Tecnoloxía Google mira pal asturianu nel so proyectu de llingües en peligru by asturnet 22 de xunu, 2012 Google punxo en marcha’l Proyectu de Llingües en Peligru d’Estinción, una plataforma onde podrá atopase y compartir información sobre idiomes que cuerren peligru de desaniciu. Dientro del estáu español inclúin trés llingües: l’aragonés, l’asturianu y la llingua de signos catalana. Google señala al primeru d’ellos como’l que s’atopa nuna situación más vulnerable. Na páxina del asturianu pueden colgase yá conteníos na nuesa llingua. El buscador asegura que gracies a esti proyectu, van podese documentase les más de 7.000 llingües de tol mundu que tán a puntu de sumir, col fin de caltener la diversidá, honrar les conocencies de los nuesos mayores y arriquecer el futuru de la mocedá. La tecnoloxía puede collaborar nestes metes, al dexar que se creen grabaciones d’alta calidá de los postreros falantes d’un idioma, conectar comunidaes esvalixaes al traviés de los medios sociales y facilitar l’aprendizaxe d’idiomes, espliquen dende Google. Google intervieno nel desenvolvimientu y llanzamientu del proyectu, pero’l so oxetivu al llargu plazu ye que tomen el mandu espertos nel campu del caltenimientu llingüísticu. Nos próximos meses, va dar el relevu el First Peoples Cultural Council (FPCC) y The Institute for Language Information and Technology de la Eastern Michigan University, quien se van encargar del proyectu. Páxina del asturianu nel proyectu 22 de xunu, 2012 0 FacebookTwitterPinterestEmail
Tecnoloxía Yá puede usase Twitter col asturianu como llingua vehicular by asturnet 23 de mayu, 2012 La organización Iniciativa pol Asturianu ta acabante firmar un conveniu con Splitweet, un xestor de cuentes de Twitter pol que la plataforma ufre dende agora una versión nasturianu de tol sistema, lo que permite usar Twitter dafechu nasturianu, pudiendo xestionar amás delles cuentes al mesmu tiempu. El sistema permite usar Twitter dende la plataforma Splitweet con tolos mesmos servicios quesisten na web desta rede social. Dende Iniciativa pol Asturianu espliquen qu’abren asina “una llínia de trabayu na que van firmase alcuerdos con empreses pa que fomenten lusu lasturianu”. Lasturianu súmase asina a los cuasi 30 idiomes nos que ta disponible Splitweet, anque ye unu de los únicos 7 que tien la torna del sistema al 100%, xunto a inglés, castellán, catalán, danés, hindi y suecu. Mientres, otres llingües con millones de falantes comol chinu, el rusu, el portugués o litalianu tán tovía en niveles de torna inferiores al del idioma dAsturies. La torna corrió a cargu de la organización Iniciativa pol Asturianu y nun cuntó con nengún tipu dayuda pública, mientres que lencontu tecnolóxicu úfrelu Splitweet. Dende Iniciativa pol Asturianu esperen que Twitter tamién use lasturianu en futures ediciones “agora que ta entamando a poner en marcha les plataformes notres llingües, como catalán o gallegu”. Dende la organización asturiana va trabayase nesti campu, pues considérase imprescindible pa la normalización del idioma. Usa Twitter n’asturianu equí 23 de mayu, 2012 0 FacebookTwitterPinterestEmail
Tecnoloxía Yá ta na rede la primer parte del Nomenclátor de Toponimia Oficial by asturnet 18 de mayu, 2012 El Nomenclátor presentáu esti xueves ye un catálogu ordenáu y xerarquizáu de los nomes oficiales de les entidaes de población, según consten nos Decretos de Oficialización aprobaos pol Conseyu de Gobiernu y publicaos nel Boletín Oficial del Principáu d’Asturies. Nél puede consultase la información actualizada de trabayos doficialización. Cada nome acompáñase, si ye’l casu, de la forma oficial anterior y de les variantes toponímiques que se constaten. Coles mesmes indícase la posición xeográfica de cada topónimu espresada por aciu dos coordenaes nun determináu sistema de referencia, dexando d’esta miente la so localización ya integración con cualesquier otra información georreferenciada (cartografía, ortofotografía, redes de carreteres ). El propósitu del N.G.T.O.P.A. ye facilitar a tolos usuarios (alministraciones, medios de comunicación, empreses, asociaciones…) un accesu rápidu y efectivu a la toponimia oficial del Principáu d’Asturies. Pa ello apúrrese la consulta en dellos formatos de salida: pdf, Excel, Access y Google Earth. Nesta presentación espublizáronse namás los datos relativos al Conceyu de Xixón, que pasu ente pasu se dirán amontando colos topónimos y coordenaes xeográfiques de tolos conceyos que cunten col correspondiente Decretu dOficialización. La ellaboración del N.G.T.O.P.A. corrió al cargu de un equipu integráu por técnicos de la Dirección Xeneral de Política Llingüística y del Centru de Cartografía dependiente de la Dirección Xeneral d’Ordenación del Territoriu y Urbanismu, siguiendo’l modelu de datos definíu pol Modelu Nomenclátor d’España na so versión 1.2 (MNEv1.2) Archivos pa la descarga del Nomenclátor 18 de mayu, 2012 0 FacebookTwitterPinterestEmail
Tecnoloxía Softastur organiza un taller dUbuntu en Les Arriondes by asturnet 17 de mayu, 2012 Esti vienres 18 de mayu de 2012 a les 18:00 na Casa La Cultura de Les Arriondes (Parres) va celebrase un taller de baldre y abiertu a tolos que quieran instalar Ubuntu, el sistema operativu llibre y gratuitu disponible nasturianu. Les inscripciones pueden facese llamando al 672 470 589 (Raquel) 17 de mayu, 2012 0 FacebookTwitterPinterestEmail
Tecnoloxía Lasturianu presente nunes xornaes sobre internet y diversidá llingüística en Bilbao by asturnet 16 de mayu, 2012 LAcademia de la Llingua Asturiana unvía como representante a Héctor García Gil a les xornaes Internet y la promoción de la diversidá llingüística, que se celebren en Bilbao esti xueves 17. La so participación va titulase Llingua asturiana y NTIC: revision y perspectives, amás de formar parte de la mesa dalderique final, moderada pol vascu Luistxo Fernández. Les xornaes orgnízaseles la Cátedra Unesco de Patrimoniu Llingüísticu Mundial de la Universidá del País Vascu y nelles van tar presentes representantes de comunidaes indíxenes de Méxicu y Nueva Zelanda, Gales, Aragón y Frisia. 16 de mayu, 2012 0 FacebookTwitterPinterestEmail
Tecnoloxía Softastur asoleya un xestor de corréu lletrónicu nasturianu by asturnet 22 de febreru, 2012 Coincidiendo col llanzamientu de Firefox 10, la Fundación Mozilla espublizó güei mesmo Thunderbird 10, lafamáu Xestor de corréu lletrónicu. La novedá nesti casu, ye questa versión inclúi la llingua asturiana, lo que nun asocedía dende la versión 1.0 (2004). Dempués de retomar aquel proyeutu y tres un añu de trabayu, Softastur presenta la versión que ta acabante salir, y que yá salcuentra disponible pa toles plataformes (Linux, Win, Mac). Carauterístiques: http://www.mozilla.org/ast/thunderbird/features/ Novedaes: http://www.mozilla.org/ast/thunderbird/10.0/whatsnew Páxina de descarga 22 de febreru, 2012 0 FacebookTwitterPinterestEmail
Tecnoloxía Asturies tará representada nun congresu internacional sobre les TIC by asturnet 13 de febreru, 2012 El Congresu Internacional Les llingües non estatales y les nueves tecnoloxíes de la información y la comunicación que va celebrase na llocalidá portuguesa dAveiro l8 de marzu, va cuntar con presencia asturiana y mirandesa, amás de representantes de les llingües catalana, aranesa, aragonesa y gallega. Un espaciu pa compartir la situación de les llingües minorizaes de la península nel campu de les TIC. Nesti conceyu Inaciu Galán, periodista asturianu, va dar llectura a la conferencia Una güeyada a la situación del asturianu nes TIC. Esi mesmu día, pela tarde y xunto al restu los congresistes, participará nuna mesa redonda d’alderique alredor del tema central de congresu, comentando la situación asturiana, baxo la moderación dAlberto Gómez Bautista, de la Universidá dAveiro. Amás de Galán, van participar nel congresu, falando de la situación de les sos llingües nesti campu, Amadeu Ferreira, Alcides Meirinhos, Xavier Frías Conde, Francisco Castro, Anna Cortils y Sebastià Bennasar. El Congresu organícenlu la Universidá dAveiro, la UNED y lAssociaçon de Lhéngua Mirandesa, pudiendo inscribise los interesaos nesti corréu cunceilho@gmail.com Blogue del Congresu 13 de febreru, 2012 0 FacebookTwitterPinterestEmail
Tecnoloxía openMarkers: una aplicación n’asturianu qu’encamienta comercios y restoranes by asturnet 9 de febreru, 2012 OpenMarkers ye un nuevu proyectu collaborativu pa crear/votar llugares en tol mundu. Según esplical so creador, Marcos Costales, “nun ye una llista de sitios, ye una recomendación de llugares basada nos preferíos de tolos usuarios”. Laplicación amuesa los 10 meyores del área clasificaos por preciu, al traviés de la creación/votación de los usuarios. Esta ya una aplicación que permite conocer ónde comer, dormir, mercar teniendo en cuenta los votos de los usuarios. Cualesquier persona puede amestar los sos sitios favoritos y descubrir llugares d’otros usuarios, acorde al presupuestu de caún. Enllaz a OpenMarkers 9 de febreru, 2012 0 FacebookTwitterPinterestEmail
Tecnoloxía Iniciativa pol Asturianu asoleya dellos vídeos na rede by asturnet 29 d'avientu, 2011 La canal d’Iniciativa pol Asturianu en YouTube entama a furrular con dellos vídeos de la organización, que se pudieron ver per primer vegada nel actu de presentación del colectivu. “Toma la inciativa”, el primeru d’ellos, ye un vídeu nel que se recueye l’espíritu de l’asociación, mientres que “Iniciativa pol Asturianu nes cais d’Asturies” recueye dalgunos de les demandes más importantes pal usu del asturianu, nes manes de ciudadanos que peles cais d’Asturies quixeron tomar la iniciativa pol asturianu. 29 d'avientu, 2011 0 FacebookTwitterPinterestEmail
Tecnoloxía Softastur asoleya la primer versión del correutor pa Firefox by asturnet 7 d'avientu, 2011 Yá ta disponible la primer versión del correutor ortográficu n’asturianu pa Firefox. Ta basáu en Hunspell y tien llicencia llibre. El desenrrollu cuerre a cargu de Softastur. Enllaz pa la descarga 7 d'avientu, 2011 0 FacebookTwitterPinterestEmail