Política Isidro Fernández Rozada y Gabino de Lorenzo declárense a favor de la oficialidá ensin obligatoriedá by asturnet 29 de febreru, 2008 Gabino de Lorenzo da güei anuncia, nel periódicu Les Noticies, de la posición no que cinca al asturianu y desveló que ye partidariu dincluyir la oficialidá del asturianu na reforma del Estatutu dAutonomía. El candidatu popular al Congresu por Asturies aseguró que ta claro que al asturianu-y fai falta una solución, como la tuvieron les otres llingües españoles. Pa De Lorenzo la oficialidá pue formar parte desa solución, siempres que nun vaya xunto cola obligatoriedá, a lo quañadió que Dempués de trenta años, yá llegól momentu de ponenos dalcuerdu y apoyar como se merez lo que nunca tuvo que ser un problema. Lo mesmo que Gabino de Lorenzo, el númberu dos de la candidatura popular, Isidro Fernández Rozada, espresába a favor de la oficialidá ayeri nuna entrevista en Canal 10, na que declaró partidariu desa midida, La oficialidá consiste en potenciar lusu de la llingua, esplicó Fernández Rozada. Un cambiu de postura bien importante nun políticu conocíu tovía pol casu de la tía Nemesia. 29 de febreru, 2008 0 FacebookTwitterPinterestEmail
Política Laura González pide mayores inversiones pal centru cultural Oscar Niemeyer by asturnet 29 de febreru, 2008 “La falta de compromisu económicu col Niemeyer tien tamien un reflexu nel presupuestu extraordinariu, que ya dixo la Conseyera que díbamos ser irresponsables si nun lu aprobáramos, porque contien 400.000 euros más, mientres que’l circuitu Fernando Alonso tien una partida de 1,5 millones d’euros”. Nestos terminos se pronució esta mañana la candidata al congresu los diputaos por IX-BA-Verdes durante l’actu que cellebró na antigua estación de FEVE d’Aviles. González manifestó n’Aviles la intención de lllevar p’alantre varios proyectos pa la ciudá como son: el soterramientu de les víes Feve, la creación de la ronda norte pa desviar el tráficu pesáu de camiones na villa y fomentar un mayor sofitu económicu pal Centru Oscar Niemeyer. A esti respectu, la candidata d’izquierdes considera que los tres millones y mediu de presupuestu pa entamar les obres nel Niemeyer van ser escasos y que’l presupuestu d’axudicación de les obres va quedar curtiu. 29 de febreru, 2008 0 FacebookTwitterPinterestEmail
Política El Partíu Carlista dAsturies denuncia que nun-y dexen presentase col nome de la formación nasturianu by asturnet 28 de febreru, 2008 El Partíu Carlista dAsturies emitía nes últimes hores un comunicáu nel que denuncia un nuevu casu de represión llingüística, que pa los carlistes asturianos produzse pola falta dun marcu xurídicu que realmente protexa la llingua asturiana. El casu en cuestión, comenten los responsables de la formación consistió en qual partíu políticu más antiguu dAsturies nun-y permitan presentase a les próximes elecciones col so nome nasturianu, Partíu Carlista dAsturies. El Partíu Carlista recuerda que dalcuerdu colos Estatutos vixentes del Partido Carlista, dende la so llegalización como formación política en 1977, les agrupaciones territoriales del Partido Carlista tienen el deber y el derechu dutilizar na so denominación la llingua vernácula del so correspondiente asina como a facer referencia al ámbitu territorial sobrel quactúen na so denominación. Polo que la demonación de los carlistes dAsturies ye Partíu Carlista dAsturies. Por embargu, y según afirmen dende la organización, el día 31 del pasáu mes de xineru, al representante electoral del Partíu Carlista énte la Xunta Electoral Provincial dAsturies, negóse-y la posibilidá de que les candidatures del PC nAsturies pa les próximes elecciones xenerales llevaren la denominación Partíu Carlista dAsturies, o hasta la de Partido Carlista-Partíu Carlista. Énte esti problema, el PC dAsturies desplicó-y al funcionariu de la Xunta Electoral Provincial quen Cataluñal PC, nuna situación llegal asemeyada, presentárase a les mesmes elecciones ensin dengún problema como Partit Carlí de Catalunya, la rempuesta del funcionariu, siguen nel comunicáu, foi queequí nun hai cooficialidá. La rempuesta del funcionariu da a entender al Partíu Carlista questi nuevu casu de negación de los derechos llingüísticos que nos correspuenden a los Asturianos dalcuerdu colos principios democráticos más fundamentales vien a amosar otra vuelta que lúnicu marcu xurídicu-políticu nel que la Llingua Asturiana va poder ser utilizada ensin dengún tipu de torgues llegales por quien lo quiera ye la oficialidá. El Partíu Carlista dAsturies presentáse nAsturies al Congresu y al Senáu y recuerda que demientres nun llogremos que lasturianu seya una llingua oficial, el so futuru como llingua dusu asina como los nuesos derechos llingüísticos como pueblu van tar na más absoluta precariedá. Páxina del Partíu Carlista d’Asturies 28 de febreru, 2008 0 FacebookTwitterPinterestEmail
Política IX cellebra la refuga de Gabino al proyectu de “les trillizes” pero alvierte de futuros oxetivos d’especulación by asturnet 28 de febreru, 2008 Laura González cellebró la refuga del alcalde d’Uvieu Gabino de Lorenzo a siguir col proyectu de construcción de les tres torres de Calatrava na parcela de El Vasco. La candidata d’IX-BA-LV al congresu de los diputaos nes prósimes eleiciones, mostró’l so deseu de que esta decisión de de Lorenzo nun sía namái una estratexa electoral del popular. González tamien anticipó los que, al so xuiciu, van ser los nuevos oxetivos de la especulación urbanística n’Uvieu: los terrenos de El Cristo-Buenavista y la fábrica de La Vega. La candidata d’izquierdes instó al gobiernu asturianu a rectificar la so postura de silenciu nestes materies. 28 de febreru, 2008 0 FacebookTwitterPinterestEmail
Política El Conceyu Abiertu organiza un alderique sobrel derechu al votu de les persones inmigraes by asturnet 27 de febreru, 2008 Mañana miércoles a les 19,30 hores SOS Racismu organiza esta charra na que van intervenir Isabel Martínez Luna, portavoz de SOS Racisme- Catalunya. Una charra na que SOS Racismu va esplicar la so reinvidicación que ye algamar el reconocimientu del drechu al votu pa les persones inmigraes polos Conceyos, Partíos Políticos y Parlamentu del Principáu dAsturies, asina como promover el cambiu constitucional que reconozal drechu al sufraxu de toles persones residentes estranxeres mayores de 18 años, eliminandol requisitu de tener nacionalidá española o ser ciudadanos comunitarios, pa poder esfrutar desi derechu. Amás van pidir lapoyu políticu, asociativu, cultural y ciudadanu pa promover un movimiento ampliu en pro de la igualdá de drechos y de la reformulación del conceptu de ciudadanía. La charra va ser nel Conceyu Abiertu, asitiáu na cai La Gascona 12, Baxu-A, Uviéu. 27 de febreru, 2008 0 FacebookTwitterPinterestEmail
Política El PP acusa a la TPA de manipulación nel programa posterior al alderique del llunes by asturnet 27 de febreru, 2008 El PP asturianu acusó a Televisión del Principáu d’Asturies (TPA) de tratar de beneficiar al PSOE Nel programa que la canal emitió esti llunes, dempues del alderique ente los dos candidatos a la presidencia del gobiernu. Los populares asturianos esixeron el cese inmediatu del responsable de la emisión y dirección del programa. Según el PP el programa taba preparáu d’antemano pa favorecer los intereses de partíu socialista. “Namái basta con mirar los perfiles socialistes de dalgunos intervinientes pa dase cuenta de lo que buscaba la dirección d’informativos de la TPA, responsable directa de la dirección y emisión d’esta vergoñosa charra a favor del PSOE”, deniciaren dende’l PP. Los redactores de TPA, pola so parte y nun cominicáu, negaren cualquier intentu de manipulación por parte de la canal autonómica. Amás defendieron “l’abosluta y total independencia informativa de la redacción en tolos temes qu’aborden nos sos espacios”, al tiempu que convidaron al PP a llevar l’asuntu a la Xunta Electoral Central si lo creen conveniente. Según la redacción de la Televisión del Principáu d’Asturies, el PP vien intentando imponer a los servicios informativos de TPA’l conteníu del espaciu electoral y les persones que deben apaecer n’elli. Amás denunciaren les constantes torgues que nel trabayu-yos ta poniendo l’equipo de campaña de la candidatura de Gabino de Lorenzo. 27 de febreru, 2008 0 FacebookTwitterPinterestEmail
Política La Xunta de Toponimia va ponese al llabor con Tinéu, Ribeseya, Bual, Quirós ya Illas by asturnet 27 de febreru, 2008 El llunes pasáu aconceyó la Xunta de Toponimia embaxo la presidencia de la directora xeneral de Promoción Cultural y Política Llingüística, Consuelo Vega y cola participaron los miembros del director xeneral d’ordenación del territoriu y urbanismu, Guillermo Morales, y los vocales Ana María Cano pola Academia de la Llingua Asturiana, Francisco Javier Fernández Conde pola Universidá d’Uviéu y los asignaos pola Conseyería de Cultura, Fernando Álvarez-Balbuena y Ramón d’Andrés. Nel conceyu aprobóse un nuevu “Protocolu d’actuación de les sesiones de la Xunta Asesora de Toponimia”, diéronse empiezu a los trabayos pa la ellaboración del Dictame Definitivu de la XAT sobre los topónimos de los conceyos de Sobrescobiu y Cangues d’Onís y entamaron los primeros trabayos pa ellaborar lespediente toponímicu de Tinéu, Ribeseya, Bual, Quirós ya Illas. 27 de febreru, 2008 0 FacebookTwitterPinterestEmail
Política Xixón entama a cumplir la llei nel usu de la toponimia oficial by asturnet 27 de febreru, 2008 Lalcaldesa de Xixón, Paz Fernández Felgueroso, emitió esti dia una orde pola que da un plazu máximu d’un añu a los técnicos y políticos municipales pa quentainen na aplicación real de los topónimos oficiales de Xixón, quhasta agora vien siendo mui escasa, como denunciabal Partíu Popular xixonés apocayá na Xunta Rectora de la Fundación Municipal de Cultura y al traviés del so representante, lasturianista Humberto Gonzali, amás de con un comunicáu que se convertía nel primer redactáu nasturianu pol Partíu Popular de Xixón. Lalcaldesa firmó una instrucción na que reclama a los servicios muncipales que tengan al so cargu la rotulación de cais y carreteres deben adecuar nel plazu de 12 meses les rotulaciones a les denomaciones oficiales. La orde faise estensiva a los planos oficiales y a la páxina web del conceyu. Amás, otra orde establez que tolos servicios municipales tienen dusar les denomaciones oficiales nos documentos y espedientes alministrativos municipales. La tercer disposición impón a la unidá dintegración corporatival llabor dinformación sobre cualesquier dulda que xurda nel procesu. Con esta midida paez que va solucionasel problema dincumplimentu de la llei que venía dándose en Xixón, dende quel 4 dochobre de 2006 sespublizaren los topónimos oficiales nel BOPA. El PP xixonés denuncia la política llingüística que se fai nel consistoriu 27 de febreru, 2008 0 FacebookTwitterPinterestEmail
Política Unidá denuncia la marxinación d’Asturies y pide la so reconocencia como nación by asturnet 27 de febreru, 2008 “Ye preciso acabar col mitu de l’Asturies subvencionao y negociar col estáu un modelu fechu dende Asturies y p’Asturies porque sin soberanía fiscal pa poder xestionar los nuesos impuestos nun pue haber autogobiernu políticu”. Nestos terminos se pronunció esta mañana la candidata al congresu de los diputaos por UNIDÁ, Lali García, durante la presentación de les propuestes d’Estáu de la coalición. Ignaciu Llope, cabeda de lista al senáu qu’acompañó a García durante l’actu, tamien criticó la marxinación que sufre Asturies dientro d’esti modelu d’Estáu por mor de cuntar con un estatutu “de tercer división” que nun defienda aspeutos tan básicos como la oficialidá de la llingua asturiana nin la condición nacional d’Asturies. La cabeza de llista tamien afirmó que “anguaño nun hai nenguna formación política con representación que defenda abiertamente midíes que tornen la marxinación d’Asturies con una postura desacomplexada que nos asitie en primer división reconociendo tanto la plurinacionalidá y el plurillingüismu del estáu como la necesidá de que’l nuesu país seya reconocíu como una de les naciones integrantes del mesmu, polo que resulta más necesaria que nunca la existencia nel panorama políticu d’una opción como UNIDÁ“ 27 de febreru, 2008 0 FacebookTwitterPinterestEmail
Política El gobiernu del PSOE ya Izquierda Xunida en Xixón remata un llargu procesu col cumplimientu de la toponimia oficial by asturnet 27 de febreru, 2008 Dende la llegada al gobiernu municipal de Xixón, en 2004, de la coalición formada pol PSOE ya Izquierda Xunida-Bloque por Asturies, les polítiques de normalización llingüística vienen ocupando una parte importante del alderique políticu xixonés. La FSA ya IX firmaben entós un alcuerdu pa gobernar nAsturies y nos conceyos, onde lasturianu ocupaba una parte importante de les midíes alcordaes. Sicasí, limcumplientu de parte desti alcuerdu, que se formalizó col Plan de Normalización Llingüística, llevó a importantes tensiones ente les dos fuercies, que sumao a otres cuestiones, fizo quen 2007 nun se repitierel pactu. Pero nun foi asina en Xixón, onde les dos fuercies repitieron el pactu de 2004, faciéndose cargu esta vegada Izquierda Xunida, duna Conceyalía de Cultura Tradicional y Política Llingüística, dirixida por Jesús Montes Estrada Churruca y llegando a dello alcuerdos nos que taben fomentar lusu institucional y públicu del asturianu nel ámbitu del conceyu nos términos nos que salcuerde, la creación dun nuevu Conseyu Asesor de la Llingua y la ellaboración dun plan dusos y unes ordenances acordies cola normativa vixente. Foi yá na primer intervención nel Plenu de Constitución de la nueva corporación, el 16 de xunu de 2007 cuando Churruca recordó que dende la so formación nun podemos escaecer el problema de llibertaes provocáu pol non reconocimientu de la Oficialidá de la llingua asturiana, amás de recordar que Dende esti ayuntamientu tenemos qu’enfotanos nes polítiques necesaries pa garantizar un usu normalizáu del asturianu nes rellaciones ente la ciudadanía y la so alministración, pa garantizar que nengún xixonés puea sentise discrimináu pol usu de la so llingua materna. Nesi momentu anunció que nesti mandáu actual van desarrollase les midíes que faiga falta pa la normalización social del asturianu, aprobando pa ello unes Ordenances Municipales que regulen l’usu de la llingua nel Conceyu. Ordenances que provocaron nel so día la dimisión en bloque del Conseyu Asesor de la Oficina de la Llingua de Xixon y que tovía güei nun ta aprobáu. Sicasí, el gobiernu de Xixón, yá anunció que va proceder a laprobación nun plenu desti próximu branu. Sobre la necesidá de la oficialidá, quIzquierda Xunida lleva nel so programa, comentó nel 2006 Jesús Montes Estrada que nes negociaciones col PSOE nel asuntu de la oficialidá nun se nos pueden pidir xuegos malabares nin que nos quememos a lo bonzo. Yá entóa reconoció les dificultaes énte la negociación col PSOE del nuevu estatutu y tocante a la inclusión del asturianu oficial señaló que sabemos perfectamente que van dicinos non. Per otru llau, llevóse nesto años alantre, el procesu doficialización de los topónimos tradicionales quafitaba la Llei dUsu del Asturianu de 1998 y que terminó cola aprobación per parte del gobiernu asturianu y la so publicación nel BOPA, el 4 dochobre de 2006. Una toponimia, que salvo escases escepciones, nun llegó a aplicase nos documentos y cartelería del consistoriu. Izquierda Xunidá amosó publicamente nesi tiempul so descontentu con esa situación y a principios desti mes de febreru sumósel Partíu Popular xixonés a esta reclamación con un comunicáu nel que denunciaba esta situación y pidía que se ficiere cumplir la llei. Otres organizaciones culturales y polítiques ensin representación nel consistoriu xixonés ficieron públiques tamién delles protestes. El 22 de febreru, lAlcadesa daba rempuesta a la reclamación dIzquierda Xunida de cumplimientu de los pactos firmaos cola formación y emitía una instrucción na que recordaba la obligatoriedá del usu de la toponimia aprobada como oficial y daba un plazu dun añu pa ladaptación de les distintes estayes de lalministración municipal. Con esti nuevu pasu la toponimia de Xixón algama lestatus que dende 1998-y daba la Llei dUsu del Bable/Asturianu aprobada cola negativa de la FSA ya incumplida de contino nestos diez años de vixencia. 27 de febreru, 2008 0 FacebookTwitterPinterestEmail