Política El vídiu de campaña de Laura González lleva 50.000 visites by asturnet 15 de febreru, 2008 El vídiu de Laura González que pue vese nel blog de Henry Felgueroso lleva ya 50.000 visites en poco más d’un día. Nel vídiu del curtiumetraxe ellectoral col que la candidata d’Izquierda Xunida-Bloque Por Asturies-Los Verdes, Laura Gonzalez va facer campaña apaez el famosu taxista llangreanu, censáu en Xixón, Henry Felgueroso, debatiendo cola candidata durante un viaxe en taxi. 15 de febreru, 2008 0 FacebookTwitterPinterestEmail
Política Laura Gonzalez estrena con Henry “Driver” Felgueroso una campaña electoral asturiana estremada de lo tradicional by asturnet 14 de febreru, 2008 Ya ta disponible nel blog de Henry Felgueroso, el vídiu del curtiumetraxe ellectoral col que la candidata d’Izquierda Xunida-Bloque Por Asturies-Los Verdes, Laura Gonzalez va facer campaña. Nel mesmu apaecen el famosu taxista llangreanu, censáu en Xixón, Henry Felgueroso, debatiendo cola candidata durante un viaxe en taxi. El vidiu electoral quier ser, según IX-BA-LV un “revulsivu de les campañes electorales al usu, al tratar “los temes qu’interesen a la xente d’Asturies y que nengún otru alderique va tratar” al traviés d’un blog, “Blogorolo” col que la organización quier superar l’ausencia de debates n’Asturies. 14 de febreru, 2008 0 FacebookTwitterPinterestEmail
Política Llangréu y lAcademia de la Llingua Asturiana firmen güei un conveniu de collaboración by asturnet 13 de febreru, 2008 LAcademia de la Llingua Asturiana y el Conceyu de Llangréu firmen güei un conveniu col envís de contribuir a la normalización social del usu del asturianu nel conceyu de Llangréu, y especialmente nel de la so alministración local. La firma va ser güei y va cuntar cola presencia dEsther Díaz García, Alcaldesa de Llangréu, y Ana María Cano González, Presidenta de lAcademia de la Llingua Asturiana, que roblarán esti documentu nun actu que va tener llugar a les 13:30 hores nel Salón de Plenos de la Casal Conceyu. La firma desti conveniu de collaboración aprobóse por unanimidá de tolos grupos políticos del conceyu en comisión de Cultura, Turismu y Política Llingüística pa dempués recibir tamién el preste en Xunta Gobiernu del conceyu de fecha 22 de xineru de 2008. Ayuntamientu y Academia comprométense asina a collaborar en materia de normalización social del asturianu cola puesta en marcha de midíes afayadices quaseguren el respetu de los derechos llingüísticos de tolos ciudadanos y ciudadanes del conceyu. LAyuntamientu de Llangréu, dicen los sos responsables sigue faciendo apueste pola normalización de la Llingua Asturiana y pola consideración de la institución como axente dinamizador del procesu de normalización y promoción del usu del asturianu nel ámbitu del conceyu. 13 de febreru, 2008 0 FacebookTwitterPinterestEmail
Política Izquierda Xunida quier introducir una carta de derechos sociales nel Estatutu by asturnet 13 de febreru, 2008 Izquierda Xunida ta acabante de proponer una carta de drechos sociales que diría incluyida dientro del futuru nuevu Estatutu dAutonomía dAsturies. La candidata dIX-BA-Verdes al Congresu, Laura González, esplicó quincluyiríal drechu a la vivienda, la defensa de la llingua y la xuba de les pensiones non contributives por encima de los 500 euros. 13 de febreru, 2008 0 FacebookTwitterPinterestEmail
Política Gabino de Lorenzo: Mira que tenéis manía los socialistes a cualesquier manifestación de cultura y costumes de la nuesa tierra by asturnet 12 de febreru, 2008 El cruz de declaraciones ente miembros de la FSA-PSOE y el candidatu popular a diputáu, Gabino de Lorenzo, continua. La última de les declaraciones fízola Gabino nun mitín, dempués de quel candidatu Álvaro Cuesta dixera en Xixón que nun vendría a Xixón con boína, pero sí con sombreru, pa quitáselu. Unes declaraciones a les que lalcalde dUviéu respondió diciendo Mira que-y tenéis manía los socialistes a cualesquier manifestación de cultura y costumes de la nuesa tierra. ¿Por qué vos molesta tanto que diga dalguna pallabra nasturianu y que lleve boína? Nun ves que tengo cuatro pelos y si hai Nordés alborótenseme toos. Con esti nuevu enfrentamientu sigue la discusión ente los candidatos asturianos alrodiu la cultura y la llingua asturianes. Una discusión que va pocos díes criticaba la Xunta pola Defensa de la Llingua Asturiana por pol usu electoralista del asturianu per parte del PP y el PSOE nesta campaña. 12 de febreru, 2008 0 FacebookTwitterPinterestEmail
Política Asturies ye la comunidá más favorecida pol sistema de financiación con 3.314 euros por habitante by asturnet 12 de febreru, 2008 Asturies ye la comunidá más favorecida pol actual sistema de financiación autonómica, en términos per cápita, con 3.314 euros por habitantes, según l’estudiu sobre balances fiscales presentáu ayeri pola Fundación Josep Irla, vinculada a ERC. Pela so parte, Andalucía ye la comunidá más beneficiada nel cómputu la comunidá con un superávit de 13.997 millones d’euros nel 2005, lo que supón 1.763 euros positivos por habitantes (la metá qu’Asturies). Esti estudiu pon de manifiestu que Cataluña rexistró un déficit fiscal de 18.595 euros nel 2005, mientras que Madrid lo tuvo de 18.415 euros. En pocentaxes, significa que Madrid tuvo esi añu un déficit equivalente al 10,5 por cientu del so PIB, mientres qu’en Cataluña la diferencia ente lo pagao y lo recibío en materia fiscal asítiase nel 10,2 por cientu. La comunidá con más capacidá de gastu según l’estudiu ye Navarra, seguida d’Euskadi, Madrid, Aragón, Castiella y Llión, Cantabria, La Rioxa, Melilla y, en novena posición, Cataluña. 12 de febreru, 2008 0 FacebookTwitterPinterestEmail
Política UNIDÁ celebra una convención eleutoral n’Uviéu by asturnet 8 de febreru, 2008 Más de 100 delegaos de la coalición y miembros d’estremaos coleutivos, arroparán a los candidatos qu’UNIDÁ va presentar pal 9-M al Congresu y al Senáu, nun actu que va desendolcase de magar les 17.00 hores nel Auditoriu d’Uviéu y que cuntará cola intervención, ente otros, de los portavoces d’UNIDÁ, Germán Abad y Faustino Zapico, y los cabezaleros de llista al Congresu y al Senáu: Lali García ya Ignaciu Llope. La formación qu’axunta a Izquierda Asturiana (IAS), Andecha Nacionaliega y Asturianistes, y que se presenta col envís de que nes eleiciones del prósimu 9 de marzu se sienta una voz “netamente asturiana, verde y d’izquierdes”, presentará tamién el so programa, nel que rescamplen “la defensa d’un nuevu modelo de desendolcu pal país, frente al modelu actual que convierte Asturies nun basureru enerxéticu; la demanda d’un nuevu marcu políticu que reconoza’l calterr nacional d’Asturies y la oficialidá de la llingua asturiana; un sistema de financiación qu’asegure la viabilidá económica de los nuesos seutores productivos y el bientar social; y un apueste decidíu, énte les tentaciones represives que tamos viviendo n’Asturies, polos drechos civiles y la igualdá de sexos”. UNIDÁ plantega que la so candidatura, a diferencia de les de PSOE, PP o IU, ye la única que namás se debe a los intereses del Pueblu Asturianu y que nun ta presa n’últimu términu de les decisiones que se tomen en Madrid por fuercies que se deben a dinámiques polítiques ayenes a Asturies. 8 de febreru, 2008 0 FacebookTwitterPinterestEmail
Política El PAS nun se presenta a les elecciones xenerales del 9 de marzu y pide’l votu en blancu by asturnet 8 de febreru, 2008 Al traviés d’una comunicación a los sos militantes, la dirección nacional del Partíu Asturianista confirmó estos díes a los sos afiliaos que nin el Partíu Asturianista nin la coalición Uninón Asturianista, cola URAS, van presentase a les próximes elecciones xenerales. Ente les motivaciones d’esta decisión comenten nel comunicáu “l’enorme esfuerciu necesariu pa nun algamar nada” o “sacar unos resultaos cuasi humildantes pa la organización”. Asina el PAS, queda a la espera “de meyores momentos, recuperándose”. Amás, recuerden dende’l PAS, “cualesquier resultáu nestes elecciones va ser negativu p’Asturies”, polo qu’encamienta a los sos afiliaos y simpatizantes a votar en blancu o facer votu nulu. 8 de febreru, 2008 0 FacebookTwitterPinterestEmail
Política El Conseyu de la Mocedá va repartir 25.000 folletos fa fomentar el votu xoven by asturnet 8 de febreru, 2008 El Conseyu de la Mocedá d’Asturies entamó una campaña pa incentivar el votu ente los xóvenes nes prósimes elleiciones xenerales del 9 de marzu. Como parte d’una iniciativa del Conseyu de la Mocedá d’España van repartise nel Principáu alredor de 25.000 folletos col lema “Participa y gana. Regalo Seguro”, empobinaos a algamar la participación xoven. 36.000 d’esi millón de nuevos votantes son asturianos. “El votu xoven pue ser decisivu pa decidir quien va gobernar nel estáu español””. Paulino Feito, presidente del conseyu animó con este pallabres a la participación de los nuevos votantes, bien sía col votu o al travies d’un abstención crítica y consciente. Per otra parte, dende’l Conseyu tamien desacaron l’efeutu positivu que pue tener el debate televisivu ente fuercies polítiques y pidieron afondar n’esta fórmula cola incorporación al mesmu de fuercies sociales y ciudadanía. Conseyu de la Mocedá 8 de febreru, 2008 0 FacebookTwitterPinterestEmail
Política Consuelo Vega y Ana Cano devuelven la normalidá a les rellaciones ente lALLA y Política Llingüística by asturnet 7 de febreru, 2008 Les tormentoses rellaciones que vivieron lAcademia de la Llingua Asturiana y la Conseyería de Cultura nos cuatro años de xestión de la Oficina de Política Llingüística por Ramón dAndrés, llevaron a les dos instituciones a una falta de diálogu y una collaboración nula, col abandonu per parte de lALLA de la Xunta de Toponimia. Dendel nomamientu de Consuelo Vega como Directora de Política Llingüística esti clima foi camudando y paez que les feríes van zarrándose, tornando, de la mano de les dos cabezaleres, a una nueva etapa de collaboración. El primer alcuentru entre la, daquella, recién nomada Consuelo Vega y la presidenta de lALLA foi na inauguración de lArribada 2007, en setiembre, y ellí yá amosaron dambes dos la so disponibilidá pal diálogu y la collaboración. En payares, lAcademia celebról II Congresu Internacional de Lliteratura Asturiana y na inauguración participaron les dos, faciendo Ana Cano un llamamientu a la Directora Xeneral de Cultura, pa que se normalice dafechu la relación ente la institución y la Conseyería de Cultura del Principáu. Pasu ente pasu, les conversaciones fueron avanzando y entamen a vese los primeros resultaos desta vuelta a la normalidá nes rellaciones de la Conseyería y la máxima institución del idioma asturianu. El primer de los pasos vieno cola vuelta de lAcademia a los conceyos de la Xunta de Toponimia, quhasta agora celebró namás una sesión, y agora vuelve a cristalizase na asistencia conxunta de les dos instituciones a la esposición Expolangues, que ta abierta en París los díes dende ayeri y hastal 9 de febreru. 7 de febreru, 2008 0 FacebookTwitterPinterestEmail