Sociedá MIAS demanda menos publicidá y más fechos na educación by asturnet 17 de mayu, 2006 La organización de mocedá vinculada al partíu Izquierda Asturiana, Mocedá dIzquierda Asturiana (MIAS) pidió ayeri al gobiernu asturianu y a la Conseyería dEducación y Ciencia más fechos reales no que cinca a la presencia de lasignatura de llingua asturiana nos centros educativos. Según la encargada de la Estaya dEnseñu y Cultura de MIAS, Paula Montes Fernández, la conseyería deducación tien la obligación dasegurar la escolarización, en tolos niveles educativos, de lasignatura de llingua asturiana, cuestión que vien siendo incumplía llexislatura tres llexislatura. Pa la responsable de MIAS, esti vergoñosu fechu, del que son culpables los sucesivos gobiernos asturianos, incluyíu esti de la esquierda plural, contrasta con campañes publicitaries que se demuestren dafechamente estériles, llegando al puntu de questi gobiernu anima a les escolines y escolinos a escoyer una asignatura que, en munchísimos casos, non sólo nun sufierta nos centros, sinón que ye vetada directamente por esos propios responsables educativos. Amás sorraya Paula Montes la precaria situación del profesoráu de llingua, que sigue ensin ver reconocíul títulu despecialista en llingua asturiana, pon a los mayestros nuna situación dinestabilidá manifiesta. Si a esto-y axuntamos que la escolarización na educación primaria sigue ensin ser lafayadiza, más que deficiente na educación secundaria obligatoria, algamandol gráu danecdótica nel bachilleratu tenemos que denunciar que, dende la Conseyería dEducación ta vendiéndose fumu y castigando, otra vuelta, al alumnáu a nun poder estudiar la so llingua na so escuela. La portavoz de Mocedá dIzquierda Asturiana aprovechó pa desixir la voluntariedá de lasignatura porque la fórmula actual doptatividá quemplega Educación condena a lasignatura a competir con otres coles que nun tien por qué ser incompatible, polo que, otra vuelta, torna a poner a la llingua asturiana nel requexu de los castigaos.Ye de sentíu común pidir que seya una asignatura voluntaria, onde lalumnáu puea escoyer cursala o non, cenciellamente, ensin rivalizar con otros idiomes, por exemplu. Paula Montes tiénlo claro: que nun nos viendan más fumu: les escolines y escolinos necesitamos fechos visibles, poder escoyer realmente llingua asturiana nos nuesos centros, non anuncios de media páxina na prensa asturiana quescuendan la so nula intención de facer les coses bien, polo que remató esperando que el prósimu cursu esti conflictu, el más importante que carez lescolináu asturianu, seya resueltu duna vegada por toes. 17 de mayu, 2006 0 FacebookTwitterPinterestEmail
Sociedá L’Academia convoca pal 27 de mayu la preba de conocencia by asturnet 17 de mayu, 2006 L’Academia dela Llingua Asturiana tien convocada pal sábadu 27 de Mayu la segunda convocatoria de la preba de conocencia que fai tolos años p’afitar el conocimientu de la llingua con un certificáu a tolos interesaos n’amosar esi conocimientu. 17 de mayu, 2006 0 FacebookTwitterPinterestEmail
Sociedá Concentración n’apoyu a Radio Sele by asturnet 16 de mayu, 2006 La Xunta pola Defensa de la Llingua Asturiana convoca pa esti vienres, día 19 de mayu, una concentración n’apoyu a Radio Sele porque, dende l’añu 1999, nel que se-y retiró la llicencia comercial, depues d’un llargu contenciosu cola alministración nel que’l Tribunal de Xusticia d’Asturies-y dio la razón, sigue ensin tramitase la so llicencia y ensin poder emitir nel dial que-y correspuende. La concentración ta convocada delantre de la Xunta Xeneral del Principáu a les siete la tarde. El contenciosu de Radio Sele cola alministración asturiana remóntase hasta l’añu 1999 cuando se-y retiró la llicencia comercial d’emisión. Depues de cinco años litigando por esa llincencia, nel añu 2004 el Tribunal Superior de Xusticia d’Asturies dio la razón a les pretensiones alegaes por Radio Sele. Pero, sin embargu, cuasi añu y mediu más tarde, esta radio sigue ensin llograr la tramitación de la so llicencia, mentes qu’otra emisora ta emitiendo nel dial que-y correspuende a Radio Sele, valiendose como simple poste repetidor pa la empresa Punto Radio. Por estes razones, la Xunta pola Defensa de la Llingua Asturiana convoca uan concentración d’apoyu a Radio Sele pa esti vienres a les siete la tarde, delantre de les puertes de la Xunta Xeneral del Principáu. 16 de mayu, 2006 0 FacebookTwitterPinterestEmail
Sociedá La Conceyalía de Cultura de Mieres tramitó más de mil espedientes n’asturianu dende 1989 by asturnet 16 de mayu, 2006 La Conceyalía de Cultura del Ayuntamientu de Mieres tien tramitaos más de mil espedientes únicamente n’asturianu dende 1989, según recueye un informe ellaboráu pol director de la Casa la Cultura municipal, Ismael María González Arias. Con estos datos, la conceyala de Cultura, Diana González, defendió “la total normalidá” cola que l’Ayuntamientu vien trabayando cola llingua, “ensin que nunca tuvieremos quexa por esta razón”. Ún de cada cuatro informes de los ellaboraos nel área de Cultura del Ayuntamientu de Mieres ta escritu únicamente n’asturianu, según la conceyala socialista Diana González, “ensin que naide se sintiere discrimináu por esta razón”. Por eso, González considera “absurdo que se quiera aldericar sobre dalgo que nunca nun dio problema”, en referencia a les denuncies feches pol conceyal popular, Jose Juan García, qu’acusó a los socialistes mierenses de “dir contra la Constitución”. 16 de mayu, 2006 0 FacebookTwitterPinterestEmail
Sociedá IX-BA quier qu’Asturies se defina estatutariamente como nacionalidá histórica by asturnet 15 de mayu, 2006 Izquierda Xunida-Bloque por Asturies defende la definición d’Asturies como nacionalidá histórica nel futuru Estatutu d’Autonomía porque estimen qu’esti fechu puede ser determinante pa garantizar el másimu nivel d’autogobiernu pal Principáu. Nel documentu que’l conseyu políticu d’IX aprobó la selmana pasada y qu’agora ta en manes del Bloque por Asturies pa la so redacción defenitiva, el reconocimientu d’Asturies como nacionalidá histórica y la oficialidá del asturianu, son dos de les cuestiones prioritaries de cara a la reforma estatutaria. Jesús Iglesias anunció ayeri que, tal y como taba previsto, la ellaboración d’esti documentu va tar acabada esta selmana pa poder empezar, al finales de mes, les rondes de contactos con organizaciones sociales, empresariales, moces y col movimientu asturianista col envís de que faigan les aportaciones qu’estimen convenientes. Yá qu’en palabres d’Iglesias, “IX reivindica que sía la voluntá de los asturianos la que ponga’l techu másimu competencial”. 15 de mayu, 2006 0 FacebookTwitterPinterestEmail
Sociedá MIAS refuga les xornaes de tauromaquia n’Asturies by asturnet 15 de mayu, 2006 Les Mocedaes d’Izquierda Asturiana (MIAS) amosaron el so esmolecimientu ente les prósimes xornaes de tauromaquia que se van dar nes fiestes de L’Ascensión n’Uvieu, llamentando “l’apoyu que les alministraciones asturianes dan a esti tipu d’actos nos que s’asesinen de manera violenta y gratuita a decenes d’animales”. MIAS considera la importación d’estes actividaes a la cultura asturiana “un intentu de dignificación d’un elementu alóctonu, yá de per se indignu y dañible”, poro propón la tresformación integral y sostenible col ambiente urbanu de les places de toros, “faciendo un apueste poles manifestaciones culturales públiques alternatives, educatives y lúdiques”. Nesi sen, Mocedá d’Izquierda Asturiana va repartir carteles alusivos y va participar nos actos que refugando esta realidá condenable per estes feches tán empezando a organizase. 15 de mayu, 2006 0 FacebookTwitterPinterestEmail
Sociedá Los chigres de Xixón van falar como en casa by asturnet 15 de mayu, 2006 La Oficina Municipal de la Llingua de Xixón va sacar alantre esti branu una nueva campaña de normalización social del asturianu destinada a los establecimientos hosteleros de la ciudá, en collaboración cola Asociación d’Hostelería de Xixón. Baxo’l nome d’ “Equí tas en casa”, la campaña quier que nos chigres, que de por sí son los sitios onde ye normal sentir falar n’asturianu, los menús y la cartelería tamien tea nesta llingua. Un vocabulariu asturianu apropiáu pa esti tipu d’establecimientos, manteles individuales cola imaxe de la campaña, y un paquete de cartelería pa retular los servicios, les puertes y les reserves son dalgunes de les midides que va sacar esta campaña. Pero, ensin duda, lo que más llama l’atención ye un útil CD-ROM, basáu nun programa informáticu col que se va poder diseñar la carta de platos en billingüe. 15 de mayu, 2006 0 FacebookTwitterPinterestEmail
Sociedá El PP de Mieres acusa al PSOE de dir contra la Constitución por presentar informes n’asturianu by asturnet 14 de mayu, 2006 Jose Juan García, conceyal del Partíu Popular de Mieres, acusó al gobiernu local del PSOE de dir “contra la Constitución” porque dalgunos de los informes tecnicos que se debaten na Comisión de Cultura del Ayuntamientu “tán escritos únicamente en bable” y reclama que se traduzan al castellán “porque ye l’idioma oficial y lo lóxico ye que los informes tean na llingua qu’usa tol mundu”. Coincidiendo colos actos de la Selmana de les Lletres Asturianes, l’edil popular quexóse de que dalgunos tecnicos del Ayuntamientu de Mieres presenten los sos informes solo n’asturianu y, anque manifestó nun tar en contra y pidió que los informes foren billingües, García declaró que “nun podemos imponer una llingua a naide o de lo contrario taríemos saltándonos la Constitución. Equí parez que somos más llistos que naide y inoramos que’l castellán ye la nuestra llingua oficial y mandamos los informes escritos sólo en bable”. Sicasí, esti nun ye’l primer choque pola llingua nel conceyu del Caudal, yá qu’hai unos meses, cuando franció’l pactu de Gobiernu PSOE-IX, el PP tamien se quexó de que los indicadores de Mieres tuvieron retulaos sólo n’asturianu. Cosa que dalgunos direxentes socialistes achacaron a los miembros d’IX. 14 de mayu, 2006 0 FacebookTwitterPinterestEmail
Sociedá Xosé Nel Navarro llee n’asturianu la so ponencia nel Congresu del RIDEA by asturnet 14 de mayu, 2006 El pasáu vienres, día 12 de mayu, Xose Nel Navarro tenía previsto lleer una ponencia titulada “La topología local para la Asturias del siglo XXI” dientro del I Congresu d’Estudios Asturianos qu’organizaba’l Real Institutu d’Estudios Asturianos. Tres de la polemica provocada pola negativa del RIDEA a aceptar una ponencia presentada pola filóloga Yolanda Magdalena Montes por tar escrita n’asturianu y ente’l director de la institución, Jose Luis Perez de Castro, Navarro lleó la so ponencia nesta llingua. A lo llargo de la mesma xornada, el catedráticu d’Historia Medieval y moderador d’una de les meses, sorrayó’l papel de Canella, una de les figures remembraes nel Congresu, na recuperación de la llingua asturiana. 14 de mayu, 2006 0 FacebookTwitterPinterestEmail
Sociedá El Franco cellebra les I Xornadas de Toponimia del Eo-Navia by asturnet 13 de mayu, 2006 El Conceyu d’El Franco, en collaboración cola Conseyería de Cultura, Comunicación Social y Turismu del Principáu d’Asturies, va cellebrar ente los díes 19 y 20 de mayu les I Xornadas de Toponimia del Eo-Navia cola fin d’allegar esti procesu de recuperación y oficialización a los vecinos de la zona. Repartíes en dos sesiones que se van cellebrar el vienres 19 de mayu a les cinco y media la tarde y el sábadu 29 de mayu a les once la mañana, nel Salón de Sesiones del Conceyu d’El Franco, les xornaes que lleven por nome «Os nomes dos nosos sitos» van desplicar al travies de conferencies, meses redondes y coloquios el sentíu que tien y na forma na que se fai la recuperación y oficialización de los nomes de llugar tradicionales. Les comunicaciones de les xornaes son les siguientes: Vienres 19 de mayu: 5:30 Presentación de les I Xornadas de Toponimia “Os nomes dos nosos sitos” 6:00 Conferencia de Ramón d’Andres, Xefe de la Oficina de Política Llingüística del Principáu: “A recuperación dos nomes dos sitos y a Xunta de Toponima del Principao” 7:00 Comunicación de María Luisa López Diz, filóloga experta en toponimia: “Como se recoyeron os nomes dos sitos de Grandas de Salime” 7:20 Comunicación de Xesús Pacios, expertu na cultura popular d’Ibias: “A toponimia del conceyo d’Ibias” 7:40 Comunicación de Jose Manuel Perez Fernández, xurista, profesor na Universidá d’Uvieu: “A oficialización da toponimia y os sous efectos xurídicos” 8:00 Mesa Redonda: “Os conceyos y a recuperación dos nomes tradicionales dos sitos” Cola participación de los Alcaldes o representantes de los conceyos del Eo-Navia comprometíos col procesu d’oficialización de la toponimia. Sábadu 20 de mayu 11:00 Conferencia de Xose Miguel Suárez , filólogu, historiador y expertu na toponimia del Eo-Navia: “A toponimia del Eo-Navia: el sou uso popular y a súa recuperación” 12:00 Comunicación de Fernando Álvarez-Balbuena, filólogu y miembru de la Xunta Asesora de Toponimia del Principáu: “Como se recoyen os nomes tradicionales dos sitos” 12:20 Comunicación de Fredo de Carbexe, xeógrafu y expertu en desarrollu local: “Toponimia, identidá cultural y desarrollo rural”. 13:00 Mesa redonda, cola participación de representantes d’Asociaciones Culturales: “A recuperación dos nomes dos nosos sitos y a súa aceptación social” 13 de mayu, 2006 0 FacebookTwitterPinterestEmail