Sociedá Unión Asturianista presenta la so imaxe institucional by asturnet 1 de xunu, 2006 El Centru d’Empreses de la cai Covandonga d’Uvieu sirvió ayeri como marcu de presentación de la imaxe institucional d’Unión Asturianista, la coalición formada polos partíos URAS y PAS ente les prósimes elecciones locales y autonómiques. Unión Asturianista nacía nel pasáu mes de marzu al travies d’un manifiestu nel que Sergio Marques y Xuan Xose Sánchez Vicente, llíderes d’URAS y PAS respectivamente, decidieren marcar una llinia de trabayu conxunta, con una programación común, qu’axuntare a estos dos partíos asturianistes de cara a algamar representación institucional nes prósimes elecciones autonómiques. Manifiestu d’Unión Asturianista 1 de xunu, 2006 0 FacebookTwitterPinterestEmail
Sociedá La Caravana pola Oficialidá llega a Avilés coles mires puestes nel Estatutu d’Autonomía by asturnet 31 de mayu, 2006 El Conceyu Abiertu pola Oficialidá, presentó ayeri la Caravana que percorrerá na mañana del sábadu Aviles, Corvera y Castrillón, reclamando la oficialidá de la llingua na prósima reforma estatutaria. La movilización, que saldrá a les once y media la mañana de Cancienes, completase cola subasta pública a les siete la tarde de les obres d’arte cedíes pa la ocasión por unos sesenta artistes asturianos nel Palaciu de Valdecarzana. Nel actu de presentación, Fernando Ornosa y Rogelio Crespo, portavoz d’esta plataforma qu’axunta a más 170 organizaciones polítiques, sociales y culturales asturianes, manifestaron les sos esperances na prósima reforma del Estatutu d’Autonomía, alvirtiendo de que, de nun oficializase la llingua, ‘el Conceyu Abiertu ta dispuestu a dir a los tribunales de xusticia pa facer valer los derechos de los asturianos’. A les diez y media la nueche, el míticu grupu asturianu Dixebra, comprometíu dende los sos empiezos cola reivindación llingüística, va celebrar tamien los sos venti años de trayectoria cola grabación d’un conciertu en directu na Plaza’l Parche d’Aviles. 31 de mayu, 2006 0 FacebookTwitterPinterestEmail
Sociedá Les mocedaes dIzquierda Asturiana denuncien la precariedá llaboral by asturnet 30 de mayu, 2006 El responsable de Polítiques de Desendolcu de les mocedaes d’Izquierda Asturiana (MIAS), Carlos Fernández, denuncia la falta de políques actives destinaes a xenerar emplegu mozo de calidá aceptable n’Asturies, tachando a los miembros del Gobiernu formáu por PSOE y IX-BA como ‘difícilmente empeorables pa los intereses de la mocedá, dexándonos la emigración como única salida’. L’economista Carlos Fernández Fuente apuntó nes sos declaraciones que ‘col gobiernu de la supuesta izquierda plural a la mocedá nun se nos tan dando mayores alternatives que con otros anteriores, el de la mayoría del PSOE, o’l del lliberalista Sergio Marques’. Ente les estayes más perxudicaes pola política d’Areces, según entiende Carlos Fernández Fuente, tán les qu’afecten al emplegu femenín y mozu. Polo que MIAS denuncia ‘l’altísimu índiz d’esplotación, inestabilidá ya inseguridá llaboral de los pocos mozos y menos moces que fueron a topar trabayu dientro del nuesu país’. 30 de mayu, 2006 0 FacebookTwitterPinterestEmail
Sociedá David Rivas, candidatu d’Andecha Astur a les elecciones del 2007 by asturnet 29 de mayu, 2006 La segundo xornada del Conceyu Nacional d’Andecha Astur, que tuvo llugar el pasáu sábadu día 27 de mayu en Candás, valió p’aprobar les llinies polítiques, mesmo nacionales que municipales, asina como pa elixir la nueva Xunta Executiva del partíu y votar por unanimidá a David Rivas (Xixón, 1957) como candidatu a les elecciones autonómiques del añu 2007. David Rivas (Xixón, 1957) ye Doctor n’Economía y profesor titular d’Estructura Económica na Universidá Autónoma de Madrid, onde pon clases sobre Estructura Económica Mundial y de Desarrollu Sostenible. Miembru de l’Academia de la Llingua Asturiana, fue cofundador del Conceyu d’Asturies en Madrid nel añu 1977. Rivas yá fue candidatu d’Andecha Astur a la presidencia’l gobiernu d’Asturies nos años 1999 y 2003, mesmo qu’al senáu español nel añu 2000. Tamien fue’l candidatu d’Andecha Astur nes elecciones europees del añu 2004, ocupando’l puestu númberu 17 na llista de la coalición Europa de los Pueblos. Nes votaciones tamien salió escoyida la nueva Xunta Executiva d’Andecha Astur, con un 90% de los votos a favor. La nueva executiva que supón un apueste pola mocedá nos cargos de dirección del partíu nacionalista, queda agora compuesta por 16 persones qu’ocupen los siguientes cargos: Secretariu d’Organización: Germán Abad Ayalguera: Carolina Díaz Política Municipal: Olaya García Llingua y Educación: Mª Jesús Varela Estaya Sindical: Octavio Trapiella Medios de Comunicación: Guillermu Fernández Coordinador de la Xunta Nacional: Roberto Holgado Estaya de Mediu Ambiente: Cesar González Estaya de Formación: Carlos Moreno Representante de Darreu: Mariu Arbesú Relaciones Esteriores ya Economía: David Rivas Propaganda: Xaime Florentino Cultura: Xicu Xose Mata Medios Dixitales: Antón Martínez Representante de Carreño: Alberto Fidalgo Representante de Riosa: Violeta Santapaz 29 de mayu, 2006 0 FacebookTwitterPinterestEmail
Sociedá Un Seminariu Internacional analiza en Cerdeña la comunicación nes llingües minoritaries europees by asturnet 28 de mayu, 2006 L’Asturianu, el gallegu, el catalan y l’euskera compartieron col sardu, el corsu, l’occitanu ente otres llingües un “Seminàriu Internatzionale” que col nome de “Linguawebinfo” organizó esta fin de selmana cabera de mayu’l Consòrtziu Universitàriu de Nùgoro en Cerdeña. La situación de la comunicación dixital nestes llingües foi la tema central de les ponencies. El Seminàriu Internatzionale Linguawebinfo foi organizáu pel Consòrtziu Universitàriu de Nùgoro y la Universitat Autónoma de Barcelona, dientro del Master de Tradutzione e Comunicatzione in Limba Sarda que cumple esti añu la so tercera edición. Embaxol subtítulu Sas limbas natzionales e sinformatzione in su mundu de Internet, esti Seminariu Internacional desendolcóse esti sábadu 27 de mayu nel aula Magna de la universidade de Nùgoro dende les nueve de la mañana a les nueve de la nueche. Na sesión de la mañana participaron como ponentes el profesor de la Universidá Carlos III de Madrid y director dAsturnews, Próspero Morán, el profesor de la Universidá del País Vascu, Javier Díaz-noci, y la directora de La Malla.net, Silvia Llombart, que desplicaron a los asistentes la situación de los medios dixitales y de les llingües nes que sescriben nAsturies, Euzkadi y Catalunya. Pela tarde, les llingües sarda, occitana, friuliana, corsa y gallega foron les protagonistes de les esposiciones, cola participación del director de Vieiros.com, Lois Rodríguez. 28 de mayu, 2006 0 FacebookTwitterPinterestEmail
Sociedá SUATEA-STES organiza unes xornaes sobre’l lliderazgu de les muyeres nel sieglu XXI by asturnet 25 de mayu, 2006 La Secretaría de la Muyer del sindicatu d’enseñanza SUATEA-STES organiza pa esti fin de selmana unes xornaes sobre’l lliderazgu de les muyeres nel sieglu XXI. El programa, basáu nuna serie de ponencies y meses redondes, ta centráu nel lliderazgu femenín nel ámbitu políticu-sindical, na so presencia dientro de los movimientos sociales y nel ámbitu intelectual. A les diez de la mañana del sábadu día 27 de mayu, Alicia Poza, responsable de la Organización de Muyeres de la Confederación STES-Intersindical, ya Isabel González, responsable de la Secretaría de la Muyer de SUATEA, van inaugurar les xornaes con una charra sobre la presencia de les muyeres nes instituciones públiques. Tres d’elles, Lidia Falcón, abogada, escritora y fundadora del partíu feminista d’España, fadrá lo propio analizando el “Feminismu, la única política posible pa les muyeres”, mentes que Rosario Fenrnández Hevia, xueza nel Xulgáu de lo Penal nº2 de Xixón, falará sobre “Muyer, Xusticia y Órganos de Gobiernu”. A les cuatro y media de la tarde, Elin Peterson y Raquel Platero van analizar les dificultaes pa l’aplicación del ‘mainstreaming’ de xeneru, al travies de la metodoloxía MAGEEQ, a los que van siguir dos talleres sobre estos trabayos. El domingu día 28, ta previsto qu’a les diez de la mañana Charo Altable y Carmen Sarmiento falen del lliderazgu de les muyeres nos movimientos sociales, faciendo un percorríu hestóricu. Y a les doce, como pieslle d’estes xornaes confederales, va ser la periodista y escritora, Llum Quiñonero, la que lo faiga dende la persepectiva del ámbitu intelectual. 25 de mayu, 2006 0 FacebookTwitterPinterestEmail
Sociedá IX-BA presenta na so propuesta de reforma del Estatutu la oficialidá del asturianu by asturnet 25 de mayu, 2006 Izquierda Xunida y el Bloque por Asturies presentaron ayeri en rueda de prensa la so propuesta de reforma del Estatutu d’Autonomía por considerar que l’actual ye un proyectu ‘agotáu’. Na so propuesta d’Estatutu, la coalición busca un ‘mayor autogobiernu p’Asturies que dexe desarrollar la identidá cultural y llingüística’. Ente les principales piticiones d’IX-BA ta la d’oficializar l’asturianu por ser ‘la llingua propia d’Asturies’, asina como la que quitar la denominación de ‘Principáu’. En plenu procesu de ‘revisión del Estáu’, en palabres de Jesús Iglesias, ‘sedría suicida quedar al marxen d’esta realidá y traicionar esti emplazamientu históricu’. Palacios, portavoz nacional del Bloque por Asturies, recalcó qu’Asturies ‘tien de tener más autogobiernu nel nuevu Estatutu, porque nel vixente la rexón vive nuna permanente frustración, negando la so identidá como pueblu’. El responsable d’IX aseguró que si’l PP quixere participar na reforma, esta podría facese primero de qu’acabe esta llexislatura, y recordó a esti partíu que dirixentes de la so formación política en Baleares van reformar l’Estatutu d’esta autonomía. Tocante a la llingua, IX-BA definen na so propuesta l’asturianu como la llingua propia d’Asturies y como cooficial xunto col castellán, reconociendo’l derechu del ciudadanu al usu de la llingua que-y ye propia. Los representantes de los dos grupos políticos que formen la coalición, manifestaron la so esperanza de que, tanto PSOE como PP, ‘sían racionales’ y ‘tengan col asturianu la mesma postura que tienen les sos formaciones polítiques con otres llingües autonómiques’. 25 de mayu, 2006 0 FacebookTwitterPinterestEmail
Sociedá Les Noticies cumple diez años con un conciertu nel Filarmónica by asturnet 24 de mayu, 2006 El periódicu selmanal Les Noticies cumple diez años d’existencia y por eso quier celebrar la efemeride con un conciertu espectáculu güei a les ocho la tarde nel Teatru Filarmónica d’Uvieu. Nel actu, al que va poder entrase de baldre, van participar dellos de los meyores músicos del país y representativos d’esti últimu deceniu nel panorama musical asturianu, como son Mariluz Cristóbal Caunedo, Carlos Rubiera, Dual, Toli Morilla, Tuenda, Anabel Santiago, Dulcamara y Nacho Vegas. Xunto col conciertu nel Teatru Filarmónica, con motivu del decimu aniversariu, Les Noticies va editar un númberu especial del selmanariu que se va repartir ente tolos asistentes a la gala, amás de distribuise nos quioscos el vienres 26 de mayu. Esti númberu de Les Noticies quier ser un periódicu especial en conteníos y repercusión social, cuntando con más del doble de les páxines habituales, y faciendo repasu a lo que foron estos diez años pa la vida d’Asturies y del mundu, tanto nos aspectos políticos, como nos sociales y culturales. 24 de mayu, 2006 0 FacebookTwitterPinterestEmail
Sociedá Los pastores avisen del incumplimientu del plan de xestión de Mediu Ambiente by asturnet 24 de mayu, 2006 Los pastores de la sierra del Cuera y de Picos allertaron ayeri na Xunta Xeneral del Principáu, ente la Comisión de Derechos del Ciudadanu, del peligru que cuerren dalgunes especies por cuenta de los costantes ataques de los llobos. Amás, fixeron quexa a los diputaos del “incumplimientu del plan de xestión per parte de Mediu Ambiente”, que ta llevando a la “extinción” de races como la oveya xalda y la cabra bermeya, al tiempu que pidieron la programación de batides y el cobru polos daños que carecen. Énte la presencia de los llobos nel espaciu del Cuera, los pastores alvirtieron que la única forma d’arreglar esta situación ye consintiendo les batides nel Plan de Xestión del Llobu. Los ganaderos, per otra parte, aseguraron que “siempre pierden perres” pola diferencia ente la indemnización que reciben y el valor de les reses nel mercáu, ensin cuntar los díes llaborales perdíos “buscando los animales muertos”. 24 de mayu, 2006 0 FacebookTwitterPinterestEmail
Sociedá IAS remembra la soberanía asturiana del 25 de mayu de 1808 by asturnet 23 de mayu, 2006 Izquierda Asturiana (IAS) va celebrar a lo llargo d’estos díes diversos actos conmemorativos del aniversariu de la Revolución del 25 de mayu de 1808, nel que la Xunta Xeneral declaró la soberanía d’Asturies demientres la invasión de los franceses. Amás de la tradicional ofrenda que’l partíu va celebrar mañana, IAS tien organizada una charra del historiador Faustino Zapico asina como la entrega del so primer premiu ’25 de mayu’ a la Coordinadora Ecoloxista d’Asturies (CEA). Esta tarde, va celebrase a les ocho na Sala que’l Conceyu Abiertu tien na Cai La Gascona, 12, Baxu, d’Uvieu, una charra del historiador y miembru de la Dirección Nacional d’IAS, Faustino Zapico, que lleva por títulu ‘La Revolución de mayu de 1808 (o l’aniciu de la historia contemporánea d’Asturies). Per otra parte, la entrega del I Premiu 25 de mayu que la Dirección Nacional d’Izquierda Asturiana decidió que fuere pa la Coordinadora Ecoloxista d’Asturies, va tener llugar el prósimu vienres 26 de mayu, a lo llargo d’una cena a la que va dir el portavoz d’IAS Ignaciu Llope y el miembru de la dirección nacional y historiador Faustino Zapico. 23 de mayu, 2006 0 FacebookTwitterPinterestEmail