Accesu a la Universidá (30 de xunu y 1 y 2 de xunetu; 21,22 y 23 de xunetu, respectivamente), faise precisu afaer el calendariu escolar pa esti cursu. Les clases online pa ellos van rematar el día 29 de mayu y les sesiones d’evaluación ordinaries van llevar a cabu los díes 1 y 2 de xunu, salvu nos conceyos nos que sían festivos locales, que van tener de plazu hasta’l día 3. Les recuperaciones van poder celebrase hasta’l 19 y les sesiones estraordinaries d’evaluación afitáronse pa 22 y 23 de xunu.

Mentanto van tener llugar les clases más importantes pa los estudiantes: les de preparación de la prueba ordinaria de la EBAU, a la que se presenten cada añu unos 5.000 alumnos n’Asturies: van ser ente’l día 5 y 23 de xunu, dambos inclusive, «dexando que tol alumnáu pueda participar», diz la conseyería. El calendariu tien de publicar «nel tablón d’anunciu de los centros en casu de ser posible l’accesu a la cortil escolar y, comoquier, na páxina web del centru». Educación alcordó tamién el calendariu d’evaluaciones y reclamaciones.

La conseyería publicó tamién les instrucciones d’evaluación, daqué bien de solicitao polos docentes, pero que nun paez cumplir les mires de los sindicatos. Suatea critica que nun se tuvo en cuenta la escepcionalidá del momentu y que se siguen ce por be los reglamentos sobro evaluación y derechos y deberes establecíos pelo normal». Solo modifíquense, dicen, los procesos alministrativos. «Dexen al profesoráu na más absoluta indefensión», dicen, y critiquen que los alcordaos «sí tán adelantrando materia» y qu’hai «abusos» per parte de dellos equipos directivos.

Tamién te podria gustar