Sociedá Felgueroso ye nomada Procuradora Xeneral col votu en blanco d’Izquierda Xunida by asturnet 29 de xunu, 2006 La que fuere conceyala socialista en Xixón, Maria Antonio Fernández Felgueroso, fue nomada ayeri Procueradora Xeneral nel plenu de la Xunta Xeneral colos votos en blanco de los diputaos d’Izquierda Xunida, que buscaben asina l’amosar el so rechazu a un nomamientu que s’afita nun alcuerdu ente la FSA y el PP que supunxo’l debilitamientu del pactu de Gobiernu ente PSOE y IX nes últimes selmanes. L’alcuerdu ente la FSA y el PP que decidió’l nomamientu de Fernández Felgueroso como Procuradora Xeneral y de Noel Zapico como alxuntu a la procueradora, dexó fuera del debate a Izquierda Xunida qu’entendió amenazaes les sos rellaciones colos sos socios de gobiernu, llegando a alverti-y que, tres d’esi pactu, la so formación podía romper la unidá de votu ente les dos fuerces d’izquierdes na Xunta Xeneral. 29 de xunu, 2006 0 FacebookTwitterPinterestEmail
Sociedá Ramón d’Andrés respuende al informe del Conseyu Consultivu pidiendo la oficialidá by asturnet 28 de xunu, 2006 “Si de verdad se defiende los derechos lingüísticos y la supervivencia de nuestro patrimonio lingüístico, la necesidad de la oficialidad es una evidencia. Esta evidencia se vuelve más luminosa cuando uno se acerca a los entresijos político-administrativos desde donde se gestiona la cuestión lingüística.” Con esta contundencia sal esti día a la opinión pública’l Xefe de la Oficina de Política Llingüística, Ramón d’Andrés nun artículu espublizáu nel diariu El Comercio embaxo’l títulu “Un dictamen que no contribuye a ningún consenso”. Ramón d’Andrés espubliza esti artículu en castellán nel diariu El Comercio como rempuesta al informe recién asoleyáu pol Conseyu Consultivu del Principáu d’Asturies sobro la reforma del Estatutu de Autonomía. La gravedá de les referencies del Conseyu a la oficialidá del asturianu manifestóse na intervención pública de un bon garapiellu de organizaciones y asociaciones polítiques y culturales que coincidieron en afitar que ‘traten de crear una alarma social inxustificada resaltando la oposición de dellos sectores a la normalización llingüística y obviando que la mayoría de la ciudadanía apoya abiertamente una reforma qu’incluya la oficialidá’. Ente les organizaciones que dieron una rempuesta rápida y contundente al informe del Conseyu negatible pa cola esistencia mesma de la llingua asturiana alcontrábense IAS, SUATEA, la Xunta Pola Defensa de la Llingua, amás d’Izquieda Xunida-Bloque por Asturies. Agora, el Xefe de la Oficina de Política LLingüística fai un llamamientu a la moderación y critica l’intentu por convertir en radical lo que nun lo ye: “Sin duda, el Consejo Consultivo concibe la lengua asturiana como un incordio. En un alarde de neutralidad, los redactores del documento no dan ninguna credibilidad al hecho de que el asturiano es una lengua, tal como se reconoce en la Ley de Uso y en multitud de disposiciones y normativas del Principado y de otros ámbitos institucionales. Además, se insiste en la condición del asturiano como algo «no pacífico», que genera tensiones políticas y sociales. Se problematiza la cuestión lingüística en todas sus dimensiones, y se diría que el interés en presentar el problema no es para solucionarlo, sino para deshacerse de él. Imagínense ustedes que trasladáramos esto a otro terreno de los derechos civiles: puesto que instituir los derechos de la mujer ha sido problemático, se seguiría que tales derechos son en sí un problema, y habríamos sugerido precavidamente no avanzar nada más, porque tirar por ahí hubiera sido «un matu» de consecuencias imprevisibles”. 28 de xunu, 2006 0 FacebookTwitterPinterestEmail
Sociedá IX escueye a Jesús Iglesias como candidatu a les elecciones del 2007 by asturnet 27 de xunu, 2006 La comisión executiva d’Izquierda Xunida alcordó ayeri que l’actual coordinador xeneral del partíu, Jesús Iglesias, sía’l candidatu de la coalición a la Presidencia del Principáu nes elecciones autonómiques de mayu del 2007, sucediendo asina na cabecera de la llista a Francisco Javier García Valledor, qu’anguaño ye conseyeru de Xusticia, Seguridá Pública y Rellaciones Esteriores del Gobiernu asturianu. La comisión executiva valoró’l llabor fechu por Valledor nesta llexislatura y, pesie a quitalu de la cabeza de la llista, aseguró que va ser “l’apoyu fundamental” pa Iglesias na candidatura. Pela so parte, el Partíu Popular yá designare oficialmente a Ovidio Sánchez como cabeza de les sos llistes, per tercer vez, mentes que la FSA abre güei’l so procesu d’ellaboración de candidatures, anque oficiosamente la dirección federal de los socialistes tien apostao por volver a repitir a Areces como candidatu a la presidencia autonómica. 27 de xunu, 2006 0 FacebookTwitterPinterestEmail
Sociedá Los hosteleros de Xixón falen y traten como en casa by asturnet 22 de xunu, 2006 La Oficina Municipal de la Llingua de Xixón presentó ayeri una nueva campaña de normalización social del asturianu destinada a los establecimientos hosteleros, por ser ésti ún de los factores socioeconómicos más importantes na ciudá. Baxo’l nome d’ “Equí tas en casa”, la campaña cuida la existencia d’una marca diferenciadora qu’asocie’l local cola llingua, y pa ello ufierta-yos a los hosteleros una serie de materiales y ferramientes informátiques que faciliten el so usu nos comercios. Un vocabulariu asturianu apropiáu pa esti tipu d’establecimientos, manteles individuales cola imaxe de la campaña, y un paquete de cartelería pa retular los servicios, les puertes y les reserves, son dalgunos de los materiales que la Oficina Municipal de la Llingua pon a disposición de los locales hosteleros xixoneses. Pero, ensin duda, lo que más llama l’atención ye un útil CD-ROM, basáu nun programa informáticu col que se va poder diseñar la carta de platos personalizada en forma billingüe. 22 de xunu, 2006 0 FacebookTwitterPinterestEmail
Sociedá La Xunta considera que l’informe del Conseyu Consultivu ta llenu de tópicos y prexuicios by asturnet 22 de xunu, 2006 Énte les noticies qu’a lo llargo d’estos díes foron adelantando los medios de comunicación sobre’l conteníu del informe del Conseyu Consultivu sobre la reforma del Estatutu asturianu, la Xunta pola Defensa de la Llingua manifestó públicamente’l so malestar polo qu’esti documentu que tachen de ‘prexuiciosu y faltu d’argumentaciones xurídiques’ trata no tocante a la oficialidá de la llingua asturiana. Nun comunicáu fechu públicu ayeri pola Xunta pola Defensa de la Llingua Asturiana, la organización cívica de defensa de los derechos de los asturianofalantes amosóse más que preocupada poles opiniones vertíes nel informe del Conseyu Consultivu no tocante a la regulación de asturianu nel prósimu Estatutu d’Autonomía. Considerándolu como una ‘coartada del presidente Areces pa xustificar les sos posiciones ideolóxiques’, la XPDLLA llamenta qu’una ‘serie d’opioniones s’amazcaren dientro d’un informe xurídicu’. ‘Un informe d’esti tipu’, sigue’l comunicáu, ‘tien que falar de posibilidaes tecniques, de desarrollos llegales, d’implicaciones xurídiques, pero non de los prexuicios y los mieos que puedan tener les persones que formen el Conseyu Consultivu’. La XPDLLA ve esmolecedor esti informe al qu’acusen de cayer ‘en tópicos tan mansuñaos como que l’asturianu nun tien unidá, como qu’una parte pequeña de la sociedá veríalo como ‘puro artificio’, o dicir, contra la realidá sociollingüística y xurídica del Estáu español, que tien que venir enantes la normalización social pa depues facer la normalización xurídica’. 22 de xunu, 2006 0 FacebookTwitterPinterestEmail
Sociedá SUATEA denuncia la negación de derechos fundamentales per parte del PSOE y el Conseyu Consultivu by asturnet 22 de xunu, 2006 El Sindicatu Unitariu y Autónomu de los Trabayadores de la Educación d’Asturies (SUATEA) acaba de facer públicu un comunicáu col que se suma al abondante númberu de colectivos y persones que nos últimos díes manifestaron el so rechazu al informe ellaboráu pol Conseyu Consultivu sobre la reforma del Estatutu d’Asturies, al qu’acusen de ‘negar dererechos fundamentales de los asturianos’, incumpliendo ‘la llei del asturianu , el Plan de Normalización y la propia Constitución española’ cuando nieguen la oficialidá de la llingua asturiana. Dende SUATEA y STES-i reivindiquen la necesidá de que’l prósimu Estatutu p’Asturies recueya la oficialidá de la llingua asturiana que ‘PSOE y el Conseyu Consultivu nieguen’. ‘El famosu Conseyu Consultivu ta formáu por miembros que siempre tuvieron a la escontra de la oficialidá, por eso ve pilancos pa reconocer la llingua, faciendo papel moyao de la Consitución Española y faciendo valoraciones personales totalmente subxetives sobre esti tema ignorando toles encuestes feches hasta la fecha’, aseguren. Nun comunicáu fechu públicu esta mañana, SUATEA acusó al gobiernu de ‘nun-y temblar la mano en solicitar que seyan cooficiales les llingües del estáu español (gallego, castellano, vasco y catalán, excluyendo al asturianu) na Unión Europea y ser incapaces de reconocer un derechu fundamental n’Asturies incumpliendo la Constitución nel so artículu 3, onde diz que toles demás llingües del Estáu sedrán oficiales nes sos respectives comunidaes’. 22 de xunu, 2006 0 FacebookTwitterPinterestEmail
Sociedá IAS ve ‘ridículu y parcial’ l’informe del Conseyu Consultivu sobre la reforma del Estatutu by asturnet 21 de xunu, 2006 El portavoz d’Izquierda Asturiana (IAS), Ignaciu Llope, calificó de ‘tomadura de pelo delirante’ les primeres informaciones qu’adelanten les conclusiones del informe del Conseyu Consultivu sobre la reforma del Estatutu asturianu. Llope que calificó al organismu como ‘conseyu d’afines a la FSA’, criticó la parcialidá de los tecnicos qu’opinaron sobre aspectos que dependen ‘de decisiones polítiques’. Énte les primeres informaciones qu’adelanten les conclusiones del Conseyu Consultivu al que se-y pidió un informe sobre la prósima reforma del estatutu d’autonomía asturianu, el portavoz d’Izquierda Asturiana (IAS) Ignaciu Llope alvirtió ayeri de qu’ ‘esta ye una más de les tomadures de pelo institucionalizaes coles que’l gobiernu asturianu insulta a la intelixencia de los asturianos y asturianes’ nun procesu que calificó de ‘delirante’. Dende IAS ven ‘ridículo’ ‘l solicitar un informe sobre aspectos que dependen de ‘decisiones estrictamente polítiques ente los que nun esiste la mínima duda sobre la constituicionalidá’ y según Llope, les conclusiones adelantaes d’estes opiniones vienen d’un ‘conseyu d’afines que ratifiquen les tesis defendíes pola FSA sobre lo que ye Asturies’. Pa Llope la opinión de los miembros del Conseyu Consultivu sobre si Asturies debe llamase comunidá, rexón o nacionalidá ‘nun val más que la de cualesquier otru ciudadanu, yá que nun espresa más qu’una opción política’. Y manifestó la gravedá de les referencies del Conseyu a la oficialidá del asturianu yá que ‘traten de crear una alarma social inxustificada resaltando la oposición de dellos sectores a la normalización llingüística y obviando que la mayoría de la ciudadanía apoya abiertamente una reforma qu’incluya la oficialidá’. 21 de xunu, 2006 0 FacebookTwitterPinterestEmail
Sociedá IX espera que cambie la opinión d’Areces sobre la oficialidá de la llingua asturiana by asturnet 21 de xunu, 2006 Depues de qu’Areces refugare nuna entrevista televisiva que’l nuevu Estautu asturianu-y diere calter d’oficial a la llingua asturiana, representantes d’Izquierda Xunida recordaron cómo la so fuerza política yá fizo cambiar d’opinión al presidente del Executivu n’otros temes, poro ‘aspiren a convencer a los socialistes pa qu’acepten la oficialidá del asturianu’. Sicasí, dende IX recordáron-y al presidente asturianu que la llingua asturiana ‘ta condenada a desaparecer si nun se-y da esti reconocimientu llegal’. Nuna entrevista concedida al Canal 10, el presidente del Principáu d’Asturies aseguró que l’actual regulación del asturianu, nel artículu 4 del Estatutu d’Autonomía, ‘va mantenese ensin variaciones sustantives’. Dende los sos socios de gobiernu, Izquierda Xunida, esperen poder cambiar esta actitú de la FSA, como yá ficieren con otros temes, y recordaron qu’estes negociaciones, amás, ‘llevaríense a cabu n’ámbitu parllamentariu y non nel Gobiernu’. IX, que piensa defender los sos plantegamientos ente la reforma estatutaria, ve per otra parte ‘preocupante el fechu de que los socialistes empiecen el debate sobre la base de lo que nun va tener l’Estatutu’. Noemí Martín, portavoz d’IX na Xunta Xeneral, ve un erru ’empezar la reforma dende’l ‘non’, porque da a entender prexuicios nesa materia’. García Valledor, conseyeru de Xusticia y dirixente d’IX, aseguró que nun alcuentra chocante esta postura d’Areces, ‘que yá ye conocida por toos’ y desplicó que les sos aspiraciones pasen per una Asturies ‘ensin complexos, onde se respeten y se valoren los elementos que nos identifiquen como pueblu’. 21 de xunu, 2006 0 FacebookTwitterPinterestEmail
Sociedá Acampallingua, un campamentu de branu n’asturianu by asturnet 19 de xunu, 2006 En viendo la poca ufierta d’actividaes d’ociu pa los más mozos que tengan la llingua asturiana como llingua vehicular, la Xunta pola Defensa de la Llingua Asturiana decidió poner en marcha l’Acampallingua, una propuesta atractiva y diferente que va tener llugar en Villaverde (Villaviciosa) ente los díes 7 y 12 d’agostu. Acampallingua ye un campamentu de branu, abiertu a la participación de mozos y moces a partir de 14 años, nel que toles actividaes van correr a cargu de monitores titulaos n’actividaes de tiempu llibre. El coste ye de 120 € por persona (200 € en casu de ser dos hermanos ó 250 € en casu de ser tres). Nesti preciu inclúinse tolos gastos del campamentu, como ye’l casu del desplazamientu, la comida, l’agospiu, que va ser en tienda de campaña, asina como les actividaes a facer. Los interesaos en participar nel Acampallingua pueden ponese en contactu cola organización llamando a los telefonos 985229553 / 660361399, nos locales de la organización n’Uvieu, o mandando una carta al correu de la Xunta. 19 de xunu, 2006 0 FacebookTwitterPinterestEmail
Sociedá El Conseyu Consultivu entrega’l dictame qu’abre’l procesu de reforma estatutaria by asturnet 19 de xunu, 2006 L’empiezu del procesu de reforma estatutaria, ensin escaecer les prósimes elecciones autonómiques, echó a andar ayeri cola entrega del dictame del Conseyu Consultivu, representáu por Bernardo Fernández, al Executivu rexonal, na persona del presidente del Gobiernu, Vicente Álvarez Areces. Cola entrega na Xunta Xeneral de les propuestes, el Gobiernu abre un procedimientu nel que se fai imprescindible’l consensu col Partíu Popular, qu’ayeri volvió a manifestar tamien la so negativa a participar nesti procesu. El presidente del Principáu, Vincete Álvarez Areces, recibía ayeri de manes del presidente del Conseyu Consultivu, Bernardo Fernández, el dictame sobre la reforma del Estututu d’Autonomía, al tiempu que se negaba a aelantar nada tocante al so conteníu. Respective al proceso que s’abre a partir d’agora, Areces informó de que’l Conseyu Consultivu va debatir esti xueves sobre’l conteníu de la comunicación que se va treslladar a la Xunta Xeneral antes de que termine esti mes. Momentu esi, nel que la reforma queda en manes del Parlamentu asturianu. El presidente del Gobiernu asturianu volvía ayeri a insistir na necesidá de participación nesti procesu de los miembros del Partíu Popular, al tiempu que los populares volvíen a negase a facelo. Sicasí, poniendo qu’esta situación cambiare hai que siñalar que’l Principáu yá anda nos plazos llímites pa facer la reforma, si tenemos en cuenta de que les elecciones autonómiques van ser en 2007. 19 de xunu, 2006 0 FacebookTwitterPinterestEmail