Tecnoloxía Xuba de les velocidaes de conexón a Internet de Telecable ensin costu palos clientes by asturnet 3 d'abril, 2007 TeleCable ta acabante de ameyorar enforma les velocidaes d’accesu a Internet de los sos casi 70.000 particulares y les más de 5.000 empreses a les que ufre conexón a internet n’Asturies. L’accesu básicu ya pasa a 1 Mb, l’avanzáu de 2 a 3 y el Superior de 4 a 6, ensin xuba denguna pal cliente. La xuba nes velocidaes d’accesu ta faciéndose ensin modificación denguna nes tarifes de los productos contrataos polos clientes y ensin qu’éstos tengan de realizar actuación denguna. La ampliación aplicase a las tres principales modalidaes d’acceso que ufre la empresa: Básicu, Avanzáu y Superior. L’acceso Básicu de 640 Kbps práuticamente dobla la so velocidad al pasar a 1 megabit por segundu. La modalidad d’Internet Avanzao, con una capacidá de descarga anguañu de 2 megas, pasa a 3 megas. Y pa finar, la modalidá Superior aumenta hasta los 6 megas por segundo dende los 4 actuales. Tamién se modifica el servicio de 10 megas disponible pal mercáu empresarial, que dobla la sa velocidad pa llegar a asitiase nos 20 megas. Telecable dio anuncia tamién nestos díes de que’l so plan d’inversiones plantega proyectos a mediu plazu por importe de 100 millones d’euros, incluyendo una campaña de llanzamientu de los nuevos servicios de telefonía móvil. 3 d'abril, 2007 0 FacebookTwitterPinterestEmail
Tecnoloxía El 10% de los combustibles que s’usen en Europa van ser biocarburantes en 2020 by asturnet 17 de febreru, 2007 La midía aprobada’l xueves pol Conseyu de Ministros d’Enerxía de la Unión Europea establez un obxetivu obligatoriu del 10% nel usu d’enerxíes renovables, anque ta lloñe del 10% de consumu mínimu obligatoriu al qu’aspiraba la Comisión Europea pa 2020. Los crecientes efectos del cambiu climáticu y la notable dependencia enerxética de la Unión Europea propiciaron esta iniciativa nel senu de les instituciones europees, cada vez más esmolecíes por algamar una autonomía enerxética estable y respetuosa col mediu ambiente. España, xunto Alemania, Dinamarca e Italia mostráronse a favor de que l’obxetivu del 20% nel usu de biocarburantes fuese vinculante pero alcontraron la oposición de la mayoría d’estaos miembros, ente ellos, el Reinu Xuníu y Polonia. No que la mayoría coincidieron ye n’establecer al menos l’obxetivu mínimu obligatoriu del 10% pa los biocombustibles. La midía aprobada ayeri pol Conseyu de Ministros d’Enerxía de la Unión Europea aun ta lloñe del 10% de consumu mínimu obligatoriu al qu’aspiraba la Comisión Europea pa 2020. 17 de febreru, 2007 0 FacebookTwitterPinterestEmail
Tecnoloxía La Oficina d’Información Xuvenil de Llanera pon en marcha un serviciu de consulta por “messenger” by asturnet 8 de febreru, 2007 Los xóvenes residentes nel Conceyu de Llanera tienen dende güei una nueva ferramienta de consulta directa cola Conceyalía de Xuventú al travies d’un de los más populares servicios de mensaxería instantanea. La Oficina d’Información Xuvenil dió de alta la cuenta de “Messenger”oij@llanera.es pa que tolos interesaos nos servicios municipales del Conseyu pueden colsultar cualquier tipu de dubia de manera fácil y directa, namás con amestarr la dirección anterior al so cliente de mensaxería. 8 de febreru, 2007 0 FacebookTwitterPinterestEmail
Tecnoloxía Los operadores de telefonía móvil van protexer a los menores qu’usen los sos servicios by asturnet 7 de febreru, 2007 Les compañíes caberes del sector firmaron ayeri durante la cellebración del Día Internacional por una Internet más Segura, un alcuerdu pol que se garantiza la proteición de la infancia qu’acceda a los servicios de telefonía móvil. El conveniu, firmáu ente otres por Telefónica, ta iguáu pola Comisión Europea y quier fixar códigos d’autorregulación antes de Febreru de 2008. Esti nuevu Marcu europeu pa una utilización más segura de los telefonos móviles polos adolescentes y los neños, al que s’amestaron les principales empreses de telefonía propón midíes específiques como’l control del accesu a los conteníos empobinaos a los adultos; campañes de sensibilización, creación d’una clasificación de conteníos comerciales en base a normes de pertinencia y la llucha escontra los conteníos illegales nos telefonos móviles. La Comisaria de Sociedá de la Información y Medios de Comunicación, Vivianne Reding sorayó la gran importancia que tien esti alcuerdu para la proteición del menor. “Felicito al sector de telefonía móvil por esta decisión en favor de la proteición de los menores. Con ello demuestrase que ye posible una autorregulación responsable a escala europea”. Asina mesmu anticipó que la Comisión va facer una estrecha llabor de vixilancia pa garantizar que se cumplen los obxetivos alcordaos de manera efectiva. Esti conveniu ta suscritu, ente otres por Telefónica Móviles. Tamien s’amestaron a la iniciativa de la Comisión, Bouygues Telecom, Cosmote, Debitel AG, Deutsche Telekom Group, Go Mobile, Hutchison 3G Europe, Jamba! GmbH, Mobile Entertainment Forum, Orange Group, Royal KPN N.V., SFR, Telecom Italia S.p.A, Telefónica Móviles, S.A., Telenor, TeliaSonera y Vodafone Limited. 7 de febreru, 2007 0 FacebookTwitterPinterestEmail
Tecnoloxía 100 organizaciones de más de 40 paises cellebraron ayeri’l Dia de la Seguridá Mundial n’Internet by asturnet 7 de febreru, 2007 Los ventisiete Estaos Miembros de la Unión Europea amestáronse a la iniciativa col festeyu diversos actos. La Comisión Europea asoleyó los resultaos de varios estudios sobre navegación segura pal menor y llucha escontra la pornografía. L’eventu caberu del día fui la cellebración del “blogathon” a nivel mundial..Nesta iniciativa 200 colexos de 25 países de tol mundu trabayaron durante los últimos tres meses pa iguar material seguru pa internet. La Comisión tamien analizó 30 programes de software y servicios empobinaos a garantizar la seguridá na web. Los resultaos del análisis demuestren que si bien hai bones ferramientes para filtrar la pornografía n’internet aun hai que siguir faciendo meyores pa protexer al menor. N’Asturies, el Gobiernu del Principáu realizó distintes xeres nel colexu San Felix de Candás y nel Acuariu de Xixón. Asoleyáronse los resultaos del proyectu Internet y Familia, y el trabayu ganador del “I Concurso Nacional de Cortos Internet y Familia”. El día de la seguridá n’internet ta iguáu pola Rede Europea d’Internet y cofinanciáu pol programa de la Comisión pa la seguridá na rede. L’obxetivu d’esti día ye’l d’alertar a los padres y a los educadores sobre les meyores midíes pa la proteición del menor n’Internet y el de fomentar el bon usu d’esta ferramienta ya que se convirtió nun elementu fundamental de la vida cotidiana. Programa “Safer Internet” 7 de febreru, 2007 0 FacebookTwitterPinterestEmail
Tecnoloxía Telecable va conectar 40 sés del Ayuntamientu de Xixón cola febra óptica by asturnet 15 de xineru, 2007 Telecable va instalar una rede de febrá óptica que permitirá interconectar hasta 40 edificios pertenecientes al Ayuntamientu de Xixón, incluyíes les sés de les sos fundaciones y empreses municipales, pa dar serviciu de telefonía, internet y tresmisión de datos nos próximos cuatro años. La operadora asturiana algamó la concesión mediante un concursu públicu nel que tamién participó Telefónica d’España. La compañía asturiana ganó los cuatro lotes nos que se dividió la llicitación, na que s’inclúin los servicios de telefonía fixa, datos, suministru ya instalación d’equipamientos de telecomunicaciones ya interconexón pa datos énte edificios y servicios municipales. Pa la puesta en funcionamientu de los servicios, Telecable diseñó una rede compuesta por 4 nodos principales de comunicaciones y otros 15 secundarios pa la interconexón de los distintos edificios que configuren la estructura municipal. El proyectu técnicu inclúi la instalación d’una rede privada virtual de voz d’última xeneración pal serviciu de telefonía que ye utilizáu por un millar d’usuarios, asina como un accesu a Internet d’alta velocidá que duplicará les esixencies requeríes na llicitación. Anguaño la empresa asturiana vien ufriendo los sos serviicos a otres instituciones municipales del país, asina como a les principales empreses de la comunidá. 15 de xineru, 2007 0 FacebookTwitterPinterestEmail
Tecnoloxía El navegador Firefox supera el 23% de usuarios n’Europa by asturnet 13 d'avientu, 2006 Los datos proporcionaos pola consultora Xiti Monitor afiten la implantación del navegador llibre como alternativa a Microsoft Internet Explorer. Nel añu 2006 l’usu del navegador de la Fundación Mozilla medró un 4%. D’ente los estaos europeos España ye onde menos implantación tien l’usu d’esti navegador web. De los datos proporcionaos pola consultora Xiti Monitor despréndese la cifra de que l’usu de Firefox medró nún 4% dende’l pasáu mes d’abril, pasando d’un 19,4% a un 23,2% de media n’Europa. Les cifres indique, asina mesmo, datos importantes respectu al llugar d’usu de los navegadores, Firefox y IE Explorer, l’usu de Firefox aumenta les fines de selmana. Esto podría suponer que los internautes tienen esti navegador instaláu nes sos cases, mientres que nel trabayu utilicen l’Internet Explorer dao que ye’l que vien por defectu nel sistema operativu Windows. En cuentes a les cifres d’usu del Firefox l’Estáu español ye onde menos s’utiliza esti navegador, 13,7%, seguíu d’Ucrania con un 13,8 y los Países Baxos con un 14%. Ente los países que más usu faen del navegador Firefox tán Eslovenia con un 40,5% y Polonia con un 33,6%. La media europea d’usu del Firefox situa a Europa per detrás d’Asia-Australia, onde’l 23,4% de los internautes lu utilicen. Nel continente americanu l’usu de Firefox al 13%. 13 d'avientu, 2006 0 FacebookTwitterPinterestEmail
Tecnoloxía El Congresu español insta al Gobiernu a promover el software llibre by asturnet 13 d'avientu, 2006 El Plenu del Congresu de los Diputaos aprobó una proposición non de llei del Grupu Socialista, transiccionada por dellos grupos (PP, IU-ICV, ERC y BNG), pola que s’insta al Gobiernu español a promover el software llibre ente la ciudadanía y nes compres de la mesma Alministración estatal. La proposición aprobóse con 299 votos a favor, una abstención y un votu en contra. La proposición subraya les necesidaes d’entamar polítiques que favorezan nel Estáu la industria y el desendolcu del software llibre y del códigu abiertu nel Estáu pa dar respuestes a necesidaes qu’anguaño sólo se pueden resolver col denomináu software propietariu. La proposición nun va tener consecuencies lexislatives directes, pero ye la primer vegada na que la Cámara de los diputaos examina con detalle cómo y en qu’ámbitos se pue fomentar l’usu de programes que,. ente otres munches ventayes, puedan ser distribuyíos de baldre, adpataos a dellos usos ya incluso meyorándolos. Actualmente son dellos los gobiernos autónomicos qu’apostaron pol desarrollu del software llibre dientro de les sos Alministraciones. El casu más avanzáu ye’l d’Extremadura que ta entamando a instalar el sistema operativu Linux nes sos dependencies. Xunta a Extremadura, Andalucía, Castilla La Mancha, Valencia son otres comunidaes españoles onde los sos gobiernos autonómicos tán apostando pol desarrollu de les diferentes herramientes de software con llicencia llibre. 13 d'avientu, 2006 0 FacebookTwitterPinterestEmail
Tecnoloxía Asturianistes.com entama la so presencia na rede reclamando’l dominiu .AST by asturnet 25 d'ochobre, 2006 Sigún arrecueye’l portal, “si anguaño hai una reivindicación plenamente asturiana nInternet, esta ye dende siempre la reclamación dun dominiu propiu pAsturies. Históricamente dende Asturies la falta de poder usar un dominiu específu fizo que semplegara un dominiu dotru territoriu, el .AS dAmerican Samoa. Asina ye quorganizaciones asturianistes como Izquierda Asturiana (IAS) – Asturianistes lleven tiempu solicitando la concesión dun dominiu propiu”. Un exemplu d’esto, qu’arrecueye Asturianistes.com ye que “dende Izquierda Asturiana siempre sorrayaron que lusu del .AS ye la demostración práctica de la necesidá didentificación de lo asturianu na rede de redes.” Na opinión del portal web asturianu, La concesión del dominiu .CAT pa Cataluña ye una oportunidá per importante pa quAsturies pueda cuntar con una TLD propia. Los catalanes a traviés de lAsociación PuntCAT ficieron un bon trabayu y algamaron que lorganismu regulador ICANN aprebasel dominiu puntu CAT . Too un ésitu que pue sirvir de reflexu pa les organizaciones asturianistes que tan na xera de quAsturies tenga un espaciu propiu nInternet. Agora más que nunca ye necesariu entamar a trabayar en serio pa que la comunidá llingüística y cultural asturiana tenga un dominiu quidentifique lo que somos. Mientres nAsturies siguimos usandol puntu AS dAmerican Samoa otres naciones ya tan nel camín reivindicativu de tener les sos propies TLDs como Galicia col puntu GAL, Bretaña col puntu BZH o Escocia col puntu SCO.” Asturianistes.com ye una Rede de Blogs Asturianistes y n’asturianu, un blog colectivu sobre lAsturianismu, que ta acabante d’entamar a albergar blogs que ya se podíen consultar na rede. Asturianistes.com 25 d'ochobre, 2006 0 FacebookTwitterPinterestEmail
Tecnoloxía El Parlamentu Européu denuncia la censura n’Internet by asturnet 21 de xunetu, 2006 La Eurocámara solicitó, na sesión plenaria de Xunetu, que s’estableza un código de conducta pa la UE pa impedir qu’empreses occidentales contribuyan a aplicar la censura n’Internet en países represivos. La resolución del Parlamentu incide especialmente nel peligrosu usu que tán faciendo d’Internet los gobiernos totalitarios y nel sofitu qu’estos reciben d’empreses occidentales encargaes de desenvolver sistemas de filtración y control de datos cada vagada más sofisticaes Un de los puntos clave de la resolución foi la crítica al gobiernu chinu y a les empreses estaudonidenses Yahoo, Google y Microsoft, que por presiones gubernamentales , tán censurando los servicios qu’ufierten nel mercáu chinu. China ye, con 11 millones, el segundu país del mundu en númeru d’usarios d’Internet pero tamién l’enenemigu públicu númberu ún de la llibertá d’espresión na rede. De ferchu el país asiáticu ye una de les naciones au les autoridaes reprimen más l’accesu a páxines de contenía políticu y la mayoría de los ciberdisidentes encarcelaos alcuéntranse en China. Ente los encarcelaos alcuéntranse’l cineasta y blogueru Hao Wu, el periodista Shi Tao y el ciberdisidente Yang Zii. De toes formes durante la so visita oficial a China la selmana pasada, el presidente de la Eurocámara Joseph Borrel vio como se producía la lliberación del cineasta Hau Wu que permanecía en prisión dende hai casi cinco meses tres filmar un conceyu de miembros de la ilesia protestante. El Parlamento Europeo había adoptado una semana antes una resolución sobre el caso de Hao Wu en la que se pedía la libertad de uso y acceso de Internet en China, así como la liberación de ciberdisidentes. 21 de xunetu, 2006 0 FacebookTwitterPinterestEmail