Política Izquierda Xunida y PSOE critiquen la postura de Gabino de Lorenzo col asturianu, que pa los socialistes sepártalu más del so partíu by asturnet 5 de marzu, 2008 Dempués de que Gabino de Lorenzo volviere a defender la oficialidá del asturianu y la normalidá del so usu nes instituciones, Izquierda Xunida y el PSOE coincidíen ayeri nes crítiques al guiñu asturianista del cabezaleru de la candidatura asturiana del Partíu Popular pa les eleccioens xenerales desti domingu. Al candidatu socialista, Álvaro Cuesta, esti guiñu paéz-y mui graciosu y un xestu de quel llider ta cada vegada más distanciáu del so partíu. Pela so parte, la candidata dIX, Laura González, consideró la petición de votu a los asturinistes desquierdes, fecha por De Lorenzo, como daqué desesperao y alloñao de toa coherencia política. Asina, pa González, Gabino de Lorenzo nun fala con coherencia. La xente sabe perfectamentel so importante trabayu a favor de la normalización llingüística nos dieciséis años que lleva al frente del Ayuntamientu dUviéu: nada de nada. Amás recordó al candidatu, que la esquierda asturianista yá tien a quien votar esti 9-M. 5 de marzu, 2008 0 FacebookTwitterPinterestEmail
Política Izquierda Xunida d’Asturies estrena un nuevu “cómo se fizo” del vidiu electoral protagonizáu por Henry Felgueroso by asturnet 5 de marzu, 2008 Izquierda Xunida d’Asturies estrena un nuevu “cómo se fizo” del vidiu electoral protagonizáu por Henry Felgueroso y la candidata al Congresu por Asturies, Laura González. 5 de marzu, 2008 0 FacebookTwitterPinterestEmail
Política Almudena Grandes pidió’l votu pa Izquierda Xunida a la xente de la cultura asturiana by asturnet 5 de marzu, 2008 “Pa cualquier ciudadanu progresista y con idega de tresformación ye necesario votar a Izquierda Xunida”. Almudena Grandes quiso sofitar, con estes pallabres, la candidatura d’Izquierda Xunida- Bloque por Asturies-Los Verdes, nun alcuentro nel que la escritora y Laura González aconceyaron con dellos representantes del mundio cultural asturianu. A la cita d’esta mañana en Xixón acudió xente como Ramon Luis Bande, Adolfo Camilo Díaz, Xulio Antibio, Ricardo Menendez Salmón, Mar Perez o Brenda Azcaray ente otros. Enantes de Grandes, la candidata d’IX-BA-Verdes al congresu reclamó mayor presupuestu públicu p’actividaes culturales y que se faiga un apueste seriu polos creadores xóvenes. González nun quiso dexar pasar la ocasión pa criticar el actu que tien programao Gabino de Lorenzo xunto col actor Arturo Fernández pal cierre de campaña del Partíu Popular al que calificó d’espectáculu. Según la política avilesina, la campaña de De Lorenzo nun dió de sí tolo que las xentes del PP esperaben d’ella. 5 de marzu, 2008 0 FacebookTwitterPinterestEmail
Política Andecha Astur consigue homologar les papeletes nasturianu pal Congresu y el Senáu by asturnet 4 de marzu, 2008 Andecha Astur va emitir esta tarde un comunicáu ampliando la información, perol diariu dixital Asturnews pudo conocer yá en primicia les reacciones del representante desta formación énte la Xunta Electoral, Toño Martínez, a la decisión desta institución dhomologar les papeletes presentaes pola formación nacionalista desquierdes en llingua asturiana. Esta decisión supón, que per primer vegada na hestoria, va ser posible votar cola papeleta redactada nasturianu. Andecha Astur lleva años reclamando esti drechu y yá nel añu 1995 nun nos presentemos por negásenos el drechu a presentamos n’asturianu recuerda Martínez. Más tarde, en 1999, la formación algamó nel Tribunal Constitucional que se reconociera la posibilidá desti usu. Sicasí, va cuatro años tovía se declaron nulos dellos votos nAsturies por tar nasturianu, énte lo quAndecha Astur intentó que constase nacta que la razón fuere tar redactaes nasturianu, cola negativa consiguiente. Les primeres impresiones de Toño Martínez dempués de recoyer les papeletes yá homologaes y la notificación del alcuerdu de la Xunta Electoral foi felicitase de que Por fin va poder votase nasturianu. La notificiación de la Xunta Electoral recueye que les papeletes asoleyaes por Andecha Astur pal Congresu y pal Senáu nasturianu tán homologaes pa la so distribución. Amás, recuerden dende Andecha Astur, Les papeletes presentaes por Andecha Astur son dafechu válides pa emitir el votu, anque les del Senáu nun van poder ofrecese nos colexos electorales, al tar los candidatos dAndecha Astur yá marcaos cola cruz. Sicasí, les papeletes asoleyaes pola alministración siguen tando en castellán. Una cuestión que nel futuru podría camudar dempués desta decicisón de la Xunta Electoral. Un futuru que los representantes dAndecha comenten la verdá que nun sabemos tovía les repercusiones que pue tener nun futuru. Les elecciones del 9 de marzu de 2008 serán recordaes como les primeres nes que se puea votar nasturianu. 4 de marzu, 2008 0 FacebookTwitterPinterestEmail
Política El Círculu Lliberal pidel votu de los asturianistes pol PP palgamar la naguada oficialidá by asturnet 4 de marzu, 2008 Al traviés dun artículu espublizáu nel so blogue pol so vicepresidente, el Círculu Lliberal, recuerda güei lesfuerzu de munchos asturianistes por conseguir la oficialidá de la nuestra llingua pue vese recompensáu agora. Nel mesmu artículu, recuerden Yel momentu, de qual marxe de les simpatíes que despierten los partíos y los sos dirixentes a nivel nacional, los asturianistes del PAS, del URAS y dotres organizaciones nacionalistes dean el so votu al PP, la fuerza necesario a los sos dirixentes asturianos pa que puedan defender los derechos de los falantes y algmar la naguada OFICIALIDÁ. Artículu del Círculu Lliberal dirixíu a los asturianistes 4 de marzu, 2008 0 FacebookTwitterPinterestEmail
Política Laura González diz que nengún de los candidatos tuvo a l’atura nel alderique del llunes by asturnet 4 de marzu, 2008 “Tal paez que ye más relevante la opinión de los expertos en imaxen y telexenia que los problemes reales de la xente”. Asina describió la candidata al congresu los diputaos por IX-BA-Verdes, Laura González, l’alderique d’ayeri ente Zapatero y Rajoy. Según González, a la que’l debate-y paeció mediocre, nin Rajoy, que demostró no tener entidá suficiente pa ser presidente’l gobiernu, ni Zapatero tuvieron a l’altura de les expectatives creaes. 4 de marzu, 2008 0 FacebookTwitterPinterestEmail
Política Gabino de Lorenzo pidel votu a tolos asturianistes pa defender la nuestra forma de falar, la nuestra cultura by asturnet 3 de marzu, 2008 Según informaron dende fontes cercanes al Partíu Popular, el cabeza de llista desta formación al Congresu por Asturies, Gabino de Lorenzo, pidió ayeri domingu, en Cangues d’Onís, el votu de los asturianistes, y ente éstos tamién de los que, según dixo, seyan d’izquierdes, nun actu celebráu nel cine Colón, nel que solicitó l’apoyu electoral dirixéndose a los asturianistes Votái por Gabino, que cree no mesmo que vosotros. Amás, De Lorenzo, cargó contra los socialistes, a los que reprochó que critiquen l’usu qu’él fai de la llingua asturiana. Falo asturianu porque me da pola gana y los socialistes echen fumu cada vez que digo una palabra n’asturianu, manifestó. Otra de les cuestines llamatives nel discursu desti domingu foi la utilización del términu país, que De Lorenzo utilizó pa refirise a Asturies. Recordando que, una vez qu’ocupe’l so escañu nel Congresu de los Diputaos, y en referencia a Asturies, esti país va ser defendíu, la nuestra forma de falar, la nuestra cultura. El mitín del candidatu del PP finó coles actuaciones del gaiteru Vicente Prado, El Pravianu y el monologuista José Manuel, “El Maestru”. Una presencia d’artistes que ye habitual nos sos dicursos d’estos díes, cuntando cola presencia, esti vienres, del actor Arturo Fernández, en Xixón. 3 de marzu, 2008 0 FacebookTwitterPinterestEmail
Política Bloque por Asturies critica les declaraciones de Gabino sobre l’asturianu y pide al PP que defina la so posición de cara al estatutu by asturnet 3 de marzu, 2008 “Querríamos saber cual va ser el discursu del PP el diez de marzu y cual va ser el so posicionamientu nel estatutu. Si realmente apuesten pol asturianu, pola oficialidá, ye’l momentu de dar pasos. Y sobre tou n’Uvieu, que ye una ciudá onde l’asturianu brilla pola so ausencia”. Asina contestó’l secretariu d’organización del Bloque por Asturies, Pablo Fernández, a les declaraciones de Gabino de Lorenzo (pidiendo’l votu a los simpatizantes de la izquierda asturianista), nuna rueda de prensa en Lluanco, na que participó esta mañana xunto a Laura González y dellos miembros d’IX de la localidá. Según Fernández, el candidatu popular tien un desconocimientu fondu de lo que ye la realidá política d’Asturies al pidi-y el votu al asturianismu. “Pensamos que tien que tener unes espectatives mui males cuendo apela al asturianismu d’izquierdes pa votalu”. El secretariu d’organización del Bloque por Asturies tamien-y reclamó seriedá al alcalde d’Uvieu a la hora de referise al asturiano como “bables”. Pal miembru del Bloque, esto ta escontra la normativa qu’establez l’Academia de la Llingua Asturiana, polo que-y entrugó a Gabino si va reconocer a l’academia y les sos instrucciones llingüístiques nel futuru. 3 de marzu, 2008 0 FacebookTwitterPinterestEmail
Política El Supremu va decidir esta tarde si suspende l’alderique como piden IX, PVN y CiU by asturnet 3 de marzu, 2008 IX, PVN y CiU pidieron al Tribunal Supremu la suspensión del segundu alderique ente los candidatos a la presidencia de PSOE Y PP, Jose Luis Rodríguez Zapatero y Mariano Rajoy. La Estaya Septima de lo Contencioso-Alministrativo del Tribunal Supremu va aconceyase de magar les cinco la tarde y va dar a conocer la so decisión enantes del entamu del mesmu y namái en casu de que prospere la petición de suspensión. 3 de marzu, 2008 0 FacebookTwitterPinterestEmail
Política IX cellebró’l so actu central de campaña en Xixón cola presencia de Gaspar Llamazares by asturnet 2 de marzu, 2008 Gaspar Llamazares foi el protagonista nel actu central de la campaña electoral que ta faciendo IU-BA-Verdes n’Asturies nun eventu qu’axuntó nel pabellón Asturias de la feria de muestres de Xixón a cásique 1000 simpatizantes. El candidatu d’Izquierda Xunida a la presidencia del Gobiernu pidió n’Asturies el votu de los obreros asturianos y españoles de cara a les proximes eleiciones. L’actu tuvo marcáu pola especial sensibilidá de los intervinientes cola causa palestina ya que tolos miembros de la candidatura que falaron, fizierenlo con un pañuelu palestín al cuellu. Pela so parte, la candidata al congresu de los diputaos, Laura González dexó claro que la coalición tien esperanzses en algamar esi diputáu. González llamó al so electoráu a votar pa da-y la vuelta al determinismu políticu de les encuestes que reparten los ocho diputaos ente PP y PSOE y dixo que de salir escoyía “va face-yos mover el culu el restu de diputaos”. Nel actu de la colición d’izquierdes tamien participaren Nacho González, voceru de los Verdes, y y Rafael Palacios, voceru nacional del Bloque por Asturies. 2 de marzu, 2008 0 FacebookTwitterPinterestEmail