Política El CAO espera axuntar güei la mayor manifestación pola oficialidá del asturianu de la hestoria by asturnet 24 de payares, 2007 El Conceyu Abiertu pola Oficialidá, plataforma quaxunta a más de doscientes entidaes culturales, sociales, polítiques y sindicales dAsturies, entamó güei seis marches a pie dende Xixón, Avilés, La Pola Siero, La Felguera, Mieres y Trubia, que van llegar a Uviéu a eso de les 17:30 hores. A les 18:00 hores va entamar la manifestación, quel CAO espera seya la mayor de la hestoria desta reivindicación. Asturnews va ufiertar esta tarde-nueche les semeyes de la manifestación. La reforma estatutaria quagora tán tratando les fuercies parllamentaries asturianes tien que ser, pa los organizadores el momentu de reconocer duna vez una reivindicación social pendiente nAsturies dende va más de trenta años: la oficialidá de la llingua asturiana -y del gallego-asturianu nel so ámbitu- que garantice que naide sea discrimináu pola llingua quuse. 24 de payares, 2007 0 FacebookTwitterPinterestEmail
Política Xuristes pol Asturianu llamenta la muerte del ex maxistráu Julio Diego González Campos by asturnet 23 de payares, 2007 Nun comunicáu fechu públicu güei, lAconceyamientu de Xuristes pol Asturianu quixo facer alcordanza de Julio Diego González Campos, que morriól día 20 del mes quandamos en Madrid y que foi miembru del Tribunal Constitucional amás de caderalgu de Drechu Internacional de la Universidá dUviéu nos años 70. Xuristes pol Asturianu quier dexar constancia desta perda y acordase de que foi elli, xunto con otros dos Maxistraos desi Tribunal, el que dixo na primera Sentencia sobrel casu “Andecha Astur” y nun votu particular, que la llingua asturiana yera una llingua bien afitada nAsturies; y na segunda, dando-y la razón a esi partíu políticu, dio-y lamparu pidíu y dixo que podía presentar la so candidatura a les eleiciones xenerales nasturianu. Que sepamos, -diz el comunicáu- hasta agora, ye lúnicu poder públicu que fizo una interpretación de la Constitución, del Estatutu dAutonomía y de la Llei dusu y promoción del bable/asturianu bonal y favoratible a la so aplicación cola mayor amplitú posible. Nesta domina na que vivimos dacometimientu a la nuestra llingua dende toles estayes del poder (Gobiernu, Xudicatura, Conseyu Consultivu, Partíos políticos centraliegos y un etcétera dun llargor que nun cabe nesta nota) creemos que ye bon momentu pacordanos desti malagueñu y llamentar que ya nun tea ente nosotros. Pa Xuristes pol Asturianu Xente comol Sr, González Campos ye la que nos afala a siguir nel camín de da-y puxu a la nuestra llingua y sacala de <> nel que senfoten otros en metela. 23 de payares, 2007 0 FacebookTwitterPinterestEmail
Política La manifestación pola oficialidá del 24 payares va tar marcada pol coloríu by asturnet 21 de payares, 2007 La reforma estatutaria quagora tán tratando les fuercies parllamentaries asturianes tien que ser el momentu de reconocer duna vez una reivindicación social pendiente nAsturies dende va más de trenta años: la oficialidá de la llingua asturiana -y del gallego-asturianu nel so ámbitu- que garantice que naide sea discrimináu pola llingua quuse. El Conceyu Abiertu pola Oficialidá, plataforma quaxunta a más de doscientes entidaes culturales, sociales, polítiques y sindicales dAsturies, entama pal sábadu 24 de payares una gran manifestación nUviéu, la mayor manifestación de la hestoria del movimientu de reivindicación llingüística. Va tar precedida pela mañana de seis marches a pie dende Xixón, Avilés, La Pola Siero, La Felguera, Mieres y Trubia. Cada marcha llevará un petu identificativu con un color distintu pa cada una d’elles. Toles marches van llegar a la plaza de la estación del norte dUviéu a les 18:00, que ye cuando empieza la manifestación. Va ser una ocasión especial pa enseñar el compromisu de la xente dAsturies cola so llingua, trátase, nin más nin menos, de recordar a los grupos políticos que tienen na so mano resolver la cuestión llingüística nAsturies que lo fagian duna vez, que nun vuelvan tapar los güeyos a la realidá pensando quasinal problema va desapaecer. Quasuman la so responsabilidá histórica y quescuchen a los ciudadanos da pie, de tolos colores políticos que vienen a reclama-yos que nesta prósima reforma del Estatutu dAutonomía pongan les bases llegales pa que los derechos llingüísticos de tolos asturianos y asturianes sean reconocíos y respetaos. La marcha va tar encabezada por una pancarta que recoyerá’l lema de la convocatoria y que van portar: Maxi Rodríguez (Actor, guionista, director d’escena, director de teatro), Jose Ángel Hevia (Músicu), Chus Pedro (Cantante y miembru de Nuberu), Francico Llera Ramo( Caderalgu y Director del departamentu de Ciencia política de la Universidá del País Vascu, Berta Piñan (escritora), Ana Cano (Presidenta de la Academia de la LLingua Asturiana y Decana de la Facultá de Filoloxía), Fernando Ornosa (Portavoz del CAO), Amador García (Presidente de la Federación de AAVV de Xixón), Pilar Quintana (de l’Asociación Asturias Acoge, en representación de los colectivos d’inmigrantes d’Asturies), Xurde Blanco (Lletráu de la Xunta Xeneral del Principáu y miembru de Xuristes pol Asturianu) y Ramón Lluís Bande( escritor y periodista). 21 de payares, 2007 0 FacebookTwitterPinterestEmail
Política Nast pide al CAO que refuge tolos intentos de galleguización nel occidente asturianu by asturnet 20 de payares, 2007 Lasociación cultural NAST, ta acabante demitir un comunicáu nel que pide al Conceyu Aabiertu pola Oficialidá que refuge tolos intentos de galleguización nel ocidente asturianu. Pa ello, Nast solicita al CAO que na convocatoria de manifestación fecha pal prósimu 24 de payares pola oficialidá de la llingua asturiana retires cualesquier referencia a una tercera llingua del país. Nast espera quel Conceyu Abiertu retirel so sofitu al inventu duna tercera llingua pa sumase a la manifestación convocada pal proximu 24 de payares ansina como evaluar la entrada de Nast nel coleutivu, eso sí, de producise esi cambiu. Dende Nast, siguel comunicáu queremos afitar el nuesu sofitu a toles fales del nuesu país que se deben caltener y promover ansina comol nuesu sofitu a la Oficialidá de la llingua de toa Asturies. Dende Nast, siguel comunicáu, atalantamos que los intentos galleguistes dafitar que les fales del ocidente asturianu formen parte del gallego o del so tueru ya incluso que constitúin ente elles una llingua con identidá propia estremada de la llingua asturiana son un grave ataque al pueblu asturianu. La esistencia duna supuesta tercera llingua nel nuesu país, dicen dende Nast, nun respuende a supuestos filolóxicos sinon a intereses políticos y ayenos a Asturies. Nast pide al Conceyu Abiertu pola Oficialidá que nun manipule a los asturianos convocando a una manfestación pola Oficialidá y a la mesma vez introduciendo cola lletra pequeñol sofitu a otra oficialidá pa una llingua estremada. 20 de payares, 2007 0 FacebookTwitterPinterestEmail
Política Algamar celebró un alderique sobre la oficialidá en La Pola Siero by asturnet 19 de payares, 2007 La mesa redonda quel grupu dopinión Algamar organizó sobre la oficialidá de la llingua asturiana convocó a cerca de cuarenta persones en La Pola y cuntó cola presencia de Beatriz Redondo Viado, direutora del selmanariu Les Noticies; Penélope Miranda Fernández, responsable del Serviciu de Normalización Llingüística del conceyu L.lena; y Xurde Blanco Puente, lletráu del serviciu xurídicu del Principáu dAsturies que sustituyó a David Rivas Infante, que nun pudo acudir por compromisos académicos inaplazables. Algamar ta dientro del Conceyu Abiertu pola Oficialidá y aborda esti tema como actu preparatoriu de les marches y la manifestación quel sábadu 24 de payares va reclamar que na reforma estatutu dautonomía sincluya al asturianu como llingua cooficial dAsturies. Escomencipió falando Beatriz R. Viado, quallugó lasuntu de la oficialidá nel campu xurídicu. Pero quixo tamién resaltar que la llingua, como ferramienta de comunicación, va tener mal futuru si nun tien utilidá dusu pa la xente. Valoró lesfuerciu militante de les persones que reivindiquen lasturianu, pero tamién mencionó que bien de veces amazcárase la llingua énte lalministración; nun se reclamal drechu a usar lasturianu, cuando los asturfalantes pagamos los mesmos impuestos que los demás. Hai casos, comol de Xurde Blanco ol de Faustino Zapico, en quel conflictu ta plantegáu nel terrén de lalministración y non nel de la sociedá, pero son solo dellos casos, nun hai un conflictu tan grande quafeute a les decisiones de lalministración. El movimientu de reivindicación llingüística ye, entós, testerón, pero non eficiente; el conflictu pa ser efeutivu habría ser mayor y tocar dos niveles sensibles: el dorde públicu y el colapsu alministrativu. Viado citó a Ninyoles pa destacar que los conflictos llingüísticos prodúcense ente grupos y non ente llingües. Nesti sen la estratexa de la FSA nun ye pa nada irreflexiva y gratuita: tresllada lenfrentamientu al nivel social y saca pa ellol discursu de la imposición. Énte esto, ñegar la imposición ye siguí-yos el xuegu, nun salir del nivel de discutiniu social; había quempecipiar a dicir que sí habría imposición: pa lalministración. Ún de los pilancos importantes que ve Viado ye la clas funcionarial, roceana a cambeos que puedan afeutalos; la primera rellación de la clas política ye con ellos, y eso pue suponer una distorsión nel análisis. El discursu de los dirixentes del PSOE y PP ta claru, neso hai declaraciones netes: la xente pue falar asturianu si quier, ellos nun ven problema, si la xente nun fala ye por falta disciplina y entós hai que los castigar inorándolos. Viado recurrió a un artículu de Ruitiña en Les Noticies pa dar una vía posible: hai que consiguir que dean un primer pasu que yá nun-yos permita retroceder: la normalización, la recuperación toponímica, los servicios de normalización nos Conceyos, la lliteratura, la Llei dusu… son pequeños espacios dende los quenanchar y ganar terrén. Ye verdá tamién que munches veces hai fechos reales, pero non significativos, la páxina web del Principáu ta nasturianu, ta bien, podemos consultar nasturianu, pero ye una opción secundaria, solo si la busques vas a ella, nun consigue una visibilización de la llingua. En cuantes a la presencia del movimientu de reivindicación nos medios de comunicación la ponente foi crítica: el discursu volvióse repetitivu y ta asumíu como un ruxerrux de fondu. Como conclusión Viado defendió lusu de diverses táutiques, nun hai por qué escoyer solo una, nun debería haber discursos escluyentes. Penélope Miranda espunxo los dos puntos de vista quhai nAsturies agora sobre la contraposición oficialidá-normalización. Una primer teoría pretende que la normalización podría sustituyir a la oficialidá. Miranda piensa quel llabor de recuperación de la toponimia, los actos de la Selmana les Lletres o les diferentes subvenciones que fomenten lasturianu, por mui interesantes que sían, nun son la oficialidá nin puen facela innecesaria. Como téunica en normalización llingüística ún de los llabores que shan de faer yel del billingüismu alministrativu; la tresversalidá ye ún de los principales principios rectores del trabayu dun serviciu de normalización, de manera que lusu del asturianu afeute a tolos niveles de lalministración. El problema ye que munchos de los llabores y de les campañes entamaes nun tán inxertes nun proyeutu coherente de política llingüística asumíu polos poderes públicos, sinón que los téunicos de los servicios tuvieron quorganizase nuna asociación y reclamar non solo condiciones llaborales sinón compromisos políticos. Esa falta de proyeutu global nótase en que la Oficina de Política Llingüística del Principáu ye cuasi un serviciu de normalización dun Conceyu, nel sentíu de quatopa les mesmes trabes pa llevar alantrel llabor. Como claru exemplu, el Plan de Normalización Llingüística del Principáu nun se cumplió, lo mesmo que la Llei dusu. La segunda teoría retruca a la primera y afirma quensin oficialidá nun hai trabayu de normalización posible. Miranda nun ta tampoco dalcuerdu con esta afirmación. Agora hai nueve servicios de normalización nos Conceyos y sí se consiguió faer planificación, salióse dun primer momentu nel que nun taba mui claro qué función teníen y dedicábense a xeres cuasi esclusives de traducción; yá nun se ven como un apéndiz de les conceyalíes de cultura, sinón quabarquen otres árees dientro de lalministración del Conceyu. No que se refier a la coordinación, la ponente calificó dengañu quel Principáu creare la figura duna Rede de los servicios de normalización pa recular darréu al temer queso sorganizare y se consolidare. Valoról llabor de los servicios de normalización comol de L.lena, onde se ta intentando abrir un camín, y comparó los servicios de los Conceyos con islles quel Principáu mantién a raya. Tamién consideró a los servicios como centros pilotu, como exemplos de lo que podría pasar si lasturianu fore oficial y nesi sen certifica que la xente ta preparao, en L.lena naide ve estrañu lusu del asturianu, nin hai nengún tipu de rocea. Xurde Blanco presentóse como componente del Aconceyamientu de Xuristes pol Asturianu, que tien mediu centenar de socios de magar se fundó, va añu y mediu. Esplicó quel so casu, el pleitu porque lalministración del Principáu nun reconoz que pueda pidí-y nasturianu permisu llaboral pa una operación, nun ye una llucha personal sinón que forma parte duna estratexa coleutiva. Paez-y a Blanco que lo principal ye tener claros los oxetivos. Plantegósel ponente inclusivel conceptu doficialidá, entrugóse qué ye lo que significa esi conceptu, que consideró cuasi una metáfora, pues en realidá tamos tratando de drechos llingüísticos básicos, el noyu del asuntu ye quhai un incumplimientu de normes fundamentales. Siguiendo col custionamientu del conceptu afirmó que nel Estáu español la oficialidá vese de distinta manera que nEuropa, mentanto nel primeru nun se-y reconoz nin siquier esistencia a una llingua si nun ye oficial, na segunda toles llingües rexonales tienen reconocencia, sían o non oficiales. Aclaró quusabal términu de llingües rexonales, magar se considera nacionalista, porque esi yel términu xurídicu usáu nEuropa. Siguiendo col análisis del conceptu aclaró quen realidá nun hai una definición xurídica doficialidá, solo nuna sentencia del Tribunal Supremu se recueye que podría considerase tala al emplegu polos poderes públicos duna determinada llingua pa rellacionase ente ellos o colos ciudadanos. En cuantes a la realidá dAsturies criticó duramente la estructura de lalministración autonómica, que noma a persones de confianza pa puestos que deberíen tar dientro del escalafón funcionarial y prescindiendo de les recomendaciones xudiciales quaconseyen nun considerar como puestos de designación política a tolos que tán perbaxo del nivel de direición xeneral. Nesta alministración clientelar la esistencia dun puestu de xefe de serviciu, o inclusive si fore de direición xeneral, dedicáu al asturianu ye irrelevante dafechu. Respeuto al Plan de Normalización Llingüística aprobáu pol Principáu paez-y de nula validez, yá quincluso hai una sentencia que diz que nun se traduz en norma xurídica dala. Nesti sen insiste en que nun se trata de que nengún altu cargu políticu fale nasturianu, sinón de que se respeten los sos drechos de falante. Esplicó que lasociación de xuristes de la que forma parte tien un procesu en marcha énte Europa; amás dun pleitu éntel Tribunal Constitucional, aceleráu pola inquina dun xuez y pallegría suya; y una apellación al Tribunal Superior de Xusticia dAsturies. Solliñó que nun se cumple lartículu 3 de la Constitución española, quen cualquiera de les sos llectures o interpretaciones lleva a la obligación doficialidá de la llingua asturiana: el sedrán de tal artículu tien un mandatu imperativu, y remitióse tamién a la voluntá del llexislador quescoyó esi verbu en vez dotres propuestes que se plantegaron y que recueyel diariu de sesiones. Delles intervenciones del públicu abrieron el debate de si realmente la dignificación de la llingua asturiana ta dando pasos, de si les reivindicaciones, la reclamación xurídica o lalternativa política son les víes transitables hacia la oficialidá. Blogue del coleutivu ‘Algamar Asturies’ 19 de payares, 2007 0 FacebookTwitterPinterestEmail
Política La conseyera de Presidencia, Xusticia y Igualdá presenta un presupuestu “inversor dafechu” by asturnet 19 de payares, 2007 La conseyera de Presidencia, Xusticia y Igualdá, María José Ramos, aseguró esti llunes que’l presupuestu de la so conseyería ye “inversor dafechu” y destacó del mesmu l’incrementu del 125% n’inversiones n’infraestructures”. Pela so parte IX calificó les cuentes d’esta conseyería de “frustración, que significa vuelta p’atrás y contién importantes señales de fraude”, mientres que’l PP aseguró que la comparecencia de Ramos nun ofrez “nada nuevu” porque nun se prevé nada nuevu nel proyectu presupuestariu. La conseyera de Presidencia, Xusticia y Igualdá, María José Ramos, foi la encargada d’abrir esti llunes el turnu de comparecencies de los miembros del Executivu Autonómicu pa dar cuenta na Xunta de les partíes de les sos respectives conseyeríes nel proyectu presupuestariu pal 2008. María José Ramos recordó que nel 2007 la celebración de les elecciones llocales y autonómiques fizo que nos presupuestos d’esti añu recoyera una partida de 2,7 millones sólo pa esi asuntu. Asina, si se resten esa cantidá, l’aumentu “real” diba ser del 9,85% y non el 6,8% aparente. Los presupuestos de Presidencia, Xusticia y Igualdá presenten pal 2008 una cifra global de 104.246.916 euros, un 6,81%. Por árees, destínense 30,5 millones a Xusticia, 5,3 a Igualdá, 14,1 a Interior, 30,1 a Seguridá Pública, 3,6 a Emigración, 14,1 a Cooperación al Desarrollu, 1,9 a relaciones cola Xunta Xeneral del Principáu y 4,2 pa Servicios Xenerales. En materia d’Igualdá, la Conseyera señaló que’l presupuestu pal Institutu Asturianu de la Muyer sube a 5,3 milones, dalgo que nun supón un cambiu cola cifra del añu pasáu, pero utilizando’l mesmu argumentu, recordó que nos años 2006 y 2007, les cuentes recoyíen l’entamu de la Casa Malva de Xixón, polo que sí qu’hai un incrementu. Polo que se refier a Xusticia, comentó que’l presupuestu del 2008 va ser de 30,6 millones, lo que representa un incrementu del 36,35%. Comentó que la principal razón ye l’entamu de nueves infraestructures per tol territoriu, con una cantidá de 8,6 millones, lo que suponen un incrementu del 125% y que van dar llugar a la materialización de proyectos como’l del Institutu de Medicina Llegal (un millón pal 2008), el Palaciu de Xusticia de Xixón (un millón pa la llicitación del proyectu), les obres de les nueves sedes xudiciales de Villaviciosa, L.luarca y Pravia (1,8 millones) y la redacción de diversos proyectos (390.782 euros). El presupuestu de Cooperación al Desarrollu, pela so parte, garantiza’l caltenimientu del 0,7% de los recursos propios del Principáu, mientres que les tresferencies a 112 y Bomberos d’Asturies pasen de 27,8 a 29 millones d’euros. 19 de payares, 2007 0 FacebookTwitterPinterestEmail
Política El 15 de Payares fina’l plazu pa xustificar les subvenciones del Principaú by asturnet 11 de payares, 2007 El xueves 15 de payares ye lúltimu día pa xustificar diez de les once llínies de subvención que convoca la Conseyería de Cultura pa la promoción del asturianu (y del gallego-asturianu, nel so ámbitu): les destinaes a les asociaciones culturales, a proyectos de producción cinematográfica y de vídeu, a la creación lliteraria, a la edición de llibros, etc. Asina entós, sacante les entidaes locales, tolos beneficiarios de subvención han xustificar enantes de la fecha mentada la realización de los proyectos pa los que se concedió ayuda económica dende la Conseyería. Hai que recordar que nun xustificar la subvención dientro del plazu marcáu orixinará, automáticamente, la so revocación. 11 de payares, 2007 0 FacebookTwitterPinterestEmail
Política La nueva Xunta Toponimia va constituise nel plazu 15 díes by asturnet 11 de payares, 2007 Nel plazu de 15 díes tien de constituíse la nueva Xunta Asesora de Toponimia d’Asturies (XATA) sigún dió anuncia esti vienres la Directora Xeneral de Cultura, Consuelo Vega, na presentación del Anuariu de la XATA. Cultura ta pendiente de la confirmación de los nomes de los representantes de l’Academia de la Llingua, la Universidá y el RIDEA mentantu se confirma la continuidá na Xunta de Ramón d’Andrés y Fernando Balbuena como espertos nomaos pola Conseyería de Cultura. La Xunta Asesora de Toponimia d’Asturies ye la encargada de realizar el procesu d’investigación de los topónimos tradicionales, mediante l’estudiu de la documentación tanto lliteraria como de tradición oral. L’Academia de la LLingua abandonó la Xunta de Toponimia na anterior llexislatura por entender que se votaben los topónimos que ya taben afitaos nos estudios y catálogos académicos nun procesu ensin xacíu. La XATA, sigún adelantó Consuelo Vega, va tar presidía pola propia Directora Xeneral de Cultura y van formen parte d’ella los directores xenerales de Cooperación y Ordenación del Territoriu, los espertos, Ramón d’Andrés y Fernando Balbuena, y representantes de la Universidá d’Uviéu, l’Academia de la Llingua, si tornara a la Xunta, y el Ridea. La so secretaria va ser María Antonia Pedregal, l’actual xefa de la Oficina de Política Llingüística. 11 de payares, 2007 0 FacebookTwitterPinterestEmail
Política Unión Asturianista (URAS-PAS) y Andecha Astur, xuntos en Noreña by asturnet 10 de payares, 2007 Les agrupaciones en Noreña de los partíos asturianos Unión Asturianista (URAS-PAS) y Andecha Astur vienen de presentar una campaña conxunta pa pidir una ambulancia permanente nel Conceyu. Una collaboración ente partíos que nun suel ser vezu n’Asturies. Andecha Astur y Unión Uras-Pas entamaron amás, esta selmana pasada, una recoyida de firmes en Noreña cola fin d’algamar una ambulancia permanente. Pue firmase nunos 30 establecimientos y fairánse recoyides a pie de cai. Les firmes univaránse al Serviciu de Salú del Principáu d’Asturies (Sespa). Anguaño, l’ambulancia asignada al Conceyu tien base en La Pola Siero y según los aprtíos asturianos “tien un área d’actuación escesiva”, la ambulancia ye necesaria tamien pol tiempu d’espera si ta ocupáu’l vehiculu actual, la escasa posibilidá de recuperación del paciente y el mayor serviciu a les zones entre La Pola Siero, Llanera y Uviéu. Andecha Astur y Uras-Pas esplicaron la so collaboración en base a puntos coincidentes y l’enfotu en que se pue facer en Noreña una oposición constructiva” 10 de payares, 2007 0 FacebookTwitterPinterestEmail
Política Nuevu artículu d’Inaciu Galán na estaya AsturnewsOpinión by asturnet 9 de payares, 2007 La sección d’opinión d’Asturnews, AsturnewsOpinión ufre un nuevu artículu d’Inaciu Galán. Nel artículu, Galán comenta la decisión del Gobiernu d’Asturies de nun pasar l’AVE per Asturies. Artículu d’Inaciu Galán n’AsturnewsOpinión 9 de payares, 2007 0 FacebookTwitterPinterestEmail