Política IX-BA-Verdes y PP critiquen la política fiscal del gobiernu d’Asturies by asturnet 5 d'avientu, 2007 El Conseyeru d’Economía y Asuntos Europeos, Jaime Rabanal presentó los presupuestos de la conseyería pa 2008. Rabanal destacó l’aumentu del mesmu nun 7,22%, lo que cifró nun total de 4100 millones d’euros, 3.880 por habitante. Nesti presupuestu destaquen les ayudes económiques a les families ya l’actividá empresarial y la práctica supresión de los impuestos por sucesiones y donaciones. Rabanal tamien sorayó la desaceleración. alredor del 3%, que ta sufriendo’l sector de la construcción na rexón. La oposición pela so parte criticó al gobiernu socialista en dellos frentes. La diputada del PP, Alejandra Cuetara aseguró que les cuentes presentaes pol Gobiernu d’Asturies “nin son modernes, nin s’axusten al momentu económicu actual”. La popular tamien añadió que’l gastu nesta ocasión medra más que los ingresos y que con estos presupuestos ta comprometiendose’l futuru la rexón. Dende’l PP criticose duramente al conseyeru por “faltar a la verdá” sobre los impuestos de sucesions y donaciones. Izquierda Xunida-Bloque por Asturies-Los Verdes, na coz de Jesús Iglesias recordó-y al conseyeru que son los impuestos directos son los que deben definir y estructurar el marcu fiscal. Iglesias tamien se manifestó a la escontra de la postura caltenida pol conseyeru qu’indicó que la toma de decisiones sobre la fiscalidá verde tien de prollongase nel tiempu. “El centimu sanitariu tien de sirvir como un bon exemplu y bona esperiencia p’avanzar nes midíes de fiscalidá verde”, dixo Iglesias, que tamien pidió más polítiques fiscales que faciliten l’accesu a la vivienda y l’alquiler. “Nun ye gastu social apoyar a los que nun lo necesiten y tampoco ye social que’l salariu social aumente en sólo ocho euros, nin qu’a un mozu con recursos se-y ayude a mercar un ordenador, o que s’ayude a una familia que nun lo necesita cuando decide tener un fíu”. Con estes pallabres Iglesias reprobó les midíes nel terren del gastu social que contempla’l presupuestu del gobiernu. 5 d'avientu, 2007 0 FacebookTwitterPinterestEmail
Política IX-BA-Verdes y PP pedirán al Gobiernu que vuelva a ellaborar los presupuestos by asturnet 5 d'avientu, 2007 Tanto Izquierda Xunida-Bloque por Asturies-Los Verdes como’l Partido Popular van presentar enmiendes a la totalidá del proyectu de presupuestos presentáu pol Gobiernu del Principáu d’Asturies. Asina lo anunciaren en rueda de prensa tanto’l diputáu d’IX-BA-LV, Jesús Iglesias como presidente del Partíu Popular n’Asturies, Ovidio Sánchez. Pa Jesús Iglesias, que tana acompañáu en rueda de prensa polos cabezaleros del Bloque por Asturies, Rafael Palacios, y de Los Verdes, Ignacio González ya’l propiu Gobiernu el que tien la culpa de llegar a esta situación. “Lo que cabe ye retirar esti proyectu y plantegar otru, porque pue haber capacidá d’ellaborar unos nuevos presupuestos partiendo de cero”, Dixo Iglesias, quien afirmó que “lo que nun se podía evitar acabó ocurriendo, porque quienes teníen la responsabilidá de facelu nun ficieron el más mínimu esfuerciu por negociar les cuentes”., destacó Iglesias que denunció “l’escasu conteníu social de les cuentes”. El PP pela so parte, y en pallabres del so másimu responsable na rexón Ovidio Sánchez, calificó la propuesta de proyectu de presupuestos del Gobiernu de “tresnochada” y de ser “más de lo mesmo”. Según el cabezaleru popular nun contribúi al desarrollu económicu y social d’Asturies. “Ye necesariu un presupuestu que cambie les tendencies y ofreza más oportunidaes”, sorayó Sánchez. El PP tamien va pidir la devolución del proyectu al Gobiernu pa que presente ante la cámara una nueva propuesta que respuenda a les necesidaes de los asturianos. El cabezaleru del PP asturianu tamien aprocvechó pa críticar al Fobiernu pola alta presión fiscal del Principáu, la falta d’oportunidaes pa los xóvenes, les altes tases de paru ya l’escasu crecimientu económicu y demográficu de la rexón. 5 d'avientu, 2007 0 FacebookTwitterPinterestEmail
Política Migoya diz que De Lorenzo nun fizo nada por oficializar los topónimos dUviéu by asturnet 3 d'avientu, 2007 Ana Rosa Migoya, Conseyera d’Alministraciones Públiques y Portavoz del Gobiernu dAsturies contestó estos díes a les declaraciones de Gabino de Lorenzo nes que lalcalde pidía esforciase pa que nun se pierda lasturianu al Gobiernu. La Conseyara contratacó, recordando siempres la postura de negativa a la oficialidá de la FSA-PSOE, pero recordando quel Gobiernu asturianu “lleva trabayando munchos años y con munchu rigor” y que De Lorenzo nun entamó los procesos pa poner en marcha la oficialización de la toponimia tradicional nUviéu. Migoya recordó que n’avientu del 2006 teníen un conceyu prepraáu, que layuntamientu dUviéu suspendió y dendel que nun sabemos nada dendel Gobiernu.Amás recordó, quel so proyeutu de presupuestu pa 2008, lleva una xuba del 25% pa política llingüística. 3 d'avientu, 2007 0 FacebookTwitterPinterestEmail
Política Llamazares anuncia un gobiernu d’izquierdes nelPrincipáu si IU xorrez nes elecciones de marzu by asturnet 1 d'avientu, 2007 El coordinador zeneral d’IU, Gaspar Llamazares, dixo ayeri n’Uviéu que les elecciones xenerales de marzu van tenes un componente de especial importancia pal Principáu: “si los comicios se salden con un triunfu de la izquierda nel marcu d’un xorrecimientu bultable d’IU, n’Asturies habrá un gobiernu d’izquierdes”. , El líder de la coalición dio a entender asina que la so capacidá de presión si’l PSOE necesita los sos votos pa gobernar forzará a la Federación Socialista Asturiana a retomar les negociaciones pa formar un executivo en comuña con Izquierda Xunida. Llamazares fizo estes declaraciones na asamblea qu’esti vienres entamó Izquierda Xunida d’Asturias pa orientar les sos prioridaes polítiques. 1 d'avientu, 2007 0 FacebookTwitterPinterestEmail
Política La Fundación Caveda y Nava va nomar al director Javier Maqua patronu dhonor by asturnet 29 de payares, 2007 La Fundación Caveda y Nava va celebrar esti sábadu día 1 davientu la so V Xornada nel Monasteriu de Valdediós, en Villaviciosa. Nel actu va presentase la páxina web de la Fundación, amás de lacoyida del nuevu Patronu d’Honor de la Fundación: Sr. D. Javier Maqua Lara, director de cine y escritor. Les pallabres dacoyida van ser a cargu de José Uría Ríos, Patronu de la Fundación, cola intervención dInaciu Iglesias Fernández, Presidente de la Fundación y a les 13,30 hores, na casa natal de Caveda, na Cai del agua, Villaviciosa, va facese un homenaxe floral a Xosé Caveda y Nava, con llectura de poemes y piesllee de los actos. Cola concesión desti títulu, la fundación quier reconocer el papel normalizador de los medios audiovisuales. Y ye que Maqua, a pesar de nacer nel barriu madrileñu de Chamberí, Javier Maqua (Madrid, 1945) vien per parte de padre de la familia Maqua González del Valle dAvilés, una villa a la quel director confiesa tener munchu cariñu. Biólogu que nunca quixo exercer la so profesión, tien dedicáose a munches facetes de la cultura. Sobre manera ye conocíu como home de radio pola so trayectoria en Radio 3. Como director de cine, el nome de Javier Maqua foi reconocíu pola película «Carne de gallina», rodada nel añu 2002 nel conceyu de Mieres y onde participaben los actores Karra Elejalde, Anabel Alonso, Nathalie Seseña, Amparo Valle, Txema Blasco, María Jurado, Eduardo Antuña, Isabel Ordaz y lasturianu Maxi Rodríguez, responsable xunto a Maqua del guión del filme. Desta película, precisamente, la Fundación Caveda y Nava asegura que «contribuyó a popularizar y normalizar la presencia de la llingua asturiana nel ámbitu audiovisual». Per otra parte, nel marcu de la XXVII Selmana de les Lletres Asturianes celebrada nel añu 2006, Maqua produció la pieza nasturianu «Guor». Ente los patronos dHonor de la Fundación Caveda y Nava alcuéntrase la senadora y presidenta del PP de Xixón, Pilar Fernández Pardo; el socialista Hugo Morán; lex futbolista del Sporting Enrique Castro «Quini», o larzobispu eméritu dUviéu, Gabino Díaz Merchán. 29 de payares, 2007 1 FacebookTwitterPinterestEmail
Política La FSA-PSOE ponse nerviosa col sofitu que recibe la oficialidá by asturnet 29 de payares, 2007 La FSA-PSOE entama a ponese nerviosa col xorrecer de los manifestamientos favoratibles a la oficialidá dende la drecha y la izquierda a la que vieno xuntase esti día l’alcalde d’Uviéu y pide-y al PP qu’esclarie la so postura sobre l’asturianu y si quier “trespasar la llende de la cooficialidá”. El secretariu d’Organización de la FSA-PSOE, Jesús Gutiérrez, pidió esti miércoles 28 al Partíu Popular qu’esclarie la so postura en relación a la cooficialidá de la llingua asturiana. Gutiérrez pidió a los ‘populares’ asturianos que respuendan si “defienden la cooficialidá o non”. Gutiérrez refirióse, sigún espublizaba Europa Press, a les “ambigües” declaraciones del alcalde d’Uviéu, Gabino de Lorenzo, quien apeló a una mayor protección de la ‘llingua’ y dempués de que’l conceyal de Cultura del Conceyu participara nuna marcha a favor de la oficialidá. “Nun val escondese detrás de fórmules como más apoyu, porque la FSA-PSOE quier un apoyu máximu a la llingua asturiana”, dixo Gutiérrez, quien s’entrugó si “l’alcalde d’Uviéu y el presidente del PP d’Asturies quieren trespasar la llende de la oficialidá o non”. Jesús Gutiérrez entrugó al alcalde si’l so conceyal de Cultura representaba al Conceyu o al equipu de Gobiernu municipal na marcha pola oficialidá del pasáu sábadu. “¿Ta l’alcalde d’alcuerdu col so conceyal o non?¿Representa les posiciones del PP o non?”, señaló Gutiérrez nun comunicáu colgáu na páxina web de la FSA-PSOE, “porque la conseña de la marcha nun falaba d’apoyu al asturianu, sinón d’oficialidá del asturianu”. 29 de payares, 2007 0 FacebookTwitterPinterestEmail
Política Y el PP nada y guarda la ropa de la man d’Aréstegui by asturnet 29 de payares, 2007 El diputáu del Partíu Popular na Xunta Xeneral del Principáu, Joaquín Aréstegui, apuntó esti miércoles que la postura del so grupu en relación cola llingua asturiana ye “clara”: apoyar la “ampliación de derechos” pa los ciudadanos que quieran utilizala pero ensin qu’eso suponga la “obligación” de conocela y usala pa tolos asturianos, tolo contrario de lo que piensa’l PP en Galicia, onde’l PP tien según Aréstegui un modelu d’oficialidá que lleva implícitu, según él, una “marcada obligatoriedá”. Aréstegui consideró, en declaraciones a Europa Press, que la Llei d’Usu y Promoción del Asturianu ye “lo suficientemente amplia” como pa que puedan ampliase los derechos ciudadanos, anto a cursar escritos n’asturianu, como a promover la conocencia de la llingua y la cultura asturianes. El diputáu popular recordó que la Llei foi aprobada demientres el Gobiernu del PP en 1998, y considera que “bien aplicada” pue ser una norma amplia. Nesi sen, criticó la posición de la FSA-PSOE que ta tomando una actitú “mui zarrada” a la escontra a la oficialidá del asturianu. Según Aréstegui, el PP ye “más flexible” porque apoya l’ampliación de derechos ciudadanos siempre que nun lleven implícitos la obligatoriedá pa otros ya qu’esto pue xenerar una “realidá artifical” de la sociedá asturiana. “Nun quisiera qu’Asturies perdiera la oportunidá de contar con profesionales cualificaos d’otres comunidaes por poner l’asturianu como barrera llingüística”, dixo’l diputáu. Al respecto, criticó los modelos d’oficialidá de comunidaes como Cataluña y Galicia que lleven implícitu, según él, una “marcada obligatoriedá”. 29 de payares, 2007 0 FacebookTwitterPinterestEmail
Política EMIR entama una Charra-homenaxe a Gaspar García Laviana by asturnet 28 de payares, 2007 El vienres que vien, 30 de payares, de magar les 19:00 hores va tener llugar nel Palaciu de Valdecarzana dAvilés una charra sobre la figura de Gaspar García Laviana, organizáu por EMIR y sofitáu por UNIDÁ. Na mesma, van intervenir un representante dEMIR y Javier Arjona, miembru de Soldepaz Pachakuti y gran conocedor de la figura de García Laviana. EMIR, según espliquen nun comunicáu, fai asina alcordanza dun de los asturianos más representativos na hestoria del sieglu pasáu, no que cinca a la defensa de los intereses de los más desfavorecíos, nesti casu en Nicaragua. Gaspar García Laviana ñació nel añu 1941 en Tiuya, conceyu de Llangréu. Quien lu conocidieron en señalalu como un home idealista de gran calidá humana, fondamente identificáu cola xente esplotao y con una sensibilidá pergrande pa colos problemes que vive Nicaragua: onde la fame y la sede de xusticia del pueblu oprimíu reclama, más quel consuelu de les pallabres, el consuelu de laición . Estes pallabres últimes tán recoyíes en so carta-testimoniu que lleó a los feligreses desplicando la so decisión dingresar nel Frente Sandinista de Liberación Nacional (FSLN). En Navidá de 1977, decide a la fin poner en práutica la idea que tuviera camentando por dalgunos meses ya ingresa como militante nel Frente Sandinista (FSLN). La vida de Martín, esi foil so nome de guerra, dientro de la organización ta enllena de grandes momentos colos sos collacios; como él dixo una vegada equí tengo alcontrao a grandes amigos del alma. Nel intre de la so muerte, a los 37 años, dirixía una de les columnes quoperaben na zona sur del país y formaba parte del Estáu Mayor del Frente Sur Benjamín Zeledón. 28 de payares, 2007 0 FacebookTwitterPinterestEmail
Política IX-BA-Verdes concurriran conxuntamente a les elleciones xenerales de Marzu by asturnet 28 de payares, 2007 Izquierda Xunida, Bloque por Asturies y Los Verdes repetirán la collaboración de les últimes ellecciones autonómiques y llocales y anunciaren güei que van concurrir en coalición a los prósimos comicios de Marzu. La coalición d’izquierdes tamien ratificó, como yera d’esperar, a Laura González como la so gran apuesta pa eses prósimes elecciones en base a la so esitosa esperiencia como eurodiputada, presidenta del parlamentu rexonal y conseyera de vivienda nel anterior gobiernu d’Asturies. L’oxetivu cimeru d’IX-BA-Verdes nes ellecciones de Marzu va ser, según el coordinador xeneral d’IX, Jesíus Iglesias, recuperar el diputáu nacional que perdieren en 2004 asina como defender los intereses d’Asturies en Madrid, dalgo que según la colaición nun faen ni van facer ni PSOE ni PP. Jesús Iglesias defendió en rueda de prensa la so apuesta por un modelu de rexón con mayor nivel de autogobiernu que “tien de tener plasmación prósima y urxente en un nuevu estatutu d’autonomía”. 28 de payares, 2007 0 FacebookTwitterPinterestEmail
Política Asturnews ufre’l comunicáu lleíu por Hevia y Berta Piñán al final de la manifestación pola oficialidá del sábadu by asturnet 27 de payares, 2007 CONCEYU ABIERTU POLA OFICIALIDÁ COMUNICÁU FINAL DE LA MANIFESTACIÓN Uvieu, 24 payares de 2007 La xornada que güei vive Asturies nun ye un capítulu más de la resistencia cívica a ver desapaecer una llingua. Ye’l primer pasu de la riestra d’actividaes, contactos, diálogos, entrevistes y movilizaciones que vamos facer cola vista puesta nesti procesu de reforma del Estatutu d’Autonomía. Pero tamien ye l’últimu pasu dau hasta güei nesi camín qu’entamaron los que supieron safase de la vergüenza y el sentimientu d’inferioridá y quixeron pa la so llingua una normalidá que tovía nun tien. Esi sentimientu d’arguyu, pero tamien de consciencia, de sabese herederos d’un patrimoniu llingüísticu en peligru, ye’l que guió les primeres campañes y movilizaciones ciudadanes n’Asturies allá pelos años setenta del sieglu pasáu. D’entós p’acá, eso que conocemos como movimientu de reivindicación llingüística nun dexó d’organizase, de movilizar, de facer propaganda, de tratar de llevar a tola sociedá’l so mensaxe: fai falta da-y normalidá a la llingua dando derechos a los sos falantes. Y esi mensaxe espardiólu con mui pocos medios, con munchu voluntarismu, teniendo que lluchar contra la desinformación, contra los tópicos y, sobremanera, teniendo que lluchar contra’l llabor destructor d’esa minoría acerrime y dominante nos medios de poder que-y tien perceguera a la llingua asturiana y qu’usa tolos medios al so alcance pa impedir qu’entre nos espacios sociales a los que tien derechu. Toos estos años de presión ciudadana valieron pa llograr dellos avances significativos, pa que dende les alministraciones se fueren abriendo espacios pequeños pero importantes pal asturianu. Pero nunca se dio’l pasu que toos sabemos imprescindible pa poder recuperar l’usu normal de la llingua: la oficialidá, el reconocimientu xurídicu de la igualdá llingüística. Nengún de los partíos gobernantes asumió la recuperación del asturianu como un procesu planificáu y consciente dende los poderes públicos pa tornar la desapaición del nuestru patrimoniu llingüísticu. Más bien encaróse con ello como si fuere un problema qu’había que tapar, como una concesión a un grupu social minoritariu y incómodu. Y nun ye eso. La riqueza llingüística d’Asturies ye de toos y a toos nos tien qu’esmolecer si ta en peligru. Ye obligación del Gobiernu asturianu analizar que ta pasando col asturianu, por que ta dexando de falase, por que ta dexando de tresmitise y d’usase, y tomar depues les midíes amañoses pa iguar esa situación. Ye la obligación de cualquier gobiernu que se diga democráticu, especialmente si, como nesti casu, mantien ente la xente un discursu favorable a la protección de la llingua. Pero eso, a pesar de los esfuerzos del movimientu ciudadanu de recuperación llingüística, hasta agora nun se fixo. La xornada de güei, con toa esa xente viniendo a Uvieu dende tolos puntos d’Asturies, con toos vós manifestándovos peles cais de la ciudá, demuestra que’l camín del movimientu de reivindicación llingüística nun tien vuelta atrás. Depues de tantos años ensin que vieremos llográu l’oxetivu de la oficialidá, los que pudieren apostar porque’l pasu del tiempu desinflare la reivindicación yá saben que nun va ser asina. Cada vez somos más. Yá ye más qu’evidente que tenemos paciencia y voluntá abondo pa lluchar polo que ye de xusticia hasta algamalo. Rescampla, otra vez más, daque que munchos paez qu’escaecen o quieren inorar: que dende hai tres decades una parte significativa de la sociedá asturiana reclama unos derechos que l’ordenamientu xurídicu y el poder políticu-y niega. Y eso ye mui grave. Ye un deficit democráticu intolerable nun estáu que se diz «de les llibertaes». La de la llucha pola oficialidá ye la única reclamación constante na historia recien d’Asturies que sigue ensin resolvese: namás se pide’l reconocimientu d’unos derechos que los ciudadanos d’otres comunidaes yá tienen cuantayá. Núa xornada reivindicativa como a d’hoi nun podemos nin queremos esqueicer a xente que participóu nesta movilización dende el estremo occidental d’Asturias. Ellos y ellas representan as aspiracióis d’esa parte da población asturiana que fala el gallego-asturiano, esa llingua tan nosa como a del resto del territorio d’Asturias. Tamen os falantes de gallego-asturiano tein el dereto a aspirar á normalidá prá ellos. Os principios democráticos máis básicos son os que guían al noso movemento de recuperación llingüística y por eso nun podía ser d’outro xeito qu’el Conceyo Aberto pola Oficialidá defenda el mesmo respeto llegal pral asturiano y pral gallego-asturiano. A oficialidá ten que sentar tamen as bases pra que todos cónozamos miyor esa outra realidá llingüística, pequena peró mui viva, que se fala nas veiras del Eo y el Navia. Una llingua que tien una presencia testimonial nos medios de comunicación pública, que tien un espaciu marxinal nel sistema educativu, nun pue vese con normalidá. Una llingua que nun tien validez ente les alministraciones y qu’hasta faen por quitar de los nomes de los nuesos llugares, nun pue sobrevivir. Esta descripción qu’acabamos de facer ye la mesma que se fixo n’otres comunidaes del Estáu y lo qu’en toes elles fixeron pa tornar el procesu de perda de falantes y ámbitos d’usu, foi poner les bases xurídiques faciendo oficial la llingua minorizada. La promoción fíxose abellugándola nun estatus llegal que garantizare que nun hubiere discriminación. Sicasí, n’Asturies, nestos trenta años, nengún gobiernu quixo dar esi pasu. Ún tres d’otru nun cansaron de repetir que con unes llinies de subvenciones y una presencia ruina na enseñanza yera abondo. Como ye evidente, estes polítiques nun tuvieron nengún resultáu prácticu a la hora de tornar el procesu de desapaición de la llingua. Nun vamos recordar equí los estudios sociolóxicos encargaos poles instituciones que lo demuestren a les clares. Tamos seguros de que pola esperiencia de cualquiera de los que tais equí, nes vuestres families, nos vuestros llugares, sabeislo de sobra. Ye imprescindible que los partíos políticos mayoritarios n’Asturies asuman el diagnósticu sociollingüísticu que faen los sos compañeros n’otres comunidaes: ye imposible recuperar una llingua minorizada namás coles polítiques de promoción superficial que se vinieron faciendo hasta agora. Dicho d’otra manera: nun val dicir que queremos muncho a la llingua, que nun queremos que desapaeza y a la vez nega-y un estatus llegal que la iguale en derechos. Nun se pue siguir repitiendo que se ta pol asturianu pero siempre que nun se faiga oficial. Ye como dicir que se quier muncho a un fíu pero a la vez nun garantizar que vaiga a escuela o que-y dean de comer como a los demás. Ye verdá que la oficialidá nun ye abondo pa garantizar el futuru a la llingua, pero ye imprescindible pa intentalo. Nun hai otra vía. Nunca vamos criticar nenguna midida de promoción llingüística, pero tampoco nun vamos dexar de denunciar que la promoción a cencielles nun va evitar la desapaición de la llingua. Y zarrar los güeyos a eso ye engañase. Los últimos casos de discriminación y prohibición por usar l’asturianu cola alministración son un recordatoriu claru de que n’Asturies hai un problema pendiente de falta de derechos ciudadanos. Dalgunes de les últimes resoluciones xudiciales rellacionaes con estos casos son tovía más clares. Una d’elles dulda de la constitucionalidá de la Llei d’Usu y Promoción del Asturianu por dar unos derechos que namás puen reconocese a les llingües oficiales. ¿Pue haber mayor demostración práctica de que la llei nun va aceptar más que lo que ta reconocío como oficial? Tamos asistiendo a otru procesu de reforma estatutaria. Los partíos mayoritarios nun cansen de repetir qu’esti tien que ser un Estatutu de tolos asturianos, que nun pue ser un Estatutu que se vuelva a reformar d’equí a unos pocos años. Güei venimos equí a dicir alto y claro que queremos un Estatutu onde nos sintamos reconocíos, un Estatutu que nun zarre los güeyos a la realidá d’un patrimoniu llingüísticu que ta desapaeciendo en tiempu real, que ta dexando de falase con cada xeneración que muerre y con cada xeneración que naz. Queremos un Estatutu que reconoza los mesmos derechos llingüísticos que tienen reconocíos los ciudadanos d’otres comunidaes porque nin nós nin la nuestra llingua son menos que naide. Quien niegue la oficialidá pa la nuestra llingua tien que nos esplicar por que lo que val pa otros ciudadanos, pa los asturianos nun val. Tien que nos convencer de que los derechos que se reconocen a otres llingües peninsulares nun los merez la nuestra. Tovía nun vimos nin oyimos a nengún dirixente políticu contrariu a la oficialidá esplicándonos el porque d’esa contradicción. Esti Estatutu tien que reconocer la oficialidá porque si non van tener que lu repetir. Que naide piense que’l problema súmese negándolu nel papel. Somos ciudadanos sabedores de los nuestros derechos y llevamos munchos años demostrando que nun nos damos. Y ye que la negación de los derechos ciudadanos casa mui mal cola democracia. El Conceyu Abiertu pola Oficialidá axunta a más de doscientes cincuenta entidaes: partíos políticos, sindicatos, asociaciones culturales y sociales de la pluralidá de colectivos ciudadanos. Tamien a hosteleros, comerciantes y a miles de persones a títulu individual que firmen el manifiestu fundacional del CAO. Nun hai nenguna otra plataforma que recueya de manera tan amplia y continuada a la sociedá asturiana más dinámica y organizada. Esta ye la mayor plataforma cívica d’Asturies. El nuesu llamamientu al consensu pa que nel próximu Estatutu d’Autonomía d’Asturies se reconoza la oficialidá del asturianu, y del gallego-asturianu nel so ámbitu, demuestra que buscamos el diálogu. La sociedá asturiana nun quier problemes: quier soluciones. Y eso nun se pue llograr más que col diálogu y el consensu. Nunca cola frustración nin cola imposición a una parte importante de la sociedá. Por eso, l’Estatutu nun pue imponer una Asturies monollingüe que nunca esistió. L’Estatutu tien que ser un marcu de llibertaes pa que tolos asturianos y asturianes tengan los mesmos derechos falen la llingua que falen y pa que’l so patrimoniu llingüísticu siga vivu y se tresmita nel futuru. Los partíos políticos que tienen na so mano la reforma del Estatutu tienen que facer l’esfuerzu d’encarase cola cuestión llingüística d’Asturies y poner les bases pa una convivencia ente los falantes basada nel respetu y na igualdá xurídica. El Conceyu Abiertu pola Oficialidá, con xornaes como la de güei, quier recordar que’l movimientu de reivindicación llingüística vien a traer una solución: daque tan cenciello como la oficialidá. Respetu pa toos y, polo tanto, igualdá. Con esi oxetivu convocámosvos güei equí, cola convicción de que xuntos vamos ser a llogralo. PORQUE YE DE XUSTICIA PORQUE YE LO NUESTRO NA REFORMA L’ESTATUTU, L’ASTURIANU LLINGUA OFICIAL. 27 de payares, 2007 0 FacebookTwitterPinterestEmail