Política Sindicatos, empresarios, iglesia y universidá faen les primeres valoraciones de los resultaos electorales by asturnet 10 de marzu, 2008 Televisión Española recoyó les primeres valoraciones, que sobre los resultaos electorales ficieren delles personalidaes asturianes del ámbitu de la iglesia, el sindicalismu, el sector empresarial y la universidá. El vidiu muestra les opiniones de Justo Rodríguez Braga, Secretariu Xeneral d’UXT; Antonio Pino, Secretariu Xeneral de CCOO; Severino García Vigón, Presidente de FADE; l’Arzobispu d’Uvieu, Carlos Osoro; el Catedráticu de Socioloxía, Rodolfo Gutierrez ya’l Rector de la Universidá d’Uvieu, Juan Vázquez. 10 de marzu, 2008 0 FacebookTwitterPinterestEmail
Política Baxa la participación en comparación colos comicios de 2004 by asturnet 9 de marzu, 2008 La participación nestes eleiciones xenerales baxó cásique dos puntos con respectu a los anteriores comicios de 2004. Según los datos avanzaos pol Ministeriu del Interior a les 18:30 hores y col 61,09 por cientu del electoráu habiendo pasao poles urnes , la participación yera d’un 63,02% por cientu. Los analistes apunten a que la participación al cierre de les urnes va ser superior al 70 % anque lixeramente inferior al 77,26% de les anteriores eleiciones. 9 de marzu, 2008 0 FacebookTwitterPinterestEmail
Política El Partíu Socialista gana les elecciones y llogra 169 escaños by asturnet 9 de marzu, 2008 Col 99,99 % del total de los votos escrutaos, el ganador d’estes elecciones ye’l PSOE. Los socialistes algamen 169 escaños con 11.057.250 votos frente a los 10.164.494 del PP, que consigue d’esta forma 154 diputaos nel congresu. Izquierda Unida pela so parte, saca tres diputaos con un total de 962.548 votos frente a los cinco qu’algamare nos comicios de 2004. N’Asturies los ocho diputaos repártense a partes iguales pa PP y PSOE. Izquierda Xunida-Bloque por Asturies-Los Verdes nun va tener representación nel congresu por mor de nun ser suficientes los 49.294 que contabilizó, un 7,35% del total. 9 de marzu, 2008 0 FacebookTwitterPinterestEmail
Política Asturnews va ufrir mañana en directu los resultaos de les elecciones más reñíes de la hestoria by asturnet 7 de marzu, 2008 Asturnews, en collabroración con soitu.es, va ufrir, en directu, minutu a minutu, y a tiempu real, l’escrutiniu de los resultaos de les eleiciones del 9 de marzu. Al travies d’una ferramienta creada polos responsables de soitu.es y dende les 20:00 hores del domingu, Asturnews va sirvir a los sos llectores los resultaos ellectorales de la forma más actualizada posible. Esta aplicación ta disponible en varios idiomes, ente ellos l’asturianu, y va poder usase tamien en castellanu, catalán, gallegu, euskera, ingles, frances, alemán, italianu y portugues. El trabayu de l’aplicación que va ufrir los resultaos electorales débese al equipu d’informáticos y especialites na Rede de soitu.es col asturianu Raul Rivero como cabezaleru nesti desendolcu que soitu.es ufierta tamién a tolos blogs que quieran emplegalu dende la direición www.soitu.es/elecciones. 7 de marzu, 2008 0 FacebookTwitterPinterestEmail
Política ETA tiñe dencarnáu la campaña col asesinatu dun ex-conceyal socialista nel País Vascu by asturnet 7 de marzu, 2008 Asocedía a les 13:25, na llocalidá de Mondragón: ETA volvía a matar nes selmanes prevíes a la campaña. Daqué que ye vezu nesta banda dende lañu 1977 y que nun volvió a ocurrir dende lañu 2000, cuando asesinaron a otru conceyal y al so escolta, nos díes previos a les elecciones, Fernando Buesa. Lasesináu ye Isaías Carrasco, ex-conceyal del PCE, retiráu de la política y ensin escolta. Lex-políticu taba nel momentu nel que-y pegaron ente trés y cuatro tiros, en presencia de la so muyer y fía. Tolos partíos acaben de suspender los actos de fin de campaña preparaos pa esta nueche. Nel Congresu, van aconceyar esta tarde tolos partíos pa tratar el tema y previsimiente, facer un comunicáu conxuntu. 7 de marzu, 2008 0 FacebookTwitterPinterestEmail
Política Laura González condena l’atentáu fascista d’ETA y suspende la so campaña by asturnet 7 de marzu, 2008 Alredor de les 14:30 y momentos dempues de conocer l’asesinatu del ex-conceyal socialista, Isaías Carrasco a manes de la banda terrorista ETA, la candidata d’IX-BA-Verdes mostró la condena de la coalición a los fechos y la so solidaridá cola so familia y los compañeros socialistes. IX-BA-Verdes tamien anunció la suspensión de tolos actos electorales d’esti cierre da campaña. “Queremos insistir en que l’únicu mensaxe nel día de güei tien que ser la xuntanza frente a los asesinos de ETA”, afirmó Laura González. 7 de marzu, 2008 0 FacebookTwitterPinterestEmail
Política IU-BA-Verdes alvierte de les consecuencies d’una nueva mayoría absoluta nun vidiu by asturnet 6 de marzu, 2008 Izquierda Xunida- Bloque por Asturies-Verdes ta acabante de colgar na rede un nuevu vidiu, nel que pide’l votu recordando les consecuencies que pue traer una mayoría absoluta del PSOE. Nos cuatro minutos que dura’l montaxe apaecen declaraciones de Mariano Rajoy, durante’l desastre ecolóxucu del Prestige, o les más recientes sobre’l cambiu climáticu, y d’otros políticos del so partíu como Ana Botella. Otros momentos del vidiu incluín entrevistes a los líderes sisndicales de Comisiones Obreres y UGT na epoca de les grandes fuelgues xenerales durante’l gobiernu de Felipe González, y del propiu ex-presidente del gobiernu. Too ello va acompañao de la frase “Vota sin miedo, vota Laura”, eslogan col que los responsables de campaña d’IX d’Asturies piden el votu d’izquierdes. 6 de marzu, 2008 0 FacebookTwitterPinterestEmail
Política Laura González cree que la posición del PP a favor de la oficialidá podría arrastrar al PSOE by asturnet 6 de marzu, 2008 La candidata al Congresu dIzquierda Xunida por Asturies, Laura González, concedía ayeri una entrevista al programa La Lupa, de Canal10, nel mesmu, declaró que si la condición questablez el PP para respaldar la oficialidá del asturianu ye que nun implique imposiciones, como aseguró Pilar Fernández Pardo, nun habrá nengún problema porque nunca nun será asina. Anque reconoció que nun se creía les declaraciones de los populares, que de ser ciertes, dixo, podríen arrastrar al PSOE a camudar de postura cola oficialidá. Pa González les declaraciones de De Lorenzo son poco creibles, porque en campaña dícense munches coses que dempués nun se cumplen. Amás, pa la candidata dIX, el PP llega tarde a la defensa de la oficialidá. Sicasí, Laura González dio la bienllegada a la postura a favor de la oficialidá 6 de marzu, 2008 0 FacebookTwitterPinterestEmail
Política Pilar Fernández Pardo y Humberto Gonzali presenten el programa del Partíu Popular en Xixón by asturnet 6 de marzu, 2008 Güei, xueves 6, a les siete y media la tarde, va celebrase na sede del Atenéu Xovellanos y dientro del ciclu “Elecciones Xenerales 2008”, la presentación del programa electoral del Partíu Popular, a cargu de Pilar Fernández Pardo, pesidenta del PP de Xixón y candidata númberu 3 al Congresu nes próximes Elecciones Xenerales. Nel actu ábrese la posibilidá a los asistentes de facer preguntes a la candidata, que nos últimos díes amosó ser partidaria de la oficialidá ensin obligatoriedá pa la llingua asturiana. La presentación de la candidata va tar al cargu dHumberto Gonzali, escritor y asesor de la candidata. 6 de marzu, 2008 0 FacebookTwitterPinterestEmail
Política Pilar Fernández Pardo y les NNXX del PP de Xixón súmense a la oficialidá ensin obligatoriedá by asturnet 5 de marzu, 2008 Les declaraciones de miembros del Partíu Popular dAsturies a favor de la oficiliadá siguen sucediéndose, el llunes pela nueche nun alderique en Televisión Llocal Xixón yera un miembru de les Nueves Xeneraciones, Javier Fernández Merino, el que facía declaraciones nesi sen, amosando la posición de la mocedá de los populares como favoratible a la oficialidá ensin obligatoriedá dusu pa los ciudadanos. A eses declaraciones súmense les feches anoche pola Senadora y candidata al Congresu del PP, Pilar Pardo, que nuna entrevista nel programa La Lupa, de Juan Neira, en Canal10 dicía que “la oficialidá tien de dir nel próximu Estatutu y que toles fuercies han posicionase claramente. La candidata popular, miembru de la Fundación Caveda y Nava declaró quensin dulda nenguna ta a favor de la oficialidá, recordando que na so directiva tengo a asturinistes, a xente como Humberto Gonzali. Amás, y al responder a delles preguntes de Juan Neira dixo que nun quería obligar a naide a falar lasturianu, pero si dar les facilidaes máximes pa quien quiera estudiala y por supuestu usala, nel ámbitu públicu o priváu. Recordó Pardo que nel PP de Xixón unviamos mesmamante delles notes y comunicaos nasturianu ensin problema nengún. Énte la entruga sobre lusu del asturianu nel mediu xurídicu Pilar Pardo dixo que cada xuez que quiera debería poder escribir les sentencies nasturianu. Unes declaraciones que ficieron a los entrevistadores entrugar pola so posición entel casu hipotéticu de la necesidá del usu dinterpretes nun procesu xudicial, énte lo que la candidata afirmó que lasturianu ye una llingua quentendemos toos y que nun creo que necesite un traductor pa los que vivimos equí, añadiendo darréu que de toes formes, si fuera necesario, sí. 5 de marzu, 2008 0 FacebookTwitterPinterestEmail