Tecnoloxía Lasturianu ye la novena llingua más tornada d’UBUNTU by asturnet 21 de marzu, 2011 Xandru Armesto, del coleutivu Softastur, tuvo esplicando xunto a otros miembros desta asociación qué ye esactamentel software llibre, qué momentu vive y qué posibilidaes abre pa una llingua minorizada y marxinada pol so propiu gobiernu, como lasturiana, na Tertulia Enrique García Rendueles y nuna de les xornaes con más participación. La charra y el posterior alderique sirvió pa que munchos resolvieren duldes alredor del software llibre y pa dar a conocer la bayurosa ufierta de programes que permite remanar el sistema operativu Ubuntu, que ta tornáu al asturianu dende va tiempu. Amás los miembros de Softastur dieron a conocer el so llabor, que los convierte, pese a ser un grupu pequeñu, nún de los equipos de torna con más trabayu fechu, siendo lasturianu nel añu pasáu la novena llingua más tornada nUbuntu. Los miembros de Softastur convidaron a participar de les sos xornaes dinstalación, pa pasase a Ubuntu nos ordenadores, y a los conocedores del asturianu, a sumase como traductores de programes. El movimientu estudiantil y la defensa de la Universidá pública, el xueves 24 de marzu La Tertulia recibe esta selmana a Santiago Fano, militante del movimientu estudiantil y miembru del Conseyu dEstudiantes de la Universidá dUviéu, que va falar de la difícil situación de la Universidá dUviéu anguaño y de les reivindicaciones del movimientu de base por una Educación pública y de calidá. Semeyes de la tertulia del xueves pasáu 21 de marzu, 2011 0 FacebookTwitterPinterestEmail
Tecnoloxía Los Miniportátiles d’Escuela 2.0 van poer arrancar n’asturianu by asturnet 19 de marzu, 2011 Ente les midíes incluyíes nel proyeutu Escuela 2.0 ta la entrega a los escolinos en quintu cursu de Miniportátiles que traen arranque dual con Windows XP y Ubuntu 9.10 (Karmic Koala). Y según acaba d’asoleyar el coleutivu Softastur nel so blog la bona noticia vien porque según informa SUATEA na so web, “la Conseyería vieno acabante aceutar que Ubuntu venga yá cola llingua asturiana instalada nel ordenador (cosa quhasta agora nun pasaba)”. Sofastur felicítase tamién por ello y agradece-y a SUATEA la so iniciativa. Escuela 2.0 ye un proyeutu dinnovación educativa que tien por oxetivu lusu cotidianu de les TIC nes aules, según la propia Alministración. Y pa los que tais trabayando colos entregaos lañu pasáu, equí tenéis un videu de cómo ponelos nasturianu. 19 de marzu, 2011 0 FacebookTwitterPinterestEmail
Tecnoloxía Xorrez enforma l’usu de les redes sociales n’Asturies by asturnet 21 de febreru, 2011 Cuatro de cada cinco asturianos y asturianes (un 87% de los usuarios d’Internet, concretamente) empleguen davezu les redes sociales frente al 73% que lo facía en 2009. La rede de blog Ocio Networks, que cunta con más de siete millones d’usuarios únicos mensuales, vien d’ellaborar per segundu añu consecutivu un Estudiu de vezos n’Internet, nel que s’entrevistó a 1.875 internautes y nunu de los apartaos d’esta encuesta onde se fai un analís del consumu d’información, medios y redes sociales per parte de los usuarios, destaca que n’Asturies aumentó l’usu de les redes sociales pa comunicase. Asina lo manifestó’l 87% de los encuestaos asturianos nel últimu añu, frente al 73% de 2009. A nivel nacional los datos tamién marquen una medría, cuidando que’l 83% de los internautes afirmó emplegar les redes sociales nel añu 2010, al contrariu qu’el 76% que lo fixo l’añu pasáu. Según esti estudiu, les principales redes sociales esperimentaron un xorrecimientu pergrande respeutu al añu anterior. Facebook ye la más popular ente los entrevistaos con un 75% de penetración y un aumentu del 14% d’usuarios frente a 2009. Tuenti ye la segunda rede más emplegada, con un 33% d’internautes que lu utilicen frente al 22% del añu 2009. El porcentaxe d’usuarios que nun usa redes sociales baxa significativamente en 2010 hasta’l 17% frente al 24% del añu anterior. Polo que cinca a Asturies, alredor d’un 67% de los encuestaos manifestó qu’utiliza Facebook, un 35% ye usuariu de Tuenti y otru 22% tien una cuenta de Twitter. 21 de febreru, 2011 0 FacebookTwitterPinterestEmail
Tecnoloxía LInfiestu acueye un cursu de software llibre by asturnet 11 de febreru, 2011 El colectivu Softastur sofita un cursu dinstalación y usu dUbuntu na Casa Cultura de LInfiestu. Los vienres 11, 18, 25 de febreru y el 4 de marzu, de 17:30 a 19:30, habrá cursos pa deprender a remanar y tornar software llibre. 11 de febreru, 2011 0 FacebookTwitterPinterestEmail
Tecnoloxía Escueyen a los blogues Fueya en Blanco y Conceyu Nacional de Liriu como los meyores de 2010 by asturnet 3 de febreru, 2011 Los organizadores del certame Meyor Blogue n’asturianu del añu 2010 anunciaron yá los ganadores de la votación, que tuvo abierta hasta l día caberu de xineru. El Meyor Blogue según los llectores foil del Conceyu Nacional de Liriu, dedicáu a les noticies desti deporte asturianu de recién recuperación, recibiendol 20% de los votos. El Meyor Conteníu según la comunidá bloguera yel de Fueya en Blanco, col 12% los votos; mientres que González y González se fizo col premiu al Meyor Diseñu, col 13% de los votos válidos. La entrega de premios va celebrase en La Pola Siero, dientro del III Sidra & Blogues, cola entrega de premios, delles charres y un alcuentru informal ente los blogueros y los llectores. Entá nun hai fecha, pero sedrá enantes del 15 de febreru. Ente los regalos a los ganadores van tar dellos exemplares de la revista Formientu, asoleyada por Xareos! Xestión Cultural, un llote de discos dAlgamar Producciones, cedés y colgantes dUbuntu de Softastur y camisetes cola asturina de Xuventú Asturianista del PAS. 3 de febreru, 2011 0 FacebookTwitterPinterestEmail
Tecnoloxía Siguen les votaciones al Meyor Blogue nAsturianu 2010 by asturnet 19 de xineru, 2011 Pasada yá la metá del periodu de votaciones, los meyores blogues según los llectores son pel momentu Fueya en blanco, dedicáu a la opinión política, Conceyu nacional de Liriu, centráu na actualidá desti deporte asturianu, y Xuan Pandiella, blogue dopinión del voceru de Xuventú Asturianista. Les votaciones van siguir hastal 31de xineru, cuando van dase a conocer a los ganadores. Amás de los llectores, voten los blogueros, y hastal momentu los blogues que van en cabeza son Fueya en blanco, La Verdá ye Mentira, Tapaponga, Xuan Pandiella y El Xanu’l Caborniu, no que cinca al premiu al Meyor Conteníu; y González y González, Cosiquina, Dendel Tueru, La Esfoyaza y El Xanul Caborniu. Hastal momentu donáronse pa los premios delles revistes de Formientu, per parte de Xareos! Xestión Cultural, un llote de discos per parte dAlgamar Producciones, cedés y colgantes dUbuntu de Softastur y camisetes cola asturina de Xuventú Asturianista del PAS. Páxina de la votación al Meyor Blogue 2011 19 de xineru, 2011 0 FacebookTwitterPinterestEmail
Tecnoloxía Convoquen el I Premiu CSC al meyor trabayu fin de carrera d’Informática by asturnet 7 de xineru, 2011 La Universidá d’Uviéu convoca l’I Premiu CSC al meyor trabayu fin de carrera d’Informática na Universidá d’Uviéu. Van Poder participar na presente convocatoria tolos universitarios que, nel cursu académicu 2009-2010 o na convocatoria de finalización d’estudios del cursu 2010-11, defendieren y superaren na Universidá d’Uviéu’l Proyectu Fin de Carrera (pa les titulaciones d’Inxeniería Técnica n’Informática de Sistemes, Inxeniería Técnica n’Informática de Xestión ya Inxeniería Informática) o Trabayu Fin de Máster (na Caña d’Inxeniería y Arquitectura, nun trabayu directamente rellacionáu col ámbitu informáticu, lo que sha xustificar). Les solicitúes pa participar nesta convocatoria, dirixíes al Vicerrectoráu d’Estudiantes y Emplegu de la Universidá d’Uviéu, van presentase hasta’l 15 de xineru de 2011, según el modelu que ta na web http://www.uniovi.es/estudiantes Queden escluyíos tolos emplegaos de CSC. Más información 7 de xineru, 2011 0 FacebookTwitterPinterestEmail
Tecnoloxía Los llectores van poder votar esti añu pal Meyor Blogue nAsturianu del 2010 by asturnet 3 de xineru, 2011 Per tercer añu consecutivu, los blogueros escueyen el Meyor Blogue del añu. Nesta ocasión con novedaes, yá que los llectores, anque nun tengan blogue, van poder votar. El premiu busca, según los sos participantes fortalecer una comunidá tan prestosa como ye la quusa la llingua asturiana. Van dase trés premios: Meyor blogue según públicu (llectores), Meyor blogue según blogueros y Meyor diseñu según blogueros. Cada blogueru pue votar con 1 puntu al blogue que meyor conteníu tenga y con 1 puntu al blogue con meyor estética, imaxe o diseñu, que pue ser a ún de los anteriores pero enxamás al propiu blogue del votante. En casu dempate, ganarál blogue que tea más actualizáu nel últimu añu (más entraes) y si asina persistiere lempate, ganaríal blogue más vieyu. El votu del públicu será anónimu y dará llugar a una mención especial y estremada. El periodu de votaciones durará, dende’l 1 de xineru de 2011 hasta’l 31 de xineru de 2011. Cuanto tea recopilada tola información, espublizaránse los resultaos de los blogues ganadores. Páxina web de la convocatoria 2010 3 de xineru, 2011 0 FacebookTwitterPinterestEmail
Tecnoloxía LAcademia de la Llingua Asturiana espubliza la terminoloxía de la Física by asturnet 24 d'avientu, 2010 Dientro del llabor d’anovamientu léxicu que se desendolca nel proyeutu Terminoloxía Asturiana (TERMAST) de l’Academia de la Llingua Asturiana, axúntase una nueva propuesta, dedicada esta vegada a la Terminoloxía de los conceutos básicos de la Física. El so autor ye Rubén Fernández Martínez, que yá tien asoleyáu dientro de Termast otru vocabulariu rellacionáu coles Matemátiques. Nel presente trabayu axúntense al rodiu de 400 términos básicos del ámbitu científicu de la Física, col enfotu de que los llectores (estudiosos, especialistes o posible usuarios) amienten les correiciones que xulguen más afayadices. El tiempu dirá, nesti sen, qué propuestes acaben formando parte del corpus normativu de la llingua asturiana. Consulta’l vocabulariu de la Física n’asturianu 24 d'avientu, 2010 0 FacebookTwitterPinterestEmail
Tecnoloxía Asturnet pon clases de diseñu gráficu y web by asturnet 17 d'avientu, 2010 Dende’l 28 davientu Asturnet imparte un cusru de baldre pa paraos tituláu “Técnicu en diseñu gráficu y web con paquete adobe (photoshop-dreamweaver-illustrator-flax-indesing)”. L’horariu ye de mañana y tarde y son 300 hores. Va impartise del 28 d’avientu al 4 de marzu, nes sos aules y con práutiques n’empreses. Más información na cai Martínez Vigil 15 baxu, Uviéu o nos teléfonos 985 264 051 – 985 265 910, amás de na web infoasturnet.es 17 d'avientu, 2010 0 FacebookTwitterPinterestEmail