Tecnoloxía LAcademia de la Llingua Asturiana pásase al software llibre by asturnet 9 d'abril, 2010 Según acaba de dar anuncia la insitución, les sos instalaciones acueyen yá pal so sistema informáticu, el sistema de software llibre UBUNTU, quufre la posibilidá dusase nasturianu. Pasoleyar esta decisión, la Presidenta de lAcademia de la Llingua Asturiana desplicaba esti día les posibilidaes demplegu informáticu dUBUNTU nasturianu y les razones de la decisión dacoyer esta ferramienta informática nel Hotel Principado, nUviéu. Nel actu tuvieron presentes representantes de Softastur y de l’Academia de la Llingua Asturiana, acompañaos por David Planellas, coordinador de les traducciones d’Ubuntu a nivel internacional, que cifró nun 80% los conteníos que yá tienen traducción al asturianu, porcentaxe a partir del cual vien considerándose completa una versión. Íñigo Varela, de Softastur, desplicó tamién nel actu’l funcionamientu del software llibre Ubuntu, semeyante y perfectamente compatible con cualquier aplicación de Windows, el sistema operativu de Microsoft, señalando qu’Ubuntu permite la llectura de cualquier tipu de ficheru musical o de videu, el procesu de cualquier documentu de testu en cualquier archivu, la xestión de fueyes de cálculu, o la busca de conteníos per internet col programa Firefox. Lactu finó con una demostración práutica del funcionamientu nasturianu dUBUNTU que ficieron miembros del coleutivu Softastur. 9 d'abril, 2010 0 FacebookTwitterPinterestEmail
Tecnoloxía SoftAstur va tener en tres meses fináu’l corrector d’asturianu d’Open Office by asturnet 9 d'abril, 2010 Nel actu nel que l’Academia de la Llingua Asturiana daba anuncia esti vienres de que les sos instalaciones informátiques acueyen yá el sistema de software llibre UBUNTU, los miembros del coleutivu SoftAstur señalaben pa dientro d’alrodiu tres meses la disposición d’un nuevu corrector ortográficu que s’alcuentra yá nuna versión beta y que podrá emplegase dende la versión n’asturianu de la suite ofimática OpenOffice. Trátase d’una versión más avanzada que la del Iguador de l’Academia de la Llingua Asturiana, pues amás de señalar los posibles errores ortográficos ufierta una llista de propuestes posibles. Páxina web pa descargar la suite Open Office n’asturianu 9 d'abril, 2010 0 FacebookTwitterPinterestEmail
Tecnoloxía Fain un “jailbreak” al iPad d’Apple nun día by asturnet 6 d'abril, 2010 Un vídiu nwl Youtube y un ‘tweet’ nA popular redE de microblogging son las prebEs de, que nun día, un miembru del equipo del Dev-Team que ficiere lo mesmo col iPhone llograra facer “ailbreak” al iPad d’Apple. El “jailbreak” consiste en llograr acceder a tolos archivos y carpetes del iPhone, iPod Touch y, agora, del iPad para poer instalar aplicaciones de terceros non autorizaes por Apple y modificar les que ya tien l’iPad instalaes. 6 d'abril, 2010 0 FacebookTwitterPinterestEmail
Tecnoloxía 300000 ventes nun día nel aportar del iPad d’Apple y 250.000 llibros descargaos del iBook Store by asturnet 5 d'abril, 2010 El fabricante informáticu estadounidense Apple vendió más de 300.000 tabletes electróniques iPad nos Estaos Xuníos esti sábadu pasáu, nel so primer día de llanzamiento, una cifra enforma bultable anque amenorgada palo qu’esperaben los más optmistes. Les aplicaciones y los xuegos ya tan disponibles pa un modelu revolucionariu que va aportar al país a finales d’abril. Apple dixo nun comunicáu qu’esa cifra inclúi los unvíos solicitaos con anterioridá y les compres en tiendas minoristes en tolos Estaos Xuníos. La firma tamién señaló qu’esi primer día los usuarios del iPad baxaron más d’un millón d’aplicaciones nel App Store d’Apple y más de 250.000 llibros electrónicos de la llibrería iBookstore de la empresa. 5 d'abril, 2010 0 FacebookTwitterPinterestEmail
Tecnoloxía Arranca Ximiélga.me, la primera rede social n’asturianu by asturnet 23 de marzu, 2010 Esti día vieno acabante de facese anuncia de l’apertura de Ximiélga.me, primer rede social asturiana, qu’aspira a convertise nun prácticu preséu col que compartir información y conteníos de toa triba ente los usuarios coneutaos. Ximiélga.me (http://ximielga.me) ufre al usuariu una serie de servicios mui asemeyaos a los incluyíos en redes como Facebook o Twitter, como’l ‘microblogging’, la creación d’álbumes de fotos, la xestión d’enllaces, la integración de conteníos multimedia de sitios como Youtube, Dailymotion, Jamendo o Viemo, o el reductor asturianu de señes URL Acurti.es… La rede asturiana ta pensada pa funcionar en too momento como ‘amestador’ d’usuarios de eses otres redes. Pa ello, Ximiélga.me integra les sos funciones mui fácilmente con Twitter o Identi.ca, y los conteníos de la rede asturiana puen espublizase automáticamente n’otres como Facebook, MySpace o en sitios de noticies como Esbilla o Chuza!, ente otros. Esti aspeutu, el de la integración y interconexón con otres redes, sedrá una de les estayes nes que Ximiélga.me pondrá l’acentu nel so desarrollu futuru. El sitiu, que naciera como una alternativa n’asturianu a les grandes redes sociales, preséntase finalmente col envís de ser un puntu d’alcuentru n’internet pa tolos asturianos, d’Asturies y de tol mundu, y por ello ta disponible tamién en castellanu y n’inglés. Ximiélga.me foi desendolcáu por Altuxa.com, alcuñu col qu’el corverán Mikel González empobinare dende l’añu 2000 dellos proyeutos n’internet, na so mayoría relacionaos cola creación de ferramientes web n’asturianu. N’esti casu, Altuxa.com contó col sofitu del colectivu pa la traducción y promoción del software llibre, Softastur, y de la trentena de blogueros que dende xineru vienen testiando la rede enantes de la so apertura definitiva. Ximiélga.me ta basao na plataforma llibre Elgg. Ximiélga.me 23 de marzu, 2010 0 FacebookTwitterPinterestEmail
Tecnoloxía Creative Commons ufre les sos seis modalidaes de llicencia nasturianu by asturnet 17 de marzu, 2010 Según da anuncia güei la páxina de Creative Commons nel estáu español, dende ayeri ye posible usar les seis llicencies de propiedá intelectual desta organización, en llingua asturiana, y adaptaes a la llexislación vixente. Ello foi posibles gracies al sofitu del Vicerreutoráu dInformática y Comunicaciones de la Universidá dUviéu y lAcademia de la Llingua Asturiana. La organización da anuncia de quel viniente pasu va ser tornar aquellos apartaos del sitiu de Creative Commons pa que tamién se puean ufrir nesta llingua, que ye dende agora la quinta ufrida por esta plataforma nel estáu español. Amuesa d’una de les llicencies disponibles 17 de marzu, 2010 0 FacebookTwitterPinterestEmail
Tecnoloxía La llingua asturiana tien yá una propuesta de Terminoloxía xurídica y alministrativa by asturnet 26 de febreru, 2010 LAcademia de la Llingua Asturiana ta acabante xubir a la páxina del so proyectu Termast, un vocabulariu, el segundu desta iniciativa, centráu na terminoloxía xurídica y alministrativa, del que ye autor el abogáu lleonés Nicolás Bartolomé Pérez. Termast ye un proyectu que surde en xineru del 2009 al traviés dun pactu firmáu ente tres entidaes asturianes: el colectivu Softastur, el Colexu dInxenieros nInformática del Principáu dAsturies y lAcademia de la Llingua Asturiana pa ellaborar propuestes terminolóxiques daplicación a los usos nuevos del asturianu. LAcademia quier que les aportaciones de Termast sían iniciatives individuales o grupales concretes que dean a la conocencia pública la so particular propuesta de solución a los problemes terminolóxicos del asturianu nos contestos comunicativos más variaos: ámbitu científicu, de les tenoloxíes nueves, económicu, sociolóxicu, humanísticu… Estes propuestes van tar al algame de los usuarios de la llingua asturiana, de manera que van ser éstos col so usu o refugu los que van dir dándo-yos normalidá, de manera que depués dello lAcademia pueda dir inxiriéndolos dientro de los sos calces normativos. Terminoloxía Xurídica y Alministrativa 26 de febreru, 2010 0 FacebookTwitterPinterestEmail
Tecnoloxía Los blogueros asturianos axuntáronse pa entregar los sos premios añales y aldericar sobre la blogosfera by asturnet 22 de febreru, 2010 A les cinco la tarde la Banda de Gaites Escuela de Musica Tradicional de l’A.P.A. del Conservatoriu Valle del Nalón recibía a los blogueros nel parque nel que sasitial Centru de Referencia de la Cultura y la Llingua Asturiana Casa de los Alberti de Ciañu, en Llangréu. Pasu ente pasu, munchos de los creadores de blogues nasturianu, diben aportando a la sala onde diba tener llugar la segunda edición del Sidra&Blogues. La primer edición tuviere llugar en 2007, y munchos coses camudaron dende entós na blogosfera en llingua asturiana. Notábense les ganes de volver a vese. Lactu entamó col agradecimientu de la organización a los patrocinadores y collaboradores del eventu (Ayuntamientu de Llangréu, Softastur y Xareos! Xestión Cultural), y ceo entamaron les comunicaciones, abriendo les intervenciones David Guardado, Director Zona Atlántica Prensa Ibérica Dixital, que recordó la prehistoria de la rede nasturianu, que según comentó entamó de xente que nun taba averao al movimientu asturianista, pero que vía la importancia de tener conteníos nesta llingua dientro de la entós incipiente rede. Lautor recordó la fecha de 1996 como la clave dientro de tou esti procesu, yá que ye entós cuando apaecen los primeros númberos dAsturnews y del precedente dAsturies.com, el proyectu Espaciu y tiempu de la llingua asturiana. Guardado recordó tamién les primers llistes de corréu y foros nos que susaba la llingua asturiana y como too ello foi evolucionando hasta la situación actual. Darréu, el blogueru Mikel González improvisó una pequeña información sobre la nueva rede social nasturianu Ximiélgame, que según comentó va abrise a otres llingües y nos próximos díes va tar abierta a tolos usuarios que quieran facer usu de la mesma. Poli Mencía, Espertu en redes Sociales y diseñador de la campaña Doi la Cara pola oficialidá, dedicó la so intervención a comentar la rede de blogueros y usuarios dinternet en Galicia y la so evolución, faciendo comparanza cola asturiana, que según afirmó ta a una distancia considerable en cuantes a la so evolución y normalidá. Rematáronse les intervenciones con Escoyeta de Plataforma, comunicación de Marquinos, co-autor del blogue Ta pa Ponga y espertu en software llibre, que comentó les ventayes y desventayes de caún de les plataformes mayoritaries de creación de blogues, destacando como más interesantes, por poder funcionar con elles nasturianu, wordpress.org y nireblog. Hacia les seis y media entregáronse los premios entamando pel de meyor diseñu 2009, quentregól blogueru Chus Solís, en representación de la blogosfera n’asturinau, al autor dEl Xanul Caborniu. Darréu, Marquinos, de la organización Softastur, entregól tercer premiu al responsable de “La verdá ye mentira”. El redactor dAsturnews, Inaciu Galán, entregól segundu premiu como representante de Xareos! Xestión Cultural a González y González. El primer premiu entrególu a “El Xanu’l Caborniu” el responsable del Serviciu de Normalización Llingüística de Llangréu, Eloi Antuña. Los ganadores recibieron un llote cedíu por Softastur y el LoCo Team Asturianu consistenete en 4 CDs orixinales de la cabera versión dUbuntu 9.10, y dellos exemplares de la revista Formientu, cedíos por Xareos! Xestión Cultural. La xornada terminó darréu con un alcuentru informal nun chigre cercanu a la Casa de los Alberti, onde los blogueros y los asistentes aldericaron y pudieron conocer les identidaes quescuenden munchos de los blogues nasturianu más activos de la rede. 22 de febreru, 2010 0 FacebookTwitterPinterestEmail
Tecnoloxía Blackberry alvierte del futurible colapsu de les comunicaciones by asturnet 18 de febreru, 2010 El fabricante de Blackberry, RIM, asoleyó esti día que los creadores de teléfonos intelixentes deben entamar a desenrrollar productos que consuman menos anchu de banda si nun quieren que se colapsen les comunicaciones. Mentantu los usuarios abandonen los teléfonos móviles tradicionales y compren portátiles, modems inalámbricos y teléfonos intelixentes con munches ferramientes, como l’iPhone d’Apple, el tráficu de datos multiplícase. Mike Lazaridis, fundador de RIM, contempla esta situación como una amenaza de saturación de la capacidad de la rede. 18 de febreru, 2010 0 FacebookTwitterPinterestEmail
Tecnoloxía Llangréu acueye’l II Sidra&Blogues by asturnet 18 de febreru, 2010 El Centru de Referencia de la Cultura y la Llingua Asturiana Casa de los Alberti de Ciañu va acoyer esti sábadu, 20 de febreru, el II Sidra&Blogues. Nel trescursu lactu van ponese delles charres sobre internet y el desarrollu de redes sociales nasturianu amás de facese entrega de los premios al Meyor Blogue nasturianu del añu 2009, lactu rematará con alderiques sobrel tema alredor dunes botellines de sidra pelos chigres de Ciañu. El II Sidra&Blogues entámalu la Xunta de Blogues en llingua asturiana y collaboren nél lAyuntamientu de Llangréu, Softastur y Xareos. El Centru de Referencia de la Cultura y la Llingua Asturiana Casa de los Alberti de Ciañu acogerá este sábado, 20 de febrero, el II Sidra&Blogues. En el transcurso del acto se leerán varias ponencia sobre internet y el desarrollo de redes sociales en lengua asturiana, además de hacerse entrega de los premios al Meyor Blogue nasturianu del añu 2009, el acto concluirá con debates sobre el tema alrededor de unas botellas de sidra por los chigres de Ciañu. El II Sidra&Blogues lo organiza la Xunta de Blogues en llingua asturiana y colaboran en él el Ayuntamientu de Llangréu, Softastur y Xareos. Programa actos II Sidra&Blogues 17:00 hores Recepción Banda Gaites Escuela de Musica Tradicional de l’A.P.A. del Conservatoriu Valle del Nalón 17:15 hores Presentación Charres: 1996 por David Guardado (Espertu ninternet, Director Zona Atlántica Prensa Ibérica Dixital, cofundador dAsturies.com) Comunidá por Poli Mencía (Espertu en redes Sociales), diseñador de la campaña Doi la Cara del C.A.O) Escoyeta de Plataforma por Marquinos (Co-autor del blogue Ta pa Ponga, espertu en software llibre) 18:15 hores Entrega premios al Meyor Blogue nasturianu del añu 2009 18:45 hores Fin del actu y remate con alderique alredor de sidra pelos chigres de Ciañu 18 de febreru, 2010 0 FacebookTwitterPinterestEmail