Segundu Alcuentru de Tresferencies: bioética y tecnoloxía

Esti sábadu 23 de xineru del 2016 el colectivu Econodos celebra un segundu alcuentru abiertu al públicu na esposición Materia prima.

El proyectu de Econodos (Lorena Lozano y Verónica G. Ardura) “Tresferencies. Les artes, les ciencies y les nueves formes de lo local” ye un Llaboratoriu de Filosofía nel contestu de la esposición Materia prima, que plantega la idea de la pluralidá de les artes y les ciencies y la necesidá de xenerar procesos colaborativos de tresferencia de conocencies pa fortalecer la conocencia común.

El proyectu articúlase en redol a seis encuentros con presentaciones, entevistes y alderiques, convidar a la comunidá de ceadores a cavilgar sobre’l significáu social y políticu de les tecnoloxíes dixitales y les sos implicaciones étiques y estétiques.

Pa esti alcuentru tienen preparáu un interesante alderique sobre les cuestiones étiques en relación a les ciencies de la vida. Teniendo como contestu dalgunos de los proyectos artísticos que xueguen coles nueves formes de manipulación biotecnológica y la vida, llantemos la entruga fundamental de si tou aquello que ye técnicamente posible realizar, ye aceptable éticamente. Pa ello acompáñanos Yolanda Argüelles, enfermera y miembru del Comité d’Ética Asistencial de la Área VIII (Asturies).