Sociedá Xulguen a 6 militantes de la Xunta pola Defensa de la Llingua por pidir la Oficialidá by asturnet 26 de xunetu, 2006 L’aición vindicativa, pola que van ser xulgaos, fízose’l 16 de xunu na inauguración del Centru de Salú de Llugones qu’inauguraba’l presidente Areces. La “pita” y dellos miembros de la organización de defensa de los derechos llingüísticos entamaron a reclamar la oficialidá cuando fueron reteníos durante una hora poles fuerces de seguridá estatales, pa facer la identificación de los militantes. La Xunta diz que “si al presidente Areces-y molesta que les crítiques tresciendan a la opinión pública, la via pa evitales nun ta na criminalización sinon na corrección de la política de marxinación llingüística que ta llevando alantre’l so gobiernu” La Xunta “quier denunciar questes actuaciones son contraries al exerciciu del derechu a la llibertá despresión y a la crítica política. Ye evidente questo, quen distintos graos llevamos careciendo dende va muncho tiempu, namás persigue callar les voces crítiques cola xestión desti gobiernu”. La Xunta pola Defensa de la Llingua afirma que pela vía xudicial nun van abandonar la denuncia pública de la situación de “marxinación y falta de derechos que carez la llingua asturiana y les persones falantes d’asturianu” Los militantes encausaos “van cuntar cola solidariedá y sofitu de la organización”. Más información en Xunta pola Defensa de la Llingu Asturiana 26 de xunetu, 2006 0 FacebookTwitterPinterestEmail
Sociedá MIAS celebra la so primer Asamblea Xeneral by asturnet 26 de xunetu, 2006 L’asamblea de la Mocedá d’Izquierda Asturiana fadráse’ sábadu 29 de xunetu “depués d’una riestra de cambeos de calter cualitativu y cuantitativu”. L’Asamblea tien por oxetivu fixar les llínies d’actuación política de la organización xuvenil nacionalista asina como elixir a la so Dirección Nacional. Na Asamblea Xeneral, presentaránse ponencies sobre “los temes más importantes de la política que Mocedá dIzquierda Asturiana vien desendolcando”. Tamién va haber espaciu pa les propuestes preelectorales de mocedá y pa la estratexa dimplantación y espardimientu de MIAS. Otramanera, va fundase un órganu de representación que vien a dar respuesta a les necesidaes organizatives que surden col incrementu de la militancia. Van escoyese, asinamesmo, les persones quocuparán los puestos nesa Dirección Nacional pensada paxilizar les xestiones quafecten a los temes más cotidianos de la organización. 26 de xunetu, 2006 0 FacebookTwitterPinterestEmail
Sociedá Izquierda Asturiana propón un alcuerdu electoral pal 2007 by asturnet 25 de xunetu, 2006 IAs ya tien aconceyao con Andecha Astur, Los Verdes d’Asturies, asina como con grupos asturianistes locales ya indepependientes. Nuna nota de prensa Izquierda Asturiana anunció que dende hai unes selmanes ta manteniendo conversaciones con diferentes grupos políticos y colectivos cola fin de treslladar la propuesta de la so Dirección Nacional de “trabayar na construcción d’una izquierda unitaria pa les elecciones municipales y autonómiques de 2007″ La propuesta d’IAS básase n'”ufrir una alternativa electoral d’izquierdes, ecoloxista y asturianista que dea rempuesta con posiblidaes electorales a l’actual parálisis y estáu de les coses que mos llevó al gobiernu de coalición de PSOE ya IU-BA”. El marcu de negociación que ta proponiendo Izquierda Asturiana a los sos interllocutores ye: 1)La negociación d’un programa ellectoral común. 2)La búsqueda d’un nome común pa la candidatura. 3)L’alcuerdu d’un cabeza de llista. Izquierda Asturiana “alcuéntrase nun procesu de conversaciones que puedan cuayar nun breve plazu nuna alternativa real ya ilusionante”. Noticies relacionaes La Xunta Executiva d’Andecha Astur confirma negociaciones con Izquierda Asturiana. Andecha mantién contactos electorales cola Mesa por la Unidad de Los Verdes IAS estudia candidatos y posibles alcuerdos de cara a les elecciones del 2007 25 de xunetu, 2006 0 FacebookTwitterPinterestEmail
Sociedá L.Lena súmase dende güei a los conceyos que tienen iguaos oficialmente los sos topónimoc by asturnet 25 de xunetu, 2006 25 de xunetu, 2006 0 FacebookTwitterPinterestEmail
Sociedá Jesús Iglesias calificó les declaraciones del secretariu d’organización de la FSA como “faltes de sentíu” by asturnet 24 de xunetu, 2006 El secretariu xeneral d’Izquierda Xunida d’Asturies considera que la intención de crear una dicotomía ente la Oficialidá y la xestión de puertos y aeropuertos ye una posición al marxe de toda lóxica. Pal llider d’IX la Oficialidá ye “irrenunciable” nel ámbitu de la reforma estatutaria, como tamién lo ye avanzar nos niveles d’autogobiernu. Laura González, Conseyera de Vivienda y Bienestar Social, afirmó esti domingu, n’entrevista a La Nueva España, que “ta segura de que se puede algamar una fórmula d’alcuerdu que permita l’algame de la oficialidá” diciendo qu’ensín el máximu estatus xurídicu l’asturianu desparecía en venti años El Conseyeru de Xusticia, Francisco Javier García Valledor, falando sobre les declaraciones de Gutiérrez dixo que la FSA “entá mantién una visión acomplexada d’Asturies”. Izquierda Xunida considera necesario qu’esta reforma estatutaria valga pa “profundizar democraticamente” Asturies iguando aspectos “como los tocantes a la eleción del presidente, circunscripciones electorales o financiación del país”. Jesús Iglesias insistió en que “si nun s’aprovecha esti momentu pa recoyer la oficialidá del asturianu Asturies volvería a ser la escepción d’ente les comunidaes autónomes”. 24 de xunetu, 2006 0 FacebookTwitterPinterestEmail
Sociedá El 38,5% de la población de los conceyos del cordal llionés quier tar con Asturies. by asturnet 24 de xunetu, 2006 L’Estudiu Sociollingüísticu de Lleón fechu por Xoxé Antón González Riaño y Xosé Lluís García Arias desprende estos resultaos, algamaos d’una amuesa de 400 persones de los conceyos del norte del país Lleonés. A la entruga “¿quier una autonomía conxunta con Asturies? el 38,5% respondió afirmativamente quedando en segundu llugar la opción de sólo con Lleón, 28,3%, y un 21,5% optando pola continuidá de l’autonomía Castellano-Lleonesa. Los autores del Estudiu Sociollingüísticu de Lleón afirmen la inesistencia d’intenciones polítiques “Establecemos conclusiones, nun opinamos nin aconseyamos”. L’Estudiu asoleyóse a los representantes políticos de Lleón teniendo una “perbona acoyida”. Otru de los puntos a destacar del Estudiu ye’l fuerte sentimientu d’afinidá con Asturies de la ciudadanía del norte de Lleón. Asina un 72,8% siéntese más prósimu a Asturies y los asturianos que a los castellanos. Esto esplíquen González Riaño y García Arias debese a “la proximidá xeográfica, contactu humanu y los llazos históricos y culturales” L’Estudiu Sociollingüísticu de Lleón ta editáu pola Academia de la Llingua Asturiana 24 de xunetu, 2006 0 FacebookTwitterPinterestEmail
Sociedá Sigue abiertu’l plazu pal Acampallingua by asturnet 23 de xunetu, 2006 El primer campamentu xuvenil n’asturianu, organizáu por Xunta Moza, desenvolveráse dende’l 7 hasta’l 12 d’agostu en Villaverde (Villaviciosa), como yá informara ASTURNEWS. El plazu pa inscribise acaba’l día 28 de xunetu. Ente les actividaes que se van facer hai rutes a caballu, travesíes en canoa, visites guiades culturales, talleres de cocina, de radio y de xuegos tradicionales. La organización del Acampallingua y de toles actividaes van correr a cargu de monitores titulaos y titulaes nactividaes de tiempu llibre. El precio del acampallingua son 120, habiendo precios especiales pa hermanos. Les inscripciones pueden facese contactando con Xunta Moza nel teléfonu 660361399, na web de l’asociación exunta.org o nel chigre La Casa Posafuelles (Cuesta La Vega 10-Uviéu). Xunta Moza ye l’aria de mocedá de la Xunta pola Defensa de la Llingua, desenvuelve les sos actividaes nel ámbitu de la normalización, promoción y denuncia de la situación del asturianu ente la mocedá asturiano. 23 de xunetu, 2006 0 FacebookTwitterPinterestEmail
Sociedá Jesús Gutiérrez diz que “nin la llingua nin la identidá son prioritaries” by asturnet 23 de xunetu, 2006 El secretariu d’organización de la Federación Socialista Asturiana afirmó nuna entrevista d’El Comercio que nin la llingua asturiana nin la identidá del país “van ser prioridaes del nuevu estatutu d’autonomía” pa la FSA. Pa Gutiérrez les nueves competencies han ser les prioridaes de la prósima reforma estatutaria. Énte les nueves competencies que cita habría incluyir na reforma alcuéntranse la xestión de les cuenques fluviales asturianes, la xestión d’aeropuertos y la xestión de los puertos marítimos. Gutiérrez considera que nel pactu de gobiernu los tres grupos políticos “coinciden nun altu porcentaxe en temes xenerales, pero tamién tenemos visiones diferentes en delles cuestiones, como l’asturianu”. Retrucando a si sería un llastre qu’Asturies fuere la última n’entamar la reforma estaturia Gutiérrez retrucó “qu’Asturies entovía ta en condiciones d’ocupar un vagón na parte media del tren. Ocupar la última posición sedría menos bono pa la rexón”. 23 de xunetu, 2006 0 FacebookTwitterPinterestEmail
Sociedá MIAS posicionase énte un “nuevu insultu” del presidente Areces a la mocedá asturiano by asturnet 20 de xunetu, 2006 La Mocedá d’Izquierda Asturiana dexixe-y a Areces “menos insultos y mentires y más fechos y propuestes series” Les últimes declaraciones del presidente asturianu afitando que “la mocedá dAsturies emigra porque la so cualificación ye meyor a les dotres comunidaes autónomes son calificaos dende la organización xuvenil de la izquierda asturiana como insultos y mentires desixendo MIAS “más fechos y propuestes series”. Pal portavoz nacional de MIAS, Carlos Suari Rodrigue, “esti fechu constitúi, una vegada más, un insultu per parte del presidente asturianu, que tornó a desmentir léxodu de miles de moces y mozos asturianes y asturianos cada añu a la gueta dun trabayu dignu. Suari diz que “esti gobiernu de la esquierda plural non solo nun foi quién a desendolcar midíes afayadices pa evitar la emigración forciada de la mocedá sinon que tracamundia datos pa xustificase y engañar a la sociedá asturiana fechu quel portavoz de MIAS topa gravísimu anque afita que nun son a engañar a naide, porque toes y toos conocemos bayura de casos de mocedá titulao que nun ye a topar un emplegu acordies cola so capacitación nesti País. Nesti sen, Carlos Suari quixo apuntar que les declaraciones una tres dotra del presidente Areces nun fain más quaumentar la indignación y lenfadu de les families asturianes que ven colar a les sos fíes y fíos acullá de les nueses llendes. Carlos Suari Rodrigue demandó una política seria demplegu onde sigüe la problemática de la emigración de la mocedá asturiano, ún de tantos fechos sangrinos que tamos padeciendo con estos malgobernantes, polo que desixó menos insultos y mentires y más fechos y propuestes series pa rematar con un ¡Yá ta bien dagresiones, Sr. Areces!. El presidente asturianu fizo unes declaraciones nes qu’afirmaba que “la bona formación de la mocedá asturiano facilitaba que fuera demandada pa trabayar n’otres comunidaes autónomes” asina mesmo reconocío que los planes de trabayu pa la mocedá titulao nun diben solucionar l’éxodu xuvenil. 20 de xunetu, 2006 0 FacebookTwitterPinterestEmail
Sociedá La Xunta Executiva d’Andecha Astur confirma negociaciones con Izquierda Asturiana. by asturnet 20 de xunetu, 2006 La Xunta Executiva d’Andecha emitió un comunicáu de prensa nel qu’aclaren les informaciones proporcionaes pola Mesa por la Unidad de los Verdes, asina como confirmen un procesu d’averamientu con Izquierda Asturiana cola fin d’algamar un alcuerdu electoral pa les elecciones de 2007. Andecha considera que ye prioritario algamar esti alcuerdu, siguiendo la llinia que marcara’l so últimu Conceyu Nacional. Sobre les negociaciones cola Mesa pola Unidá de los Verdes la Xunta Executiva alcuéntrase esperando pola resolución de la Xunta Nacional. La organización nacionalista Andecha Astur afita qu’anguaño nun entamó nenguna negociación col grupu “Los Verdes”. 20 de xunetu, 2006 0 FacebookTwitterPinterestEmail