Tecnoloxía Trabayos de meyora nel servidor d’Asturnews puen provocar fallos puntuales nel funcionamientu’l diariu by asturnet 21 de xineru, 2005 Trabayos de meyora nel servidor d’Asturnews puen provocar fallos puntuales nel funcionamientu’l diariu cultural asturianu, deficiencies técniques que quedarán iguaes darréu y qu’obedecen a la voluntá de meyorar la información y los servicios qu’ufre el periódicu. Asturnews pide-yos disculpes a los sos llectores poles posibles inconsistencies técniques. Funciones como l’alta nos dos boletinos qu’ufierta’l diariu -el de noticies, que tien calter diariu, y el d’axenda cultural, que s’unvía dos vegaes por selmana a los suscriptores- o l’unvíu de comentarios a les noticies puen vese afectaes pola renovación. L’equipu informáticu d’Asturnews trabaya pa prever posibles fallos y garantizar el normal funcionamientu’l sitiu web nes prósimes hores. 21 de xineru, 2005 0 FacebookTwitterPinterestEmail
Tecnoloxía Mieres estrena los servicios de telefonía ya internet d’alta velocidá de Telecable nes cuenques by asturnet 17 de xineru, 2005 Mieres estrena la llista. Un total de 700 domicilios de la villa tarán en condiciones d’acceder, a partir de güei, a servicios de telefonía, televisión ya internet d’alta velocidá habilitaos pola operadora asturiana Telecable, que s’estrena d’esti mou nes cuenques con una rede de cable procedente de Xixón al traviés del trazáu de l’autovía minera. L’actuación de la empresa asturiana de telecomunicaciones supón, d’un llau, la so propia espansión, yá qu’hasta agora namás ufiertaba servicios nes llocalidaes d’Uviéu, Xixón, Avilés y Corvera, y mantién obres en marcha pa instalar la so rede tamién nos conceyos de Llangréu y Llugones. Amás, la llegada de Telecable a Mieres implica la entrada de les cuenques mineres del centru d’Asturies nos servicios d’internet d’alta velocidá proporcionaos pola operadora, qu’empezará a conectar les viviendes qu’asina lo soliciten a partir d’un nodu allugáu na zona de Mieres más prósima a la nacencia de l’autovía minera. De forma paralela, l’Alministración autonómica tien previsto espardir nes prósimes selmanes la rede d’internet d’alta velocidá a llocalidaes menores del conceyu a les qu’en principiu nun llegaba l’actuación de Telecable, operadora que mantién el so servidor central na ciudá de Xixón. Web de la operadora Telecable 17 de xineru, 2005 0 FacebookTwitterPinterestEmail
Tecnoloxía El primer procesador de textos n’asturianu aporta de la mán del software llibre by asturnet 9 de xineru, 2005 El primer procesador de textos n’asturianu ya ta disponible. Trátase d’un programa en códigu llibre que lleva por nome Abiword y que s’alcuentra na so versión 2.2. Esta primer versión n’asturianu, de la que daba anuncia esta selmana la web de Softastur nun ta completa y dalgunos comandos tan n’inglés. Pa los que tean interesaos n’entamar a emplegala darréu ta bien saber qu’amás ye mui probable q’entá heba dalgún error. Desti nueu procesador de textos ta tornáu un 72% del total d’entraes y pa ver l’estau actual de la torna pue ún empobinase a la direición del equipu que ta desenolcando’l programa, na direición d’Abisource. Ellí, pue atopase’l códigu ISO correspondiente al asturianu (ast-ES) y ver al llau’l porcentaxe de la tradución que ya ta completu. La entidá Softastur, qu’ellabora tornes al asturianu de programes y preseos informáticos de llibre copia, distribución y modificación, asoleya una versión del xestor de corréu Thunderbird que permite organizar la correspondencia ellectrónica dafechu en llingua asturiana, col doble sofitu d’un filtru de mensaxes non deseyaos y una axenda automática pal llabor diariu. Los usuarios d’internet yá teníen la posibilidá d’emplegar, ente otres soluciones informátiques en llingua asturiana, los navegadores Firefox y Mozilla, y puen acceder, asinamesmo, a ferramientes especializaes pa la xestión de foros o l’actualización de conteníos, tales como phpBB y Phorum. Los programes y preseos de códigu llibre, alternativos a los que desendolquen y rentabilicen grandes grupos de telecomunicaciones y alitaos orixinariamente por voluntarios, úfren-y al usuariu una cuádruple llibertá: pa usar el programa de que se trate, pa estudiar cómo furrula y adaptalu a les necesidaes propies, pa distribuyir copies y, a lo cabero, pa meyoralu, lo que requier accesu llibre al códigu fonte. El programa pue baxáse dende la web d’Abisource 9 de xineru, 2005 0 FacebookTwitterPinterestEmail
Tecnoloxía El Canon de los CDR y DVDR va xubir alrodiu dun 30 por cientu dende’l día 1 de xineru by asturnet 30 d'avientu, 2004 El canon de los CD y DVD vírxenes va xorrecer ente un 27 y un 35 por cientu dende’l día 1 de xineru, sigún denunciaron esti día lAsociación dInternautes (AI) y Comisiones Obreres (CCOO). Dambes entidaes reclamen al Gobiernu quimpida una situación que supón una inxusticia enforma granible pa los que graben nesos soportes creaciones propies o trabayos dordenador. El mes de xineru va entamar sigún delles fontes informatives con mui mal pie. Sigún asoleyaben webs tecnolóxiques como Elotrolado.net o Barrapunto la SGAE taría unviando cartes a los distribuidores de discos ópticos avisando de la xuba del canon que nEspaña soporten los CD y DVD grabables. Nestes cartes taría informándose qua partir del 1 de xinerul canon sobro CDR Data sedrá de 0,21 euros, sobro CDR Audio de 0,46 euros y sobro Minidisks de 0,46 euros (precios ensin IVA), lo que supondría un xorrecimientu nel preciu dhasta un 24 por cientu. Magar que l’anuncia se calificó dinocentada por munchos, al espardese la noticial día 28 davientu, nun salbidra que puea ser tala, yá que nun hai confirmación denguna pero tampoco nun satopa desmentíu dengún na páxina web de la SGAE. Lo que fain yá munchos españoles pa evadir el polémicu canon ye mercar los sos CD y DVD pa grabar en sitios web dotros países dEuropa onde nun se penalicen los discos vírxenes con dengún canon. Esi yel casu de Francia onde salluguen tiendes web como Nierle. Nesta tienda online puen mercase, como exemplu, 100 cds dende 12 hasta 22 euros, dependiendo de la marca, Un exemplu concretu podría ser el costu de 900 CD de la marca Datasafe que puen mercase por 16 euros ca 100, a la escontra del preciu que satopa davezu nos megastores españoles que supón 40 euros por ca 100 CD. Baxen el canon sobro los DVDR nos Países Baxos Mentantu nEspaña vamos sufrir en 2005 una xuba del 30 por cientu nel canon de los CD grabables (pasando de los actuales 17 céntimos por discu a 22 céntimos, más IVA), los nuesos vecinos holandeses van beneficiase d’una baxa nel canon sobro DVDR. Lañu entrante los nuesos vecinos europeos van pasar a pagar 0,60 euros por DVD-R (igual que nós) y 0,40 euros por DVD+R (un 33% menos que nosotros), teniendo en cuenta quel nivel de vida ellí ye muncho mayor y, darréu dello, los sueldos enforma mayores tamién. En munchos países dEuropa, comol mentáu Francia, nun se conbra dengún canon polos discos grabables. Lo que cobra la SGAE por actos publicos y les sos tarifes completes 30 d'avientu, 2004 0 FacebookTwitterPinterestEmail
Tecnoloxía La cabera versión de l’axenda pal Thunderbird 1.0 n’asturianu yá ta disponible by asturnet 28 d'avientu, 2004 El mundiu del software llibre nasturianu sigue xorreciendo. Depués de que se tornaren a la llingua de nuesol navegador Firefox y el llector de corréu Thunderbird, agora aporta una nueva opción. La cabera versión de laxenda pal Thunderbird 1.0 yá ta afayadiza pa Windows, Linux o MacOS. Sigún se desplica nel mesmu sitiu web, “l’axenda permítete planificar los tos asuntos, alcordate de cites y cumpleaños, y avisar a otra xente de la hora d’una reunión por corréu automáticamente”. Amás, si se quier más usar l’axenda pa Firefox 1.0, pue descargase pa Windows o Linux. Furrula neto que la del Thunderbird, pero nun tien la opción dunviar mensaxes de corréu. Nesta selmana cabera del añu dábase amás una anécdota que recoyía’l blog comunitariu Barrapunto. Sigún el blog, la Cadena Ser espublizaba esti día que Esquerra Republicana de Catalunya ta acabante de proponer nel Congresu de los Diputaos la implantación del software llibre na alministración. Lo curioso ye qu’esta noticia ya la diera barrapunto nel añu… ¡2002! Y prácticamente nos mesmos términos”. Sigún l’artículu de la Cadena Ser, “El grupu parlamentariu d’ERC na Cámara Baxa pretende, poro, que l’Estáu sufrague total o parcialmente con dineru públicu la implantación d’esti sistema, de mou que seya patrimoniu suyu y facilite l’accesu y usu’l mesmu a cualquier ciudadanu”. Archivu. Un programa de corréu ellaboráu con códigu llibre permite xestionar la correspondencia n’asturianu 28 d'avientu, 2004 0 FacebookTwitterPinterestEmail
Tecnoloxía La web del Ayuntamientu d’Uviéu nun algama l’aprobáu nun informe de Consumer.es by asturnet 17 d'avientu, 2004 La web del Ayuntamientu d’Uviéu nun algama l’aprobáu nun informe que ta acabante d’asoleyas y nel que la revista dixital Consumer.es del Grupu Eroski fai un analís de les páxines web de les capitales de toa España. L’informe, ellaboráu a lo llargo de dellos meses, estudia los conteníos y servicios del web, la so facilidá d’emplegu, comprobándolo con usuarios corrientes, y l’atención al ciudadanu, faciéndo-yos llegar dos mails con entrugues cencielles. Nel informe suspenden nidiamente l’exame les webs (de peor a meyor) de Guadalaxara, Xaén, Teruel, Soria, Melilla, Almería, Pontevedra, Lugo, Tarragona, Zamora, Segovia, Cádiz, Ceuta, Tenerife, Granada, Toledo, Ávila, Sevilla, Huelva, Badaxoz, Salamanca y, Albacete y rocen l’aprobáu, ensin algamalu, los de San Sebastián, Uviéu, Pamplona y Burgos. Estos dos caberos algamen un total de 60 puntos sobro 100 posibles, pero queden nel regular al suspender en facilidá d’emplegu. Madrid cunta con un web inmeyorable y el de Barcelona queda nel puestu 20 del ranking de calidá d’esta investigación, como aceptable. Ente les demás ciudaes con más de mediu millón de habitantes, el meyor web ye’l de Valencia, escelente, mentantu que’l de Sevilla tien un mal. De les de ente 500.000 y 100.000 habitantes, destaquen los web de Valladolid y Castellón. Y nes de menos de 66.000, el de Ciudá Real, ye’l quintu meyor de tol informe Informe espublizáu nes páxines de Consumer.es 17 d'avientu, 2004 0 FacebookTwitterPinterestEmail
Tecnoloxía Los dominios españoles d’Internet amenorguen el so preciu un 71 por cientu by asturnet 11 d'avientu, 2004 Los dominios de Internet ‘.es’ van costar darréu namái que 27,59 euros, un 71 por cientu menos que los 94,83 euros dagora, sigún figura nel proyeutu dorde que desendolca la regulación de les tases de direcciones españoles dInternet, y questa selmana recibiól preste del Conseyu Asesor de les Telecomunicaciones y de la Sociedá de la Información (CATSI), muérganu asesor del Gobiernu. Sigún la documentación quespardió esti día Europa Press, el borrador de la orde ministerial desanicia dafechu les especificaciones pa persones físiques y los nomes de dominios y afita una tasa daniciu de 27,59 euros pa los dominios de segundu nivel ‘.es’, mentantu que la renovación anual tamién va costar 27,59 euros, un 68% menos que los 86,21 euros previstos na normativa actual, que vien de 2003. Asina va cumplisel compromisu de que dio anuncial ministru dIndustria, Turismu y Comerciu, José Montilla, que faló hai poco duna rebaxa sustancial del preciu de los dominios dInternet, “alrodiu del 80 por cientu de media”, pa sofitar y facer alitar la Sociedá de la Información, flesibilizando les normes pa que sasemeyen a les de los dominios xenéricos de Internet, como los ‘.com’. No que cinca a los dominios de tercer nivel, el rexistru y la renovación de los indicativos ‘edu.es’ y ‘gob.es’ van costar 30,17 euros, en llugar de los 51,72 y 46,55 euros que costaben respeutivamente hasta agora. El preciu’l restu de dominios de tercer nivel va ser de 11,64 euros (enantes 21,55 euros), talamente como la renovación añal, que tenía un coste hasta agora de 46,55 euros. 11 d'avientu, 2004 0 FacebookTwitterPinterestEmail
Tecnoloxía Un programa de corréu ellaboráu con códigu llibre permite xestionar la correspondencia n’asturianu by asturnet 9 d'avientu, 2004 El códigu llibre da un pasu más. La entidá Softastur, qu’ellabora tornes al asturianu de programes y preseos informáticos de llibre copia, distribución y modificación, asoleya una versión del xestor de corréu ‘Thunderbird’ que permite organizar la correspondencia ellectrónica dafechu en llingua asturiana, col doble sofitu d’un filtru de mensaxes non deseyaos y una axenda automática pal llabor diariu. Alternativu al ‘Outlook Express’ y a otros programes pa xestionar el corréu, el xestor ‘Thunderbird’ proporciona mayor un mayor grau de seguridá que’l programa de corréu-e más difundíu por Microsoft, tanto frente al ataque de virus informáticos, como énte la llegada a la cuenta del usuariu de mensaxes publicitarios non deseyaos, el denomináu ‘spam’. Amás d’ello, el programa qu’agora ta a disposición del públicu en llingua asturiana na so versión 0.9 -con calter xeneral, yá ta disponible la versión 1.0- inclúi tamién una axenda n’asturianu que permite planificar xuntances de trabayu y avisar de forma automática, por corréu-e, a los participantes nesa reunión. Los usuarios d’internet yá teníen la posibilidá d’emplegar, ente otres soluciones informátiques en llingua asturiana, los navegadores Firefox y Mozilla, y puen acceder, asinamesmo, a ferramientes especializaes pa la xestión de foros o l’actualización de conteníos, tales como phpBB y Phorum. Los programes y preseos de códigu llibre, alternativos a los que desendolquen y rentabilicen grandes grupos de telecomunicaciones y alitaos orixinariamente por voluntarios, úfren-y al usuariu una cuádruple llibertá: pa usar el programa de que se trate, pa estudiar cómo furrula y adaptalu a les necesidaes propies, pa distribuyir copies y, a lo cabero, pa meyoralu, lo que requier accesu llibre al códigu fonte. Descarga del ‘Thunderbird’ n’asturianu na web de Softastur 9 d'avientu, 2004 0 FacebookTwitterPinterestEmail
Tecnoloxía L’Alministración autonómica remocica la so páxina web con cambios pa facilitar el so usu by asturnet 30 de payares, 2004 L’Alministración autonómica camuda’l so rostru n’internet. El Principáu activó güei la nueva versión de la so páxina web oficial, que pretende facilita-yos la navegación a los ya incorpora na portada, con una estética remocicada, accesos directos a l’axenda del Gobiernu, el Boletín Oficial del día y los sitios web más visitaos nel ámbitu de l’Alministración asturiana. D’esti mou, los usuarios qu’acceden dende esta mañana a la web, agospiada nel dominiu www.princast.es, siguen disponiendo d’un menú principal na manzorga de la páxina nel que se centraliza l’accesu a la información, pero la portada -a diferencia de lo qu’ocurría na anterior versión de la web- incorpora dellos accesos directos a información ciudadana útil, como la que s’ufre nel portal d’emplegu ‘Trabajastur’, na páxina turística ‘Infoasturias’ y nel sitiu educativu ‘Educastur’. Asinamesmo, la nueva distribución de conteníos de la web del Principáu apuesta por destacar dos apartaos: ún destináu a información d’actualidá y otru pensáu pa facilita-y a los asturianos les sos xestiones énte l’Alministración, con un serviciu incluyíu d’alertes informatives automátiques que, pol momentu, figura na páxina pero nun ta en funcionamientu. Amás de too ello, la nueva cara del l’Alministración asturiana na rede inclúi un buscador internu p’atopar información y concéde-y un llugar destacáu na portada al accesu a datos sobro tributos y sanciones. Tola información incorpórase, como hasta agora, únicamente en llingua castellana. 30 de payares, 2004 0 FacebookTwitterPinterestEmail
Tecnoloxía La Universidá d’Uviéu va tener una Rama d’estudiantes del “Institute of Electrical and Electronic Engineers” by asturnet 16 de payares, 2004 El miércoles 17 d’esti mes de Payares va tener llugar na Escuela Universitaria d’Inxeniería Técnica n’Informática d’Uviéu (EUITIO) la presentación del proyeutu de creación de la Rama d’Estudiantes del IEEE de la Universidad de Oviedo. L’IEEE (pronunciáu como I-E Cubu) ye’l “Institute of Electrical and Electronic Engineers”, una organización d’ámbito mundial, tanto téunica como profesional, empobinada a sofitar el desendolcu global de tolo que tea de ver cola tecnoloxía, la informática y la inxeniería en xeneral. El proyeutu de creación d’una rama de estudiantes na Universidá d’Uviéu xurde a iniciativa de un garapiellu d’alumnos de la EUITIO y quier siguir darréu l’bxtivudel IEEE de promover el desenvolvimientu y l’aprendizaxe de la inxeniería al traviés de la collaboración interdisciplinar ente los alumnos de cualaquier titulación de la Universidá uvieina que tean interesados en participar nes sos actividaes (cursos, talleres, ect..). La presentación va dir a cargu de Pablo Álvarez Doval, alumnu de la EUITIO y cuntará cola presencia de Ricardo Varela Iglesias (aka Phoebo), Presidente de la Rama de estudiantes del IEEE de la Universidá de Sevilla y “Student Representative” de la Rexón 8 del IEEE. Esta conferencia de presentación del grupu va celebrase a les 18.30 hores nel Salón d’Actos del Edificiu Universitariu “Valdés Salas” y ta empobinada a desplicar fondamente lo que ye l’IEEE y les Rames d’Estudiantes, al mesmu tiempu qu’a presentar el proyeuto de creación de la Rama d’Estudiantes de la Universidá d’Uviéu. Más información na páxina de la EUITIO 16 de payares, 2004 0 FacebookTwitterPinterestEmail