Sociedá La portavoz d’IX Noemí Martín pide informes del Primer Plan de Normalización del Asturianu enantes d’entamar un segundu by asturnet 4 d'ochobre, 2007 La diputada d’IX-BA-LV nel Parlamentu Asturianu, Noemí Martín, foi la encargada de defender nel Alderique d’orientación política d’esta selmana nel Parlamentu asturianu les 18 propuetes de resolución de la so agrupación, y na so primer intervención na mañana del xueves insistió na necesidá de que se faiga un informe al Parlamentu de los resultaos del Primer Plan de Normalización del Asturianu- La diputada d’IX-BA-LV dexó nidio qu’entá queden aiciones ensin cumplir d’esi Primer Plan de la lexislatura pasada y dixo que nun yera momentu de plantegar un Segundu Plan, como albidraba qu’insinuó Areces nel so discursu del día anterior. 4 d'ochobre, 2007 0 FacebookTwitterPinterestEmail
Sociedá Concentración pola oficialidá a les 11:30 na Xunta Xeneral by asturnet 4 d'ochobre, 2007 La concentración lleval lema Na Reforma lEstatutu, LAsturianu Llingua Oficial y va facese a les 11:30 desti vienres 5 dochobre delantre de la Xunta Xeneral, na cai Fruela dUviéu, pa lo que la organización convocante pide lasistencia de tolos asturianos esmolecíos cola situación del so idioma. 4 d'ochobre, 2007 0 FacebookTwitterPinterestEmail
Sociedá El XIV Premiu Juan Angel Rubio Ballesteros va distinguir la defensa de los derechos humanos by asturnet 3 d'ochobre, 2007 Entamó’l plazu de presentación de candidatures pal XIV Premiu Juan Angel Rubio Ballesteros organizñau pola Sociedá Cultural Xixonesa. El gallardón premia añalmente a persones o collectivos que hayan defendido notablemente el respetu a los derchos humanos y la igualdá. El plazu de presentación de candidatures va tar abiertu hasta 10 d’avientu, esi día el xuráu tomará una decisión que se va asoleyar publicamente’l 14 d’avientu durante la cená añal de la sociedá. 3 d'ochobre, 2007 0 FacebookTwitterPinterestEmail
Sociedá La XPDLA emite un comunicáu por mor de la concentración d’esti vienres by asturnet 3 d'ochobre, 2007 El vienres 5 dochobre, a les 11:30 hores, miembros de la Xunta pola Defensa de la Llingua Asturiana van concentrase ente la Xunta Xeneral pa recordar de manera simbólica la única reivindicación de tipu cultural que los partíos políticos mayoritarios, PSOE y PP, nun supieron nin quixeron resolver nestos últimos trenta años: el reconocimientu del asturianu como llingua oficial. Faise la concentración porque esa mesma mañana y nesi mesmu edificiu va constituise la ponencia pa la reforma del Estatutu dAutonomía dAsturies. Doce persones en nome de los partíos parllamentarios van negociar los términos del Estatutu que va rexir la vida política dAsturies nos próximos años. La Xunta pola Defensa de la Llingua Asturiana quier tar ehí pa recorda-yos a les persones que formen parte de la ponencia de reforma estatutaria que tienen que dase cuenta de que la sociedá asturiana quier más llibertaes y más derechos. Depués de casi trenta años de reivindicaciones, colos partíos mayoritarios negando siempre la posibilidá digualar en derechos a los asturianos y asturianes colos ciudadanos del restu de comunidaes billingües del estáu, vuelve a presentase una oportunidá única: acabar duna vez cola discriminación que vien sufriendo una parte importante de la nuestra sociedá, la daquellos que queremos falar la nuestra llingua, lasturianu, ensin que naide nos eche patrás porque nun ye oficial. Nun somos menos que naide y negámonos a siguir siendo ciudadanos de segunda. Pa eso fai falta que nel Estatutu dAutonomía lasturianu sía oficial, igual que ya lo yel castellanu. Nun se trata dimponer nada a naide: trátase de dar derechos a los que nun los tienen reconocíos. Los que falamos asturianu, los que queremos que se siga falando nAsturies nel futuru, sabemos que nenguna llingua pue sobrevivir si nun ye llegal, si los poderes públicos nun favorecen que suse con una política clara de normalización social. Malamente pue ser normal una llingua que malpenes apaez nos medios de comunicación, que nun usen les autoridaes, que nun se ve escrita, que nun ta nes escueles más que de manera testimonial y que, como tamos viendo colos casos de discriminación que se tán dando últimamente, nun dexen usar en cualquier circunstancia y ante cualquier organismu. La reforma del Estatutu dAutonomía yel momentu pa poner les bases pa la recuperación de la nuestra llingua reconociéndola como llingua oficial. Queremos un Estatutu pa tol mundu: nun queremos un Estatutu pa unos pocos. Nun queremos un Estatutu escluyente y discriminatoriu. Ye hora de que los partíos mayoritarios, PSOE y PP, garren la responsabilidá de poner solución a un problema que va siguir abiertu mientres nun se reconozan los derechos llingüísticos de los falantes dasturianu. 3 d'ochobre, 2007 0 FacebookTwitterPinterestEmail
Sociedá Jesús Iglesias recordo-y al xefe del executivu asturianu que l’estatutu ta p’algamar qu’Asturies nun seya menos qu’otres comunidaes by asturnet 2 d'ochobre, 2007 El voceru del grupu Izquierda Xunida-Bloque por Asturies -Los Verdes nel parlamentu asturianu aseguró esti día que’l nuevu Estatu va tener d’ampliar los derechos civiles y sociales de los asturianos. Jesús Iglesias manifestó que lo que se pretende con esta reforma estatutaria ye qu’Asturies “nun seya menos qu’otres comunidaes” y que nun quede asitieda nuna posición subalterna. “Nós pensamos que pocos territorios tán tan llexitimaos como Asturies pa reivindicar el so carácter de nacionalidá o comunidá histórica”, dixo Iglesias nel so turnu d’intervención nel Alderique d’Orientación Política que se cellebró na Xunta Xeneral del Principáu d’Asturies. 2 d'ochobre, 2007 0 FacebookTwitterPinterestEmail
Sociedá Areces apuesta pola consideración del asturianu nel nuevu estatutu… pero en sin ¿”proclames nacionaliegues”? by asturnet 1 d'ochobre, 2007 El Presidente del Principáu, Vicente Álvarez Areces apostó nel so discursu d’apertura del Alderique d’Orientación Política porque’l gobiernu diba tener en cuenta la consideración estatutaria de la llingua asturiana na elaboración del prósimu Estatutu d’autonomía. Dicho esto, Areces recordó que va procurar qu’Asturies participe nel mantenimientu d’un Estáu fuerte y un poder central frente a lo que que calificó como “proclames nacionaliegues que planteguen frayar esi espaciu públicu en nome de pretendíos derechos históricos”. El xefe del executivu asturianu fizo estes declaraciones nel trescursu del entamu del Alderique d’Orientación Política que se cellebro na Xunta Xeneral del Principáu. 1 d'ochobre, 2007 0 FacebookTwitterPinterestEmail
Sociedá Xuristes pol Asturianu denuncia la retirada de la bandera de la UE de la Universidá d’Uviéu by asturnet 30 de setiembre, 2007 Nun comunicáu dechu públicu esti domingu, l’Aconceyamientu de Xuristes pol Asturianu denuncia la retirada de la bandera de la Comunidá Europea de la sede de la Universidá d’Uviéu “por mandáu del Xefe de Protocolu de la Casa real, fechu perabegosu pa los ciudadanos que mos sentimos, arriendes d’asturianos y asturianistes, fondamente europeos y europeístes”. Sigún el comunicáu del Aconceyamientu de Xuristes pol Asturianu “per escritu de 10 de setiembre del qu’aportaron hai tiempu acuse recibu, l’Aconceyamientu alvertía al Xefe de la Casa Real d’un claru riesgu: que la presencia del Xefe l’Estáu na inauguración del cursu académicu fuere políticamente emplagada como aval de la Corona a un modelu aducativu, l’impuestu n’Asturies, qu’incumple dafechu l’articulu 8 de la Carta Europea de les Llingües Rexonales o Minoritaries no que cinca al respetu debíu a la llingua tradicional del país”. L’asociación esclaria que “rempuesta entá nun hebio, quitando que lo seya la retirada, por mandáu del Xefe de Protocolu de la Casa real, de la bandera de la Comunidá Europea de la sede de la Universidá d’Uviéu”. Na carta mentada unviada a la Casa Real faise alcordanza de que “yá dende lañu 1975 nel que lEstáu español entamó a camudar dactitú respeutu a les llingües rexonales estremaes del castellán, lasturiana vien careciendo, na nuesa opinión, un tratu discriminatoriu per parte de los poderes públicos, en toles estayes y ensin xustificación dala. Asina, nel inxerimientu dientro del sistema educativu quiciás el preséu más afayadizu pal caltenimientu duna llingua- lasturianu nun recibió del Estáu la proteición que-yos dio al catalán, gallegu, valencianu y vascu.” Pal Aconceyamientu, “a ello nun foron ayenos los executivos preautonómicos y autonómicos del Principáu dAsturies porque -amás de que dalgunos de los sos cabezaleros ocuparon enantes importantes cargos na Alministración Educativa- dendel gobiernu rexonal ná nun se fizo por meyorar lo que recibieron de lAlministración Central tres les tresferencies educatives nel añu 2000 sinón que, al aviesu, avecen a enchipase públicamente pela parte que-yos tocó nel diseñu y xestión dun modelu educativu estremáu del que rixe nes demás comunidaes autónomes billingües y quincumple tolos separtaos del artículu 8 de la Carta Europea de les Llingües Rexonales o Minoritaries, conveniu ratificáu por España, arriendes de les recomendaciones básiques dinstituciones tan peracreditaes como la UNICEF o la UNESCO”. Poro, nun ye pa escartar, sigún l’asociación, “que laceptación del convide que se-y fizo al Xefe del Estáu pa presidir la inauguración del añu escolar 2007-2008 na Comunidá del Principáu dAsturies, pudiere interpretase o emplegase como un aval a un modelu eductivu esceicional nEspaña, contrariu al testu y finalidá de los trataos y recomendaciones internacionales na materia ya impuestu por determinaes personalidaes polítiques estatales y rexonales”. La carta nun escaez que “n’opinión de tolos espertos, la llingua asturiana ta esmuciéndosemos porque se-y ñeguen les más de les midíes de proteición que se-yos da a les demás llingües rexonales españoles en toles estayes de la vida pública, na educativa na que más, al estremu de quanuncien el so fin nun par de xeneraciones. Por estes razones y col envís dayudar a torgar quuna actuación bonal del Xefe del Estáu pueda tener como consecuencia daqué menoscabu futura del prestixu de la Corona quencarna, ye polo que dende lAconceyamientu de Xuristes pol Asturianu decidímonos a unvia-y esti escritu y estudiu que lu acompaña”. La carta fírmala Xurde Blanco, como Secretariu del Aconceyamientu de Xuristes pol Asturianu. 30 de setiembre, 2007 0 FacebookTwitterPinterestEmail
Sociedá Clickair va ufiertar vuelos baratos ente Asturies y Barcelona a partir del 1 de febreru by asturnet 30 de setiembre, 2007 La compañia aerea de vuelos de baxu coste Clickair, filial d’Iberia, va entamar a operar na nuesa rexón a partir del 1 de febreru del prósimu añu. Según el presidente de l’aerollínía, Carlos Losada, la compañía va ufrir en principiu cuatro vuelos diarios, dos Asturies-Barcelona y otros dos Barcelona-Asturies. Los horarios de los vuelos tovía tan por definir anque probablemente va funcionar un vuelu pela mañana y otru pela tarde. 30 de setiembre, 2007 0 FacebookTwitterPinterestEmail
Sociedá El Rei Juan Carlos inauguró’l cursu universitariu con una llamada a la convivencia democrática by asturnet 30 de setiembre, 2007 El Rei Juan Carlos dixo esti día nel Edificiu Históricu de la Universidá d’Uviéu que la Universidá sirve pa formar mozos comprometíos colos valores de la convivencia democrática. El monarca español presidió l’apertura del cursu universitariu nun actu académico al qu’asistieron 35 rectores de toa España, unos 150 acedémicos vestíos pala ocasión y dellos centenares de persones. La mesa presidencial formaronla el rector asturianu, Juan Vázquez, la ministra d’Educación, Mercedes Cabrera, el presidente del Principáu, Vicente Álvarez Areces, la secretaria xeneral de la Universidá, Margarita Fuentes, y el redactor de la llección, Manuel Álvarez Uría. Sigún el Rei, la Universidá nun pue entendese al marxe de la so proyección social y del so papel crucial na formación integral de persones capaces d’impulsar la España del mañana. 30 de setiembre, 2007 0 FacebookTwitterPinterestEmail
Sociedá Xurde Blanco comenta lautu del xuez que pide la comprobación de constitucionalidá de la Llei dUsu by asturnet 27 de setiembre, 2007 El xurista Xurde Blanco, que mantién un contenciosu col Principáu poe negá-y un permisu pa opersase por tar nasturianu, ta acabante de facer públicu un comentariu urxente que sobre la tema de la cuestión d’inconstitucionalidá escontra l’artículu 4 de la llei 1/1998, d’usu del asturianu plantegada pol xuez que lleval so casu. Nel so comentariu Blanco comenta que dexando al delláu que una cosa ye que los poderes públicos reconocan una llingua como propia (cooficialidá) y otra bien estremadal drechu de los sos falantes a emplegala énte esos poderes públicos mesmamente -conceutos que tracamundial xuez- y otres cuestiones de fondu comol calter de los trataos internacionales ratificaos por España quacordies col artículu 96 de la Constitución son parte del ordenamientu internu y col 10 inspiren la interpretación de les normes que cinquen a los drechos fundamentales. Polo tanto y según Blanco acordies col conteníu del autu, mentantu nun se declare la inconstitucionalidá de la llei 1/1998 toles alministraciones públiques asitiaes na entidá territorial principáu dasturies tan obligaes a tramitar y resolver tolos escritos nasturianu que-yos empobine cualquier ciudadanu funcionariu o non. (vid. testu autu páxines 4 y 12). Nel autu, quufrimos nAsturnews.com, Blanco considera tamién que tomando en cuenta que los trataos internacionales ratificaos por España (vid. Artículu 12.2 de la Carta Europea de les Llingües Rexonales o Minoritaries, pente otros) oblíguenla a fomentar lemplegu de les llingües rexonales nes alministraciones y a que los sos falantes puedan presentar solicitudes orales o escrites neses llingües, si como afital xuez eso ye inconstitucional cuando la llingua nun ye oficial. Pa Blanco, al estáu español nun-y queda más que reconocer la cooficialidá del asturianu o incumplir los trataos internacionales. 27 de setiembre, 2007 0 FacebookTwitterPinterestEmail