SociedáVidios Iniciativa pol Asturianu anima a la sociedá a participar na Manifestación pola Oficialidá by asturnet 7 de mayu, 2015 Iniciativa pol Asturianu anima a la sociedá a participar na Manifestación pola Oficialidá nuna nota de prensa asoleyada esti día, na que fai alcordanza de la cercanía de les elecciones, que “fai especialmente importante que la sociedá asturiana faiga un llamáu a los partíos, pidiéndo-yos un mayor compromisu cola llingua asturiana”. Por mor d’ello vienres 8 de mayu la sociedá asturiana vuelve a salir a la cai por mor d’ello llama reclamar la oficialidá del asturianu nesi manifestamientu. Dende Iniciativa pol Asturianu vuelven a sofitar un añu más esta manifestación, participando de la marcha con más razón nesti añu nel que “la cercanía de les elecciones fai especialmente importante la convocatoria, yá que ye necesario dexar nidio a los partíos políticos la necesidá dactuar yá sobre la situación de perda idiomática y falta de drechos civiles que vivimos nAsturies”. La Manifestación pola Oficialidá va salir a les 19:30 hores de la Estación del Norte d’Uviéu y Iniciativa alienda “a toles persones enfotaes nel futuru del idioma a participar con nós nesti actu festivu y reivindicativu que llenará les cais de la capital asturiana”. Iniciativa pol Asturianu quier facer un llamáu a la sociedá pa participar nesta reivindicación y va facelo con un repartu de nuevos materiales promocionales, incluyendo folletos y chapes reivindicatives. Iniciativa pol Asturianu ye una organización que ñació pa implicar a tola sociedá asturiana nel procesu de recuperación y normalización del asturianu, y polo tanto camienta imprescindible que la sociedá simplique y faiga oyer la so voz, que ye mayoritariamente favoratible a que lasturianu se convierta nuna llingua normal, que pueda usase en tolos ámbitos y que tenga garantizául so futuru, lo que solo ye posible si esta llingua ye oficial. Nel comunicáu asoleyáu est día, Iniciativa pol Asturianu recuerda que “dempués de la manifestación va celebrase nel Teatru Campoamor la Xunta Estraordinaria de lAcademia de la Llingua Asturiana y que la entrada ye llibre y de baldre. Animamos a la xente a participar d’esti actu de sofitu a la institución y aprovechamos pa felicitar a la Xunta pola Defensa de la Llingua Asturiana, organización que convoca la manifestación, questi añu cumple 30 años dactividá”. 7 de mayu, 2015 0 FacebookTwitterPinterestEmail
LliteraturaVidios Xurde Álvarez espubliza n’amazón “Lo escrito nel silenciu” by asturnet 9 d'abril, 2015 Xurde Álvarez vieno acabante d’espublizar n’amazón “Lo escrito nel silenciu”, un llibru, escritu en diez años, que cuenta una hestoria d’amor dende’l so aniciu hasta la so resolución final y que va vendiese namái que n’Amazón donando tolos benficios íntegros del so mercar al Bancu d’Alimentos d’Asturies.Esti llibru presentase agora al traviés de dellos videopoemes en YouTube, nun formatu enforma novedosu. Esti ye’l caberu trabayu del autor salmerón, dende que nel 2014, edítase la novela “Si’l temblor niega’l fríu”, que cunta la vida de dos enfermeres nun hospital siquiátricu de l’Alemania nazi. Xurde Álvarez vieon faciendo nesti caberu mes un trabayu de marketing viral nel que va presentando’l llibru “Lo escrito nel silenciu” a traviés d’estos videopoemes y de comunicación informal al tiempu que fai un apueste nidiu por Amazón como mediu de desenvolvimientu comercial. El llibru llanzáu nel final de febreru tará solo Amazon en formatu ellectrónicu y papel, tanto n’asturianu como la so torna al castellán. Y como desplica’l mesmu autor, “fáise asina pues LOS BENEFICIOS ÍNTEGROS DURANTE UN AÑU DE LES VENTES DIRÁN A PARAR AL BANCU D’ALIMENTOS D’ASTURIES, nun enfotu de collaborar con ellos, a la que t’animo a participar tamién donándo-yos alimentos (http://www.bancaliasturias.org/)”. El llibru ta escritu en diez años y cuenta una hestoria d’amor dende’l so aniciu hasta la so resolución final. Xurde Álvarez entama la so carrera como escritor nel añu 1.999, col asoleyamientu d’un poemariu de caráuter social tituláu “La sema”. Nel 2004, publica “No fondero de l’alcordanza de Dios”, novela social na que s’espeya la dura y escarniada superviviencia d’una familia a lo llargo de los nueve meses que duraría la güelga que va dende Payares de 1.932 fasta Agostu de 1.933. Y esi mismu añu, algama con “Les llames del to llar antiguu” el premiu de testos teatrales de l’Academia de la Llingua Asturiana.En 2008, espublizaría la lluz “Tierra d’esperanza”, poemariu que continúa la filosofía de “La sema” y nel 2009, “La caída” primer poemariu non-social del autor. 9 d'abril, 2015 0 FacebookTwitterPinterestEmail
Vidios Uviéu acoyó una mesa redonda embaxo’l títulu “¿Qué pasa cola llingua?” by asturnet 3 de xunu, 2013 Un mesa redonda titulada “¿Qué pasa cola llingua?” y convocada pol Atenéu Llibertariu d’Uviéu celebróse’l vienres 24 mayu en Ciudá Naranco y cuntó cola participación d’Inaciu Galán (presidente d’Iniciativa pol Asturianu), Iris Díaz (Reciella — families pol asturianu), Dolfu Camilo Díaz (escritor y xestor cultural), y Miguel Rodríguez (Trafego). Na mesma aldericóse alredor del pasáu, presente y futuru de la reivindicación llingüística. Ufrimos agora’l videu. 3 de xunu, 2013 0 FacebookTwitterPinterestEmail
Vidios Dos sovenciones paudivisuales nasturianu by asturnet 13 d'agostu, 2012 El BOPA asoleyól resultáu de les sovecniones a obres audiovisuales nasturianu. Ende sur, de la productora De la piedra producciones y documental sobre la hestoria del selmanariu Les Noticies fechu por Ámbitu Ediciones llévaronse la partida presupuestaria de dalgo más de 12.000 euros. Información completa nel BOPA 13 d'agostu, 2012 0 FacebookTwitterPinterestEmail
Vidios Juan Echanove pide disulpes por rise del asturianu con un chiste by asturnet 7 d'avientu, 2010 Los actores Imanol Arias y Juan Echanove presentaron un programa dedicáu a dar a conocer Asturies, a mou de documental informal, en TVE. Ocurría va selmanes y nesi programa Juan Echanove cuntó un chiste conocíu polos asturianos y que traxo bien de discusiones pol so usu pa ridiculizar a la llingua asturiana por personaxes como Federico Jimenez Losantos. Agora Echavone, y énte les protestes d’asturianos, pide perdón nun vidiu. 7 d'avientu, 2010 0 FacebookTwitterPinterestEmail
Vidios El Partíu Asturianista estrena vidiu pola oficialidá del asturianu by asturnet 8 de mayu, 2010 El Partíu Asturianista y la Xuventú Asturianista repartieron na manifestación pola oficialidá desti vienres los folletos duna campaña que quier recordar al Gobiernu dAsturies, formáu pola FSA-PSOE ya Izquierda Unida-Bloque por Asturies, y al PP, que lasturianu tien que tener lestatus doficialidá, como drechu irrenunciable de tolos asturianos. Basándose nesa campaña tán acabante colgar un audiovisual na rede. 8 de mayu, 2010 0 FacebookTwitterPinterestEmail
Vidios Sigue la Xunta dEscritores na Casa Natal del Padre Galo colos vidios dAsturnews by asturnet 27 d'ochobre, 2009 Asturnews ufre a los sos llectores vidios de tolos actos celebraos na xornada del sábado 24 dochobre, en Cadavéu, conceyu de Valdés, onde tuvo llugar la I Xunta dEscritores en Llingua Asturiana na Casa Natal del Padre Galo. Direutora Xeneral de Política Llingüística d’Asturies, Consuelo Vega: Ana Cámara, Xefa de la Seición de Coordinación Bibliotecaria de la Conseyería de Cultura y Turismu: Dos momentos de la intervención de Roberto González-Quevedo: Dani García de la Cuesta toca l’adaptación musical d’un poema del Padre Galo: Conferencia de Xosé Nel Riesgo: Conclusiones duna de les meses de trabayu: Homenaxe a Nené Losada y el Padre Galo: 27 d'ochobre, 2009 0 FacebookTwitterPinterestEmail
Vidios Dixebra peslló’l Xixón 5º 40′ con temes de siempres y del so discu nuevu by asturnet 24 d'agostu, 2009 L’escenariu de Poniente acoyó ayeri’l conciertu de pieslle del festival intercélticu Xixón 5º 40′ con un conciertu del grupu Dixebra, que presentó dellos de los sos temes más célebres y dalgunos adelantos del so discu nuevu, que va tar nel mercáu a partir de la seronda. Nel conciertu pudo sentise tamién, la música del grupu The Real Mkenzies (Canadá- Escocia). 24 d'agostu, 2009 0 FacebookTwitterPinterestEmail
Vidios Tolos vidios del Festival Xixón 5º 40′ n’Asturnews by asturnet 24 d'agostu, 2009 Asturnews vien ufriendo a lo llargo de tola selamana dellos vidios d’esta primer edición del Festival xixonés, si te los perdisti agora puedes velos de siguío na nuesa canal de youtube. 24 d'agostu, 2009 0 FacebookTwitterPinterestEmail
Vidios Sigui na canal de vidios d’Asturnews les últimes xornaes del Festival Xixón 5º 40′ by asturnet 23 d'agostu, 2009 Asturnews sigue ufriendo a los sos llectores vidios de los conciertos del Festival Xixón 5º 40′. El sábadu pudieron vese en Xixón al grupu irlandés Kila y a delles bandes de gaites na tarima de la Plaza Mayor. 23 d'agostu, 2009 0 FacebookTwitterPinterestEmail