Sociedá L’Academia propón la denominación Eonaviegu pa la llingua d’Entrambasauguas by asturnet 20 de payares, 2006 L’Academia de la Llingua Asturiana presentó’l so “Informe sobre la fala o gallego-asturianu” el vienres pasáu en Navia. Durante la presentación Ana Cano, Presidenta de l’Academia de la Llingua, propunso la denominación Eonaviego pa esta llingua. La propuesta académica provién del resultáu de les diferentes encuestes sociollingüístiques, nes que los nomes referíos pa la llingua de la fastera más occidental del país “nún 98% de los casos, los encuestaos, proponendenominaciones diferentes al gallegu” dixo Ana Cano. La presentación del Informe Académicu valió, tamién, pa que l’Academia diera anuncia de la próxima normativa llingüística pal Navia-Eo que s’asoleyará enantes de fin d’añu. Durante l’actu Ana Cano reiteró na esixencia de l’Academia de que na próxima reforma del Estatutu d’Autonomía la llingua del Navia-Eo figure como llingua oficial dientro del so ámbitu, asina como la llingua asturiana nel territoriu asturianu. Noticia relacionada 20 de payares, 2006 0 FacebookTwitterPinterestEmail
Sociedá Más de 10 mil persones piden nes cais d’Uviéu la oficialidá by asturnet 19 de payares, 2006 Más de 10 mil persones, sigún los convocantes, y 6 mil persones, sigún la policía local, axuntárones esti sábadu 18 de payares nUviéu respondiendo a la convocatoria del Conceyu Abiertu Pola Oficialidá pa reclamar la Oficialidá de la Llingua Asturiana nel Estatutu dAutonomía dAsturies. Una improvisada banda de gaites protagonizó la xornada nuna manifestación nocherniega, quentamó a les 18:30 de la tardi dende la Estación del Norte de Renfe. El Conceyu Abiertu pola Oficialidá convocól sábdu a la ciudadanía asturiana baxo’l lema “Na reforma del estatutu l’asturianu llingua oficial” y llogró una importante presencia de manifestantes nuna xornada quamenazó cola lluvia tol día, anque a lo postrero desendolcóse nuna tarde típica de la seronda más bona. La primbera pancarta de la manifestación llevaronla representantes de la sociedá civil asturiana como José Ramón Sariego, de l’Asociación de vecinos de Pumarín, Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora, o lescritor Xuan Bello. La segunda pancarta del cortexu portábenla representantes de los diferentes partíos, sindicales y organizaciones que componen el Conceyu Abiertu pola Oficialidá, colos representantes dIzquierda Xunida, Francisco Javier García Valledor y Jesús Iglesias, y el representante del Bloque por Asturies, Rafael Palacios, no cimero de la mesma. Per delantre de les pancartes del Conceyu Abiertu pola Oficialidá más de venti bandes de gaites y 200 gaiteros daben pasu al cortexu cívicu que percorrió les cais de la capital del país esixendo los sos derechos llingüísticos. La manifestación concluyó na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleía’l manifiestu del CAO pa dar pasu a un conciertu final nel que tocaben Santi Caleya, Carlos Rubiera y Los Gatos del Fornu. 19 de payares, 2006 0 FacebookTwitterPinterestEmail
Sociedá La sociedá civil pola oficialidá. El CAO convoca a la ciudadanía a participar na Manifestación del 18 de payares by asturnet 17 de payares, 2006 El Conceyu Abiertu pola Oficialidá convocó ayer a la ciudadanía asturiana a participar na manifestación del 18 de payares. La manifestación entamará a les 18 hores na estación del Norte d’Uviéu, Renfe, baxo’l lema “Na reforma del estatutu l’asturianu llingua oficial”. Fernando Ornosa, portavoz del Conceyu Abiertu pola Oficialidá, acompañáu por Luís Arias Argüelles Meres y Francisco Javier Fernández Conde anunciaron la convocatoria de la manifestación. Les empreses que s’anunciaron nel portfoliu del Conceyu Abiertu collaboren económicamente colos gastos de la convocatoria. La primbera pancarta de la manifestación llevaránla representantes de la sociedá civil asturiana na que van tar ente otres persones: Amelia Valcárcel Bernaldo de Quirós, miembra del Conseyu d’Estáu; José Ramón Sariego, de l’Asociación de vecinos de Pumarín, Uviéu; Toño Velázquez, entrenador del Real Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora. La segunda pancarta del cortexu llevaránla representantes de los diferentes partíos, sindicales y organizaciones que componen el Conceyu Abiertu pola Oficialidá. Darréu les pancartes del Conceyu Abiertu pola Oficialidá más de venti bandes de gaites y 200 gaiteros darán pasu al restu del cortexu cívicu que recorrerá les cais de la capital del país esixendo los sos derechos llingüísticos. La manifestación concluirá na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleerá’l manifiestu del CAO pa dar pasu a un conciertu final nel que tocarán Santi Caleya, Carlos Rubiera y Los Gatos del Fornu. El portavoz del Conceyu Abiertu pola Oficialidá, Fernando Ornosa, fizo un llamáu d’atención a los partíos políticos mayoritarios, PSOE-FSA y PP, pa que nos sos programes electorales afiten un marcu llegal pal asturianu, y pal gallego-asturianu, de mou que s’abran les puertes a la oficialidá na próxima reforma del Estatutu. Fernando Ornosa volvió ufrir la oferta de diálogu del Conceyu Abiertu pola Oficialidá a los llíderes de los partíos políticos con representación parlamentaria pa “iguar la llaceriosa situación de los derechos llingüísticos de los y les asturianes”. L’escritor, profesor y articulista Luis Arias Argüelles-Meres presentóse como un ciudadanu ensin vinculación con nenguna plataforma política, sindical o de cualesquier otra triba que nagua pola reconocencia de los derechos llingüísticos de la población asturiana. P’Argüelles Meres el derechu a emplegar l’asturianu ha ser reconocíu como un derechu cívicu. Luis Arias Argüelles-Meres fizo un llamáu a emplegar les diferentes canales d’información como elementos normalizadores del usu de la llingua. P’Argüelles-Meres el problema llingüísticu ye un bon exemplu de la “incapacidá d’esta tierra pa resolver los sos problemes”. Francisco Javier Fernández Conde, catedráticu d’Historia Medieval y Académicu de la Llingua Asturiana dixo sintir “pena ente la terquedá de la clas política asturiana” que viendo morrer a la llingua asturiana negábase a atender les demandes ciudadanes pa la so salvación. El Catedráticu afirmó que los intentos de diálogu colos políticos asturianos, sobre la cuestión llingüística, yeren similares a tar “falando con una paré”. Pa Fernández Conde la cuestión llingüística ye un compromisu cola tierra, dalgo intimamente xuníu al futuru de la esistencia d’Asturies nel mundu de la globalización. El catedráticu realizó paralelismos ente les diferentes llingües mayes, y los pueblos, d’América llatina y la situación llegal del asturianu, mientres que les llingües mayes son consideraes oficiales n’Asturies l’asturianu nun tien esa consideración. Pa finar dixo que “ensin oficialida, la llingua asturiana ta condenada a morrer”. 17 de payares, 2006 0 FacebookTwitterPinterestEmail
Sociedá Naciu Varillas, Miguel Rojo y Pepe Monteserín, Premios de la Crítica d’Asturias 2005. Gonzalo Suárez Premiu de les Lletres d’Asturies 2006. by asturnet 17 de payares, 2006 L’Asociación d’Escritores d’Asturies dio a conocer la I edición del Premiu de les Lletres d’Asturies y la VII edición de los Premios de la Crítica d’Asturies. Los premios otorgaos n’asturianu fueron pal escritor Naciu Varillas algamó’l premiu de la crítica na categoría de narrativa pola so primber novela “Carretera ensin barru”, Miguel Rojo’l premiu de la crítica en poesía pol poemariu “Llaberintos” y Pepe Monteserín na modalidá de lliteratura infantil y xuvenil por “Ensin párpagos”. Mientres na modalidá castellana l’escritor uvieín Gonzalo Suárez algamó’l I premiu de les Lletres d’Asturies pola so dedicación constante a la lliteratura, ente los otros premiaos figuren Ricardo Menéndez Salmón algamó’l Premiu de la Crítica d’Asturies na modalidá de Narrativa pol so llibru “Caballos azúles”, Francisco Álvarez Velasco algamó’l galardón na modalidá de poesía, Carmen Gómez Ojea col so trabayu “Bailaremos en el rio” algamó’l premiu na categoría de lliteratura infantil y xuvenil. Na categoría de columnismu lliterariu Paco Orejas algamó’l Premiu de la Crítica polos sos artículos Naciu Varillas recibió’l Premiu de la Asociación d’Escritures de Narrativa n’asturianu pola so primber novela “Carretera ensin barru”. El xuráu destacó qu’esta ye una novela ambiciosa que retrata “maxistralmente” aspectos de la realidá social asturiana con un llinguaxe cenciellu pero rico. Asina mesmo’l xuráu valoró, tamién, el riesgu de la so estructura al entremecer “cuentos” col restu de la trama. El premiu de la crítica en poesía foi pa Miguel Rojo col so poemariu Llaberintos. Nélli, el xuráu destacó la so coherencia constructiva, la so madurez y trabazón poético amás de lo ambiciosu del poemariu. Na modalidá de llieteratura infantil y xuvenil Pepe Monteserín col so llibru “Ensin párpagos”, d’esti trabayu’l xuráu destacó la orixinalidá nel tratamientu mitolóxicu del cuelebre, l’adptación d’una lleenda sobre esti personaxe mitolóxicu, d’una forma maxistral a un discursu actual y con unes ilustraciones perafayadices al testu. 17 de payares, 2006 0 FacebookTwitterPinterestEmail
Sociedá Xeira premia “Tempo de dolor” d’Aurora Bermúdez by asturnet 17 de payares, 2006 Autora Bermúdez algamó’l XVI premiu de narraciones curties en gallego-asturianu de l’asociación cultural Xeira El xuráu de la XVI edición del Premiu de narraciones curties de Xeira concendio-y’l premiu a Aurora Bermúdez pol so trabayu “Tempo de dolor”. El xuráu taba compuestu por Manuel García Galano, Rafael Cascudo Noceda, Alfredo González Fernández y José Manuel Martínez Castro, como secretaría del Xuráu exerció Maria José Fraga. El Premiu Xeira de narraciones curties nació en 1991, periodu nel qu’entama a funcionar l’asociación. Esti Premiu empobíanse a sofitar y promocionar l’usu lliterariu del gallego-asturianu. 17 de payares, 2006 0 FacebookTwitterPinterestEmail
Sociedá El Foru Arte Ciudá convoca a los artistes asturianos a participar na manifestación del Conceyu Abiertu pola Oficialidá by asturnet 17 de payares, 2006 El coordinador del Foru Arte Ciudá, Anxel Nava, fizo un llamáu a los artistes asturianos pa participar na manifestación del Conceyu Abiertu pola Oficialidá. El Foru Arte Ciudá llevará una pancarta col lema “Les artes d’Asturies pola Oficialidá”. 17 de payares, 2006 0 FacebookTwitterPinterestEmail
Sociedá La Xunta Nacional d’Andecha Astur decidió sofitar la manifestación del CAO by asturnet 15 de payares, 2006 La Xunta Nacional de la organización nacionalista decidió sofitar la manifestación convocada pol Conceyu Abiertu pola Oficialidá pa esti 18 de payares. La Xunta Nacional d’Andecha anunció que la so participación sedrá respetuosa colos convocantes, Andecha nun ye integrante del CAO, al tiempu que crítica. Pa la Xunta Nacional d’Andecha Astur la presencia d’Izquierda Xunida “fuerza responsable de que nun haya oficialidá” tien la intención de “rentabilizar” electoralmente, asina como “apoderase” del movimientu pola oficialidá de la llingua. Amás d’esta crítica a la presencia d’IX axúntase la de la disconformidá de la Xunta Nacional d’Andecha a que la fala seya considerada como una “nueva llingua y non como una variedá llingüística del asturianu”. La Xunta Nacional d’Andecha, “sofita y pide la participación crítica” na manifestación pola oficialidá del sábadu 18 de payares. 15 de payares, 2006 0 FacebookTwitterPinterestEmail
Sociedá Presentación del Informe sobre’l Navia-Eo de l’Academia de la Llingua en Navia by asturnet 15 de payares, 2006 Esti vienres 17 de payares, a les 19,30 hores, la sala d’usos múltiples de la Biblioteca de Navia, L’Academia de la Llingua Asturiana va presentar presentará al profesoráu que realizan el so llabor nel estremu occidental del país, el documentu “Informe sobre la fala o gallego-asturianu. Una perspectiva hestórica, social y llingüística”.Na presentación tarán presentes la presidenta de l’Academia, Ana Cano, y l’encargáu de la Secretaría Llingüística del NAvia-Eo, Xosé Antón González Riaño. La entrada ye llibre y tolos asistentes recibirán un exemplar del informe. 15 de payares, 2006 0 FacebookTwitterPinterestEmail
Sociedá Preséntase l’asociación cultural N’ast by asturnet 14 de payares, 2006 L’asociación N’ast tien por oxetu “la defensa de los derechos democráticos de los asturianos en materia llingüística, cola oficialidá de la llingua d’Asturies y el rechazu a la segregación llingüística del occidente asturianu”. “N’ast” ye una organización presidida por Xabel de Cea Gutiérrez, que ye tamién miembru de l’Asociación Cultural “El Tueru” de Llanes. L’asociación, de recien creación, diz llamentar “fonderamente nun poder amestase a la convocatoria del Conceyu Abiertu pola Oficialidá” al considerar “inaceptable” la presencia d’Izquierda Xunida ente los convocantes. Asina mesmo, esta asociación, critica la posición del CAO en cuantes al gallego-asturianu, que consideren segregacionista pa col asturianu”, nesti sen l’asociación de De Cea diz sofitar a les persones qu’asistan “individualmente” a la manifestación del Conseyu Abiertu pola Oficialidá. 14 de payares, 2006 0 FacebookTwitterPinterestEmail
Sociedá Izquierda Asturiana ruempe les conversaciones con Los Verdes by asturnet 13 de payares, 2006 La formación de la izquierda asturianista denuncia’l “doble discursu d’IX” que diz poner condiciones “irrenunciables” pa formar gobiernu col PSOE al tiempu qu’ufre a Los Verdes puestos y cargos nel gobiernu. La Dirección nacional d’Izquierda Asturiana, qu’aconceyara n’Uviéu esti vienres, trató’l procesu de conversaciones con Andecha Astur y Los Verdes d’Asturies empobinaes a algamar un alcuerdu electoral pa les elecciones autonómiques y municipales. Nesti conceyu Izquierda Asturiana tomó’l determín de dar por rotes les conversaciones con Los Verdes d’Asturies (LVA), “yá qu’esti partíu ta negociando un alcuerdu electoral con IU-BA”. Sobre esti alcuerdu que se ta negociando la Dirección Nacional d’IAS afirma que se tán negociando los puestos qu’Izquierda Xunida va a ufrir nel “nuevu gobiernu de colación col PSOE que tien pensao formar”. Ente eses condiciones la Dirección nacional d’IAS camienta que “nun ye creible tar negociando la construcción d’un polu alternativu a les polítiques del actual gobiernu y al mesmu tiempu negociar la participación, anque seya les migayes, nesi mesmu gobiernu”. La Dirección d’Izquierda Asturiana volvió sorrayar la “hipocresia” d’Izquierda Xunida, “yá qu’esta formación vuelve a falar, como va cuatro años, de condiciones irrenunciables pa reeditar la coalición col PSOE”. IAS denuncia que la voluntá rial d’Izquierda Xunida ye “volver a formar parte del gobiernu” con independencia de les condiciones del mesmu. Nel comunicáu recibíu n’ASTURNEWS la Dirección Nacional d’IAS perafítase na necesidá d’una candidatura unitaria de la esquierda verde y asturianista que trascienda les llendes de les organizaciones polítiques que la conformen. Esti mes IAS cellebrará’l so VII Alcuentru Nacional nel que la militancia de la organización algamará la decisión definitiva sobre les elecciones. 13 de payares, 2006 0 FacebookTwitterPinterestEmail