Tecnoloxía Telegram tendrá versión n’asturianu dende esti vienres by asturnet 12 de marzu, 2014 “Bienllegaos a la dómina de la mensaxería rápida y segura”: Telegram, una de les más nomaes alternatives de mensaxería nel móvil a Whatssap, va tener dende esti vienres 14 de marzu una versión en llingua Asturiana. El coleutivu Softastur vieno acabante de facer l’anuncia na só páxina web y dende’l viernes 14 ufrirá soporte y sofitu pa que tolos interesaos n’emplegar esti programa de mensaxería en llingua asturiana puedan facelo ensin problemes. Esti mesmu añu, Coincidiendo col llanzamientu de Firefox 10, la Fundación Mozilla espublizóThunderbird 10, lafamáu Xestor de corréu lletrónicu cola novedá nesti casu, d’una versión cola llingua asturiana, lo que nun asocedía dende la versión 1.0 (2004). Dempués de retomar aquel proyeutu y tres un añu de trabayu, Softastur presentaba la versión que taba acabante salir, y que yá salcuentra disponible dende febreru pa toles plataformes (Linux, Win, Mac). Xunta estos trabayos en 2014, Softastur vieno densendolcando dende la so fundación en 2008 una xera enforma valoratible na adautación del software llibre a la llingua asturiana. 12 de marzu, 2014 0 FacebookTwitterPinterestEmail
Tecnoloxía Entamó la Uiquimaratón de Samartín del Rei Aurelio by asturnet 21 de febreru, 2014 Da-y presencia a la llingua asturiana nes nueves teunoloxíes ye ún de los aspeutos que más puen contribuyir a la so normalización y por esi motivu, y coinciendo col Día Internacional de la Llingua Materna que se celebra esti vienres 21 de febreru, la Oficina de Normalización Llingüística de Samartín del Rei Aurelio ta collaborando con un grupu de voluntarios de la Wikipedia nasturianu (denomada Uiquipedia) pa llevar a cabu un taller esplicativu y una Uiquimaratón col envís denantar el númberu dusuarios activos del proyeutu y aprovechar pa crear y ameyorar artículos enciclopédicos que tengan que ver col conceyu. Ayeri xueves entamó lactividá coles intervenciones de Gema Suárez Torre, conceyal de Cultura de Samartín del Rei Aurelio, y de Víctor Suárez y Xuacu Saturio, que llevaron a cabu la presentación del proyeutu Wikimedia y un taller dedición na Uiquipedia. Güei vienres, de 6 a 9 de la tarde va tener llugar la Uiquimaratón na que los participantes van poder colgar artículos y semeyes rellacionaos con aquellos temes que más-yos interesen y que tengan que ver cola historia y el patrimoniu cultural de Samartín del Rei Aurelio. La Wikipedia ye una enciclopedia llibre caltenida pola Fundación Wikimedia, una organización ensin ánimu de llucru. Los sos más de 15 millones de artículos tán escritos collaborativamente por usuarios de tol mundu y los más de los mesmos puen ser editaos por cualesquier persona con accesu a internet. Creóse en 2001 por Jimmy Walles y Larry Sanger y anguaño ye la obra de referencia más grande y popular dinternet. La Uiquipedia ye la versión nasturianu de la mesma, alcontrándose ente les más de 270 llingües que la componen y con un total de 19.400 artículos. Surdió en 2004, lo que quier dicir questi añu va cumplir el so décimu aniversariu. Siguen asina les actividaes previstes pa celebrar los cuatro años de la Casona del Bravial de Blimea como centru cultural, quentamaron el día 6 cola inauguración de la esposición El Castiellu de Blimea. Historia, lleendes, abandonu, que pue visitase hastal próximu 7 de marzu. 21 de febreru, 2014 0 FacebookTwitterPinterestEmail
Tecnoloxía Samartín celebra una Uiquimaratón by asturnet 20 de febreru, 2014 Samartín celebral Día Internacional de la Llingua Materna con una Uiquimaratón na Casona del Bravial los díes 20 y 21 de febreru, organizada conxuntamente con un grupu de voluntarios de la Wikipedia nasturianu (denomada Uiquipedia) que va llevar a cabu un taller esplicativu, amás de la Uiquimaratón, col envís denanchar el númberu dusuarios activos del proyeutu y aprovechar pa crear y ameyorar artículos enciclopédicos que tengan que ver col conceyu. Da-y presencia a la llingua asturiana nes nueves teunoloxíes ye ún de los aspeutos que más puen contribuyir a la so normalización. Por esi motivu, y coinciendo col Día Internacional de la Llingua Materna que se celebral próximu 21 de febreru, la Oficina de Normalización Llingüística de Samartín del Rei Aurelio va collaborar con un grupu de voluntarios de la Wikipedia nasturianu (denomada Uiquipedia) pa llevar a cabu un taller esplicativu y una Uiquimaratón col envís denantar el númberu dusuarios activos del proyeutu y aprovechar pa crear y ameyorar artículos enciclopédicos que tengan que ver col conceyu. Estes xornaes van entamar güei xueves 20 de febreru a les 18:30 col saludu de les autoridaes, la presentación del proyeutu Wikimedia y un taller dedición na Uiquipedia. Al día siguiente, de 6 a 9 de la tarde va llevase a cabu la Uiquimaratón na que los participantes van poder colgar artículos y semeyes rellacionaos con aquellos temes que más-yos interesen y que tengan que ver cola historia y el patrimoniu cultural de Samartín del Rei Aurelio. La Wikipedia ye una enciclopedia llibre caltenida pola Fundación Wikimedia, una organización ensin ánimu de llucru. Los sos más de 15 millones de artículos tán escritos collaborativamente por usuarios de tol mundu y los más de los mesmos puen ser editaos por cualesquier persona con accesu a internet. Creóse en 2001 por Jimmy Walles y Larry Sanger y anguaño ye la obra de referencia más grande y popular dinternet. La Uiquipedia ye la versión nasturianu de la mesma, alcontrándose ente les más de 270 llingües que la componen y con un total de 19.400 artículos. Surdió en 2004, lo que quier dicir questi añu va cumplir el so décimu aniversariu. Siguen asina les actividaes previstes pa celebrar los cuatro años de la Casona del Bravial de Blimea como centru cultural, quentamaron el día 6 cola inauguración de la esposición El Castiellu de Blimea. Historia, lleendes, abandonu, que pue visitase hastal próximu 7 de marzu. 20 de febreru, 2014 0 FacebookTwitterPinterestEmail
Tecnoloxía Los usuarios desconfíen de la llimitación de tases nes tarxetes de creítu by asturnet 17 de febreru, 2014 Los usuarios españoles camienten que la llimitación obligatoria de les tases d’intercambiu tendría un impactu negativu pa ellos y cuasi ocho de cada diez encuestaos nun considera que l’aforru de costos que supondría pa los comercios vaya traducise nuna rebaxa de los precios. Según una encuesta realizada por Ipsos pa MasterCard en 13 países europeos, el 69% de los españoles (65% a nivel européu) cree que la imposición d’un tope ríxidu nes tases d’intercambiu dexaría a los consumidores “en peor situación” de lo que s’atopen anguaño. El 77% d’españoles y el 82% d’europeos piensa que l’aforru de costos pa los comercios nun se vería reflexáu nos precios pa los consumidores. 17 de febreru, 2014 0 FacebookTwitterPinterestEmail
Tecnoloxía La Universidá y el Club Asturianu de Calidá entamen una xornada sobre les “Claves p’anovar” by asturnet 13 de febreru, 2014 Esti vienres, 14 de febreru, la Universidá d’Uviéu y el Club Asturianu de Calidá entamen dientro del Foru Universidá-Empresa la xornada “Claves p’anovar”. La cita va axuntar na Aula Magna del Edificiu Históricu a los responsables d’I+D+i de delles de les principales empreses de la rexón ya investigadores universitarios, que van esponer la destacada ufierta tecnolóxica de la institución académica. La xornada, enmarcada dientro de les actuaciones del Campus d’Excelencia Internacional, va incluyir una esposición de paneles na que los grupos d’investigación de la Universidá dan cuenta de les principales collaboraciones que caltienen con empreses de tolos sectores y esponen l’aguada aplicada de los sos estudios. El rector, Vicente Gotor, el director xeneral d’Economía ya Investigación, Gonzalo Pescador, y el presidente del Club Asturianu calidable, Alberto Martínez Villa, van abrir l’alcuentru a les 9:30 hores. 13 de febreru, 2014 0 FacebookTwitterPinterestEmail
Tecnoloxía La suite LibreOffice meyora enforma con versión n’asturianu by asturnet 3 de febreru, 2014 The Document Foundation vieno acabante de dar anuncia a LibreOffice 4.2, una nueva versión principal empobinada a usuarios avanzaos, y otru pasu alantre significativu pal meyor conxuntu daplicaciones pa ofimática llibre de tolos tiempos.. y darréu d’ello a la versión en llingua asturiana d’esta suite ofimática gracies al enfotu de Softastur que pon a disposición de los asturfalantes una ferramienta informática enforma avanzada. LibreOffice 4.2 presenta un un gran númberu de remociques nel rindimientu ya interoperabilidá dirixíos a tou tipu dusuarios, pero particularmente pa los usuarios avanzaos y dempreses. Amás, ta meyor integráu con Microsoft Windows. Sigún informen na páxina web de SoftAstur, Calc recibió la mayor reforma de códigu dende que se creó, lo que-y da mayores ganancies de rindimientu con grandes datos (especialmente al calcular valores de caxelles y al importar fueyes de cálculu XLSX grandes y complicaes), mentanto quun nuevu intérprete de fórmules opcional permite el cálculu masivu en paralelo de les caxelles de fórmules usando la GPU vía OpenCL. Esto último funciona meyor con una Arquitectura de Sistema Heteroxenea (HSA, poles sigles ninglés) como la nueva APU Kaveri de AMD. La interoperabilidá nes dos direiciones con Microsoft OOXML; particularmente pa DOCX, igual que pal anticuáu RTF, ameyoró considerablemente. Tamién samestaron nuevos filtros dimportación pa documentos Abiword y presentaciones Apple Keynote. LibreOffice 4.2 ufre dos remociques específicos en Windows pa usuarios empresariales: un diálogu simplificáu dinstalación personalizada quevita posibles errores, y la capacidá dalministrar y bloquiar de mou centralizáu la configuración con Oxetos de Política de Grupos (GPO, poles sigles ninglés) vía Active Directory. Tolos usuarios benefíciense duna meyor integración con Windows 7 y 8, coles miniatures de documentos abiertos agrupaes agora por aplicación y una llista de documentos recientes, que samuesen dambos na barra de xeres. A los usuarios avanzaos de toles plataformes va gusta-yos la flexibilidá de la ventana Configuración pa espertos, que samestó na llingüeta Opciones avanzaes. Esta carauterística pue desactivase fácilmente, pa los grandes despliegues y pa usuarios básicos. Libreoffice 4.2 ufre una nueva pantalla daniciu, con un diseñu más llimpiu que fai meyor usu del espaciu disponible incluyendo pantalles pequeñes y amuesa una vista previa de los últimos documentos. Móviles y LlibreOffice No que cinca a móviles,Libreoffice agora tien sofitu pa Control Remotu dImpress pa iOS amás del Control Remotu dImpress pa Android yá disponible que permite la xestión visual del ritmu duna presentación nel portátil usando la pantalla dun iPhone o un iPad. Esta app anguaño ta esperando la revisión dApple y anunciaráse en cuantes tea disponible na iTunes Store. LibreOffice 4.2 yel primer conxuntu daplicaciones dofimática llibres quincorpora una nueva función daccesibilidá pa Windows (basada en IAccessible2) desendolcada por IBM. Pa esta versión considérase esperimental, pero sustituirá a lanterior accesibilidá basada en Java na siguiente versión principal. La Interfaz dusuariu de Libreoffice sigue recibiendo una llimpieza significativa con un 70% de los diálogos anovaos y munchos axustes de la interfaz distribuíos. Esta versión tamién incluye un guapu tema nuevu diconos «planos» Sifr y un conxuntu anováu destilos de documentu predeterminaos. Toles funciones nueves y ameyoraes de LibreOffice 4.2, incluyendo les que nun apaecen equí, tán resumíes nesta páxina web: https://www.libreoffice.org/download/4-2-new-features-and-fixes/ .Noticia na web de Softastur 3 de febreru, 2014 0 FacebookTwitterPinterestEmail
Tecnoloxía Google gana un 20% más en 2013 by asturnet 31 de xineru, 2014 El bon momentu de les empreses tecnolóxiques nos EE.XX tuvieron esti día na noticia de que Google llogró un beneficiu netu de 12.920 millones de dólares (9.500 millones d’euros) al zarru de 2013, un impulsu definitivu, ya que representa una meyora del 20,3% sobre l’exerciciu anterior. Google algamó una cifr4a de negociu de 59.825 millones de dólares (43.989 millones d’euros), lo que supón tamién un 19,2% percima del datu del añu pasáu. 31 de xineru, 2014 0 FacebookTwitterPinterestEmail
Tecnoloxía Atopa: un nuevu buscador asturianu pa les webs asturianes by asturnet 20 de xineru, 2014 Un nuevu proyeutu en llingua asturiana vieno acabante d’aportar a la rede nel entamu d’esti 2014 embaxo’l nome d’Atopa y promete enllenar un espaciu que quedara vacíu dende la época d’Ulos, el primer buscador de webs asturianes desendolcáu al tiempu que’l portal Asturies.com a finales de los 90. Atopa ye como un buscador tipu Google, pero sólo de conteníu asturianu y tien ya una estensión pal navegador Chrome, amás de versión pal sistema Android. Atopa básase en software llibre pa recorrer automáticamente les páxines web y quédase sólo coles que tan n’asturianu o en castellanu que traten conteníu asturiano. Atopa esforcióse en dar un serviciu cenciellu a les persones que quieren buscar daqué rellacionao con Asturies. Amás los resultaos de les búsquedes nun tan influenciaos,de manera que lo que ves ye lo que’l buscador considera más acertao. El nuevu buscador acaba de nacer y ta en pruebes, polo que s’anima a aportar webs que puedan ser interesantes nes búsquedes. 20 de xineru, 2014 0 FacebookTwitterPinterestEmail
Tecnoloxía Yahoo torna al CES 2014 con un enfotu nidiu: el móvil by asturnet 8 de xineru, 2014 Marissa Meyer, la conseyera delegada de Yahoo dio la vuelta a la compañía pa enfocala puramente al móvil y reafitó esa orientación na so presentación na CES 2014. El Consumer Electronics Show de Les Vegues sirvió pa que Yahoo dexe claru que nun tien que dar actualización de sistema operativu dengún nin mandar a iguar los teléfonos, porque’l so negociu nun ye’l hardware, Sicasí, intenta ser el compañeru de viaxe perfectu pa tolos que faen aparatos. Nuna puesta n’escena percuidada, Yahoo! ocupó per primer vegada en munchos años el protagonismu de la popular feria electrónica de Les Vegues, gracies a la determinación de Marissa Mayer y el so oxetivu pa 2014: el smartphone. Porque desque llegó al cargu en 2012, tien bien claro que de los 800 millones de visitantes mensuales de Yahoo!, la metá conectar dende’l móvil. Según les sos cifres, en 2017 va haber 3.800 millones de móviles conectaos a Internet, 2.000 millones más de los qu’hai anguaño. Hai 10 años esto nun esistía. Pensemos en tou lo que nos apurre, en tou lo que sabe de nós: contactos, calendariu, imaxes. El futuru de les busques ye la conocencia contextual, y ye neso no qu’invertimos, dixo. Mentanto, en Yahoo van siguir aprovechándose de la popularidá de la so compra más simbólica, la rede de blogues sociales Tumblr, que yá ve llegar la publicidá como intentu de rentabilizar la multimillonaria inversión. 8 de xineru, 2014 0 FacebookTwitterPinterestEmail
Tecnoloxía La Uiquipedia n’asturianu entama la II Quincena a Sextaferia hasta’l 9 d’avientu col obxetivu d’ameyorar conteníos by asturnet 27 de payares, 2013 La Uiquipedia n’asturianu vieno acabante d’entamar esti llunes pasáu la II Quincena a Sextaferia que va desenvolveses hasta’l 9 d’avientu col obxetivu d’ameyorar conteníos. La Quincena a sestaferia ye un proyeutu que foi entamáu al envís d’ameyorar, enantar y encadarmar la Uiquipedia a lo llargo d’un periodu de quince díes y d’esta miente, ufrir y consiguir una mayor calidá del proyeutu d’enciclopedia llibre n’asturianu, faciendo d’ésta una erbía más útil y dexando afitada una ferramienta perbona y afayadiza pal espardimientu del asturianu na rede. A lo llargo d’estos quince díes lo que se pretende algamar ye una meyora de los conteníos de la enciclopedia, iguar errores ortográficos, de uiquificación o de conteníu, estandarizando al mesmu tiempu’l rexistru llingüisticu y categorizando y remocicando les páxines. El trabayu d’estos quince díes quier facese especialmente empobináu a les seiciones del Tradubot, que son los artículos que se refieren a los acontecimientos hestóricos rexistraos nos distintos años que van dende 1201 a anguañu. Non tolos artículos qu’han ser iguaos a lo llargo de la Quincena a sestaferia apaecen nos enllaces del proyeutu, polo que ye necesario güeyar categoríes y llistes d’artículos. Exemplu: Non toles plantíes de los países son iguales, ye una cosa a remocicar y nun apaez en nengún enllaz. Los organizadores de la Quincena encamienten amás que ye importante procurar nun crear artículos sinón remocicar los yá esistentes. Una hestoria de cásique 10 años La edición n’asturianu de la Wikipedia perpasó n’Ochobre los 19.000 artículo, con una entrada sobro la ‘Hestoria de la Llingua catalana‘ que foi a ser la númberu 19.000. Un fechu que s’algamó dientro de la I Nit de la Llengua al Món Dixital, celebrada en Barcelona y na que Vítor Suárez participó en representación de la llingua asturiana, como Vicepresidente d’Iniciativa pol Asturianu. La Uiquipedia asítiabase asina, depués de cásique 10 años de xera dende qu’entamra en 2004, como l’idioma númberu 100 con más artículos nesta enciclopedia dixital, 63 posiciones perbaxo del puestu 37 qu’ocupaba nel 2005, cuando la ‘wiki’ n’asturianu cuntaba con 3.000 entraes y yera una de les más actives. Anguaño’l crecimientu de la Uiquipedia n’asturianu ye enforma más sele y nun algama les mil entraes por añu, razón pola que se vien agora a sofitar un llamamientu a los interesaos en collaborar pa que seyan más activos. 27 de payares, 2013 0 FacebookTwitterPinterestEmail