Tecnoloxía David Casacuberta y los “Procesos creativos na Rede” piesllen los Alcuentros Sociedá Rede 2007 by asturnet 20 d'ochobre, 2007 Güei sábadu 20, el profesor de l’Autónoma de Barcelona y presidente de ‘Fronteras Electrónicas España’ (FrEE) David Casacuberta Sevilla va pesllar los “Alcuentros Sociedá Rede 2007” que se celebren nel Centru de Cultura Antiguu Institutu de Xixón cola conferencia “Procesos creativos na Rede”. Los Alcuentros tan organizaos por l’asociación xuvenil “Colectivu Interferencies”. 20 d'ochobre, 2007 0 FacebookTwitterPinterestEmail
Tecnoloxía Preséntase la Guía pa bloggers y ciberdisidentes de Rafael Jiménez nel Centru de Cultura Antiguu Institutu de Xixón by asturnet 19 d'ochobre, 2007 Esti vienres 19, el periodista Rafael Jiménez Claudín, editor de l’Axencia Efe y secretariu xeneral de Reporteros Sin Fronteras (RSF) n’España, presenta la so “Guía pa bloggers y ciberdisidentes’ nos “Alcuentros Sociedá Rede 2007” que se celebren nel Centru de Cultura Antiguu Institutu de Xixón. Los Alcuentros tan organizaos por l’asociación xuvenil “Colectivu Interferencies” y van desendolcase hasta’l 20 d’ochobre. Mañana sábadu 20, sedrá’l profesor de l’Autónoma de Barcelona y presidente de ‘Fronteras Electrónicas España’ (FrEE) David Casacuberta Sevilla el que pieslle los alcuentros cola conferencia “Procesos creativos na Rede”. 19 d'ochobre, 2007 0 FacebookTwitterPinterestEmail
Tecnoloxía El claustru de la universidá d’Uvieu acueye una amuesa d’instrumental científicu antiguu by asturnet 19 d'ochobre, 2007 Dende’l martes martes 16 hasta finales d’esti mes el claustru de la Universidá d’Uvieu espón una colección d’instrumentos científicos antiguos pertenecientes a los archivos de la Universidá. L’amuesa ye parte de los actos de cellebración del aniversariu de los 400 años de vida de la institución educativa asturiana por excelencia. Embaxo’l nome “La tradición innovadora. Colección d’instrumentos científicos antiguos de la Universidá d’Uvieu”, nel claustru del edificiu históricu de la Universidá puen vese por exemplo: un telegrafu, aparatos de telefono antiguos o una máquina de pascal. Tolos oxetos tan recopilaos en collaboración col Museu de la Minería, la Facultá de Química y el departamentu de Física. L’horario de visites ye de llunes a vienres de 11:00 a 14:00 y de 15 a 20:30 hores y los sábados de 10:00 a 14:00 hores. 19 d'ochobre, 2007 0 FacebookTwitterPinterestEmail
Tecnoloxía Pepe Cervera inaugura los Alcuentros Sociedá Rede 2007 by asturnet 18 d'ochobre, 2007 L’arquéologu y periodista Pepe Cervera, direutor de la Escuela de Periodismu de 20Minutos y ex-fundador de Baquía, va entamar esti xueves 18 con una conferencia los “Alcuentros Sociedá Rede 2007” que van celebrase nel Centru de Cultura Antiguu Institutu de Xixón. Los Alcuentros tan organizaos por l’asociación xuvenil “Colectivu Interferencies” y van desendolcase del 18 al 20 d’ochobre El programa d’estos alcuentros inclúi trés conferencies sobre Internet y la so utilidá como mediu pa la comunicación y la creatividá, entamando esti xueves 18 cola conferencia de Pepe Cervera, autor del ensayu “‘El robo del milenio”, que va falar sobre ‘Internet como mediu socializador’. El vienres 19 tocará-y al periodista Rafael Jiménez Claudín, editor de l’Axencia Efe y secretariu xeneral de Reporteros Sin Fronteras (RSF) n’España, cola so “Guía pa bloggers y ciberdisidentes’. Y el sábadu 20, sedrá’l profesor de l’Autónoma de Barcelona y presidente de ‘Fronteras Electrónicas España’ (FrEE) David Casacuberta Sevilla el que pieslle los alcuentros cola conferencia “Procesos creativos na Rede”. 18 d'ochobre, 2007 0 FacebookTwitterPinterestEmail
Tecnoloxía MySpace y Skype algamen un pautu pa conectar les dos plataformes by asturnet 18 d'ochobre, 2007 MySpace, la rede social más popular del mundu y Skype, la compañía cimera en comunicación al traviés de la rede Internet, anunciaron esti miércoles 17 un pautu que va permitir a la comunidad de MySpace comunicase al traviés de la voz. Gracies a esti pautu conéctense les dos plataformes más populares d’Internet y xurde la comunidad Online conectada por voz más grande del mundu. MySpace cunta con más de 110 millones d’usuarios mensuales activos, y Skype, con 220 millones de usuarios rexistraos. Esti anunciu afitase col aportar de MySpaceIM con Skype, un nuevu productu qu’integra’l popular cliente de mensaxería instantánea de MySpace, (MySpaceIM), que ye la plataforma de mensaxería que más xorreciere con más de 25 millones d’usuarios instalaos, con Skype. Agora, los usuarios de MySpace puen enllazar los sos perfiles de MySpace y avatares a les sos cuentes de Skype. El nuevu productu va tar disponible pa los usuarios en payares. 18 d'ochobre, 2007 0 FacebookTwitterPinterestEmail
Tecnoloxía PanImages.org yá tien versión n’asturianu by asturnet 10 d'ochobre, 2007 PanImages.org, el nuevu sitiu web de búsqueda d’imáxenes ellaboráu por investigadores de la Universidà de Washington que taba acabante presentase en Copenhagen el mes pasáu, nel XI Congresu Internacional de Tradución automatica ya pue consultase en llingua asturiana El nuevu buscador ye un programma empobináu direutamente a les minoríes llingüístiques, porque ufre un accesu en munchos idiomas poco dinfundíos na rede a les imaxenes que davezu vienen etiquetaes n’inglés. Por exemplu, si se busca la foto de un frigoríficu en llingua Zulú, cola pallabra ifriji, namái s’algamen dos resultaos. La mesma búsqueda, con PanImages, ufre 472.000. Son en total 2,5 millones de pallabres y trecientes les llingües y dialectos minoritarios del so bancu de datos, incluyendo a los que vienen darréu: friulano, quechua, gotico, cheyenne, esperanto, hmong-kmer y napoletano. El proyeutu nun incluía de mano l’asturianu, pero como cualaquier usuariu podía participar añadiendo nueves llingües y traduciones, creando un vocabulariu nesa llingua, l’asturianu nun tardó presente nel Web. 10 d'ochobre, 2007 0 FacebookTwitterPinterestEmail
Tecnoloxía PanImages.org xurde na rede como buscador d’imaxenes en llingües minorizaes by asturnet 7 d'ochobre, 2007 Un nuevu sitiu web de búsqueda d’imáxenes ellaboráu por investigadores de la Universidà de Washington ta acabante presentase en Copenhagen el mes pasáu, nel XI Congresu Internacional de Tradución automatica:PanImages”. El nuevu buscador ye un programma empobináu direutamente a les minoríes llingüístiques, porque ufre un accesu en munchos idiomas poco dinfundíos na rede a les imaxenes que davezu vienen etiquetaes n’inglés. Por exemplu, si se busca la foto de un frigoríficu en llingua Zulú, cola pallabra ifriji, namái s’algamen dos resultaos. La mesma búsqueda, con PanImages, ufre 472.000. Son en total 2,5 millones de pallabres y trecientes les llingües y dialectos minoritarios del so bancu de datos, incluyendo a los que vienen darréu: friulano, quechua, gotico, cheyenne, esperanto, hmong-kmer y napoletano. El proyeutu nun inclúi entá l’asturianu, pero cualaquier usuariu pue participar añadiendo nueves llingües y traduciones, creando un vocabulariu nesa llingua, pelo que nun tardará l’asturianu en tar presente nel Web. Más información 7 d'ochobre, 2007 0 FacebookTwitterPinterestEmail
Tecnoloxía Asturies caltiense penrriba la media d’ accesu a Internet by asturnet 5 d'ochobre, 2007 El 53,8 por ciento de los asturianos emplega Internet, col 42,3 por cientu les cases d’Asturies conectaes a la rede, según los datos del Institutu Nacional d’Estadística (INE) que hizo públicos esti xueves la conseyera d’Alministraciones Públiques, Ana Rosa Migoya. Asturias allugase dos puntos penrriba la media española nel usu d’Internet y el númberu d’internautas sigue xorreciendo ya que respeutu a 2006 la media del xorrecimientu nel Estáu foi del 3,4 por cientu, frente al 4 por ciento del país. No que cinca a los hogares conectaos, Asturies pasó del 42,12 por cientu en 2006 al 42,3 por ciento de viviendes conectaes en 2007, con un 91,8 por cientu de banda ancha, penrriba del 87,9 por cientu rexistráu n’España. Amás, el Principáu ye la Comunidá con más penetración del cable: el 44,9 por cientu los internautes asturianos empleguen esti sistema en llugar del 14,9 de penetración del cable n’España. Na so comparecencia, Ana Rosa Migoya tamién informó que la media asturiana de muyeres conectaes ye del 49 por cientu, superando a la española, del 48,2 por ciento. 5 d'ochobre, 2007 0 FacebookTwitterPinterestEmail
Tecnoloxía Tim Berners-Lee sofita en Xixón la diversidá llingüística by asturnet 5 d'ochobre, 2007 El creador del llinguax HTML y darréu d’ello de la World Wide Web dexó afitada la importancia de la diversidá cultural y llingüsítica n’Internet y el so apueste por caltenela, nuna videoconferencia que se desenrrolló esti xueves ente’l cabezaleru del W3C y dellos periodistes y especialistes participantes nes xornaes Fundamentos Web 2007 de Xixón. El creador de la Web foi contundente na so defensa de la diversidá llingüística y dixo que “anque xenere más problemes la diversidá cultural y llingüística que tenemos na rede ye una riqueza que tenemos de caltener”. Tim Berners-Lee tamién faló de la necesidá de que los usuarios tuvieren dalguna pista iconográfica nos momentos en que tuvieren introduciendo datos que diben depués a ser d’accesu públicu. Esta videoconferencia con Tim Berners-Lee, na que’l creador de la World Wide Web defendió la diversidá llingüística y cultural, foi la sesión estrella de la xornada del xueves de Fundamentos Web 2007 en Xixón, que fina güei vienres. Les Xornaes finen güei con un taller sobre microformatos. Website de Fundamentos Web 2007 5 d'ochobre, 2007 0 FacebookTwitterPinterestEmail
Tecnoloxía El vídiu de la maniobra ilegal de Hamilton censuráu en You Tube por una reclamación de copyright by asturnet 5 d'ochobre, 2007 Un vídiu allugáu por un aficionáu nel servidor You Tube y qu’amuesa nidiamente la illegalidá de la maniobra de Hamilton nel Gran Premiu de Xapón que causó un choque ente Sebastien Vettel y Mark Webber foi retiráu pola reclamación que cola disculpa del copyright fizo Formula One Management, nun casu de censura que fai albidrar los malos tiempos que se viven nel mundu la información. El choque eliminó a los dos pilotos de la competición.El vidiu tornó otra vuelta a “YouTube”. Hamilton diba mui rápido y cásique adelanta al coche de seguridá, polo que tuvo que frenar, obligado a los demas que veníen tres d’elli a facer lo mesmo, provocando la colisión ente Vettel y Webber. Tres de la carrera, la FIA ya investigó l’incidente pero decidió nun sancionar a Hamilton. Poro, un aficionáu grabó un vídi nel que se ve la maniobra de Hamilton y la colisión ente Webber y Vettel. Y esa preba nun debió gustar al negociu de la Formula 1 que reclamó la retirada del vídiu en YouTube por nun tener derechos d’emisión, ensin tener en cuenta la importancia como documentu informativu del vídiu nun actu que fai temer que los ataques escontra la llibertá d’espresión tomen esta vía. La decisión de sancionar o non a Hamilton va sabese’l vienres, nos entrenamientos llibres del circuito de Shanghai (China). Direición na que s’alcontraba’l vídiu en YouTube 5 d'ochobre, 2007 0 FacebookTwitterPinterestEmail