Política El Partíu Asturianista celebra mañana sábadul so V Congreso Nacional en Xixón by asturnet 27 de xunu, 2008 El Partíu Asturianista celebra mañana na Biblioteca Xovellanos de Xixón el so V Congresu nacional, embaxol lema «CADA VEZ MÁS NECESARIOS». El PAS cumple 22 años desistencia nos que, pa los sos responsables, débense-y aportaciones politiques importantísimes en tolos ámbitos: dempléu, económiques, sociales, dinfraestructures. Actualmente coaligáu con URAS nUNIÓN ASTURIANISTA, la coalición tien una docena conceyales y les alcaldíes de Villaviciosa y Ponga. La dirección del partíu entiende que representa, frente a los partíos dependientes de Madrid (PSOE, PP, IU), tres coses fundamentalmente: la modernidá social y económica, la mayor profundidá danálisis de la realidá asturiana, la capacidá de defender y representar los intereses de los asturianos ensin sometelos a los dotres comunidaes o a los de les cases centrales dotros partíos. Esa independencia y capacidá única de representación, ponse, pal PAS bien a les clares estos díes nos que sestá intentando remocicar lEstatutu dAutonomía. Pa la organización asturianista desos tres partíos vendepatries yá firmaren compromisos notres comunidaes que comprometen la suficiencia financiera dAsturies y la igualdá económica, social y política de los asturianos. Amás, albidren dendel PAS esos partíos nun van ser capaces de consensuar y aprobar pAsturies un estatutu coles competencias y capacidaes que firmaren notros sitios como Valencia, Cataluña, Andalucía o Baleares. 27 de xunu, 2008 0 FacebookTwitterPinterestEmail
Política Unidá califica de vuelta a les cavernes la eliminación de los estudios dasturianu en Filoloxía by asturnet 25 de xunu, 2008 Unidá Nacionalista Asturiana (UNA) califica de vuelta a les cavernes la eliminación de los estudios dasturianu en Filoloxía nuna condena que fizo pública esti martes, a traviés de les declaraciones del so portavoz Faustino Zapico, lo que denominó atracu a la sociedá asturiana. La Xunta Executiva dUNIDÁ aconceyóse de forma urxente na tarde del martes pa valorar la votación na Facultá de Filoloxía na que se decidió eliminar los estudios dasturianu y que provocó la dimisión de la decana de la facultá Ana Cano. El so portavoz, Faustino Zapico, afirmó al respecto nuna nota de prensa unviada pela nueche que dende la federación nacionalista condénase “enérxicamente un fechu que supón una auténtica ofensiva troglodita que tien como oxetivu la eliminación ensin mázcares nin matices, de la llingua y la cultura asturiana a traviés duna vuelta a les cavernes del neofranquismu españolista. El portavoz dUNIDÁ afirmó amás que ye gravísimo quel votu de 34 persones que respuenden a intereses sectoriales y dacuando mercenarios, y en concreto de 2, Pedro Manuel Suárez y Félix Fernández de Castro, les dos persones que presentaron la propuesta, puedan roba-yos a los asturianos y asturianes la posibilidá de cursar estudios na so llingua y torguen la formación del profesoráu de llingua asturiana, y más cuando hai años la Xunta Xeneral nel so conxuntu pidió espresamente por unanimidá la implantación de los estudios de llingua asturiana na Facultá de Filoloxía. En cualquier casu dende la Xunta Executiva dUNIDÁ, señalo Zapico, decidióse: 1.Amosar el apoyu y solidaridá con Ana Cano. 2.Facer un llamáu a la respuesta contundente de tolos sectores organizaos que se consideren defensores de la llingua énte esti verdaderu atracu a la sociedá asturiana nel so conxuntu. 3.Demandar una respuesta clara y rápida pela parte del nuevu equipurectoral, y en concreto del rector Vicente Gotor, que se comprometió na campaña a la defensa de los estudios de llingua asturiana. 4.Esixir duna vegada la declaración doficialidá de la llingua asturianu, la única midida real que pue tornar la esistencia de fechos tan llaceriosos comos estos. 25 de xunu, 2008 0 FacebookTwitterPinterestEmail
Política La Xunta podrá disolvese por fin en cualquier momentu by asturnet 23 de xunu, 2008 Los Grupos parlamentarios qu’integren la Ponencia Estatutaria de la Xunta Xeneral del Principáu d’Asturies (XXPA), PSOE, PP y IX-BA-Verdes, acordaron por unanimidá nel so conceyu de güei que la reforma estatutaria recueya la posibilidá de disolver la Cámara y convocar elecciones en cualquier momentu de la Llexislatura. D’esta manera van eliminase les llendes a la disolución qu’apaecen nel actual estatutu y que torgaben la disolución del Parlamentu nel primer y últimu añu de llexislatura, convirtiendo Asturies nuna esceición nel sistema democráticu español. Asina lo desplicaron al acabar el conceyu los reresentantes de los tres grupos Fernando Lastra (PSOE), Ovidio Sánchez (PP) y Jesús Iglesias (IX-BA-Verdes). Nel conceyu de güei los grupos trataron la parte del estatutu dedicada a la regulación de la Xunta Xeneral, centrando la so atención nos mecanismos electorales. Asina, PP y PSOE mostraron el so acuerdu en que la llei electoral haya d’aprobase por mayoría cualificada en llugar de mayoría absoluta, como prevé l’actual estatutu, aspeuto nel qu’IX-BA-Verdes nun ta d’acuerdu. Fernando Lastra afirmó que’l so grupu “nun ye partidariu” d’aumentar el númberu de diputaos, anque declaró que la propuesta nun se refier a un aumentu, sinón a la eliminación de les llendes establecíes nel actual testu, que ta ente 35 y 45. Tampoco PSOE y PP comparten la propuesta d’IX-BA-Verdes d’eliminar les tres circunscripciones electorales y que’l nuevu Estatutu espeye una circunscripción única 23 de xunu, 2008 0 FacebookTwitterPinterestEmail
Política IX y la Confederación dAsociaciones de Vecinos dAsturies reclamen que lEstatutu incluya la posibilidá de consultes populares by asturnet 20 de xunu, 2008 El grupu parllamentariu dIX-BA-Verdes aconceyó ayeri cola Confederación dAsociaciones de Vecinos dAsturies (Cavastur) y anunció que va apoyar les sos demandes pa que se-yos tenga en cuenta na reforma del Estatutu y esti recueya la so participación como axentes sociales dada la so representatividá nAsturies, cercana a los 70.000 socios. Asina lo anunció ayeri pela mañana Jesús Iglesias, voceru dIX-BA-Verdes, dempués dun alcuentru con Vicente Gutiérrez Solís, Presidente de Cavastur, y el vocal y representante xurídicu Vicente Vallín, na Xunta Xeneral del Principáu, encontáu na campaña destinada a escuchar a los ciudadanos asturianos na reforma del Estatutu. Esmoleznos que nalderique sobre lEstatutu nun se tea teniendo en cuanta al movimientu vecinal, afirmól presidente del Cavastur, Vicente Gutiérrez, quién aseguró quanque oficialmente nun tean reconocíos como axentes sociales deberíen selo. Reconozse a los sindicatos y a los consumidores y non al movimientu vecinal que tien una llarga hestoria de más de 40 años, señaló. Cavastur esixel reconocimientu, per parte del parllamentu autonómicu, de la participación ciudadana, al igual que la obligatoriedá de les instituciones de promover esa participación, como yá reconocen dellos Estatutos dautonomía. Jesús Iglesias, el voceru parllamentariu dIX, destacól compromisu total dIX-BA-Verdes a les propuestes llanzaes pol movimientu vecinal asturianu. La Confederación dAsociaciones de Vecinos reclama que la reforma del Estatutu incluya la participación de los ciudadanos na vida política y social, quamás del reconocimientu xenéricu que se fai agora, reflexe los mecanismos directos de participación como pueden ser les iniciatives llexislatives, consultes populares… amás de, y como puntu más importante, la obligatoriedá de promover la participación ensin que se deba a la voluntá de lalministración de turnu. Cavastur reclama una verdadera participación de los ciudadanos énte les decisiones de les alministraciones públiques, enantes de que se tomen les decisiones que-yos cinquen. Iglesias albidra questi yel momentu descuchar a la sociedá asturiana y ver cuáles de les sos propuestes tienen de ser incluyíes yá que la mecánica de la ponencia estatutaria nun permite la presencia de los axentes sociales y los movimientos asociativos hasta que nun sabral plazu de comparecencies na comisión. A la vista de cómo van los trabayos y del alcuerdu políticu ente PSOE y PP sobre la reforma estatutaria, el Coordinador Xeneral dIX , considera que lo que salga de la ponencia va salir tan blindao que va a ser mui difícil que puea ser modificao na comisión. De la mesma opinión ye Pablo Fernández, Secretariu dOrganización del Bloque por Asturies al señalar que lEstatutu ta metíu nun castiellu nel que la FSA namás dio les llaves al PP. La Confederación dAsociaciones de Vecinos reclama que la reforma del Estatutu incluya la participación de los ciudadanos na vida política y social, quamás del reconocimientu xenéricu que se fai agora, reflexe los mecanismos directos de participación como pueden ser les iniciatives llexislatives, consultes populare participación de los ciudadanos na vida política y social, quamás del reconocimientu xenéricu que se fai agora, reflexe los mecanismos directos de participación como pueden ser les iniciatives llexislatives, consultes populares. 20 de xunu, 2008 0 FacebookTwitterPinterestEmail
Política ¿Ónde ta Nin? 71 años depués del so asesinatu, charra nel Atenéu Obreru de Xixón by asturnet 18 de xunu, 2008 Güei, miércoles 18 de xunu a les 20:00h, va facese en los locales del Atenéu Obreru de Xixón C/ Covadonga 7-1º izda la charra ¿DÓNDE ESTÁ NIN? 71 años después de su asesinato, el legado político de Andreu Nin, con Pepe Gutiérrez-Álvarez y embaxo la organización del Atenéu y la collaboración del Llar Solidariu d’Uviéu. Pepe Gutiérrez-Álvarez, nació nel añu 1946 en Puebla de Cazalla (Sevilla), trasladándose la so familia -como tantes na época- a L´Hospitalet (Barcelona) nel añu 1960. Dio los sos primeros pasos como militante antifranquista nes Comisiones Obreres Xuveniles. Foi militante de la Liga Francesa ente 1968 y 1971, y fundador de la LCR nel Estáu Español. Nesti momentu ye miembru activu de la Fundació Andreu Nin, de Revolta Global, escribe en Kaos y n’otres páxines alternatives. Autor de biografíes de Trostky, Orwell y Mandela, acaba d’espublizar La cuestión Orwell (Sepha), y prepara otres ediciones, dalgunes d’elles sobre cine e historia. 18 de xunu, 2008 0 FacebookTwitterPinterestEmail
Política Izquierda Xunida-BA-LV propón a PP y PSOE integrar la concertación social nel Estatutu dAutonomía by asturnet 18 de xunu, 2008 El grupu parllamentariu dIzquierda Xunida-Bloque por Asturies-Los Verdes treslladó ayeri al restu de los grupos parllamentarios de la Xunta Xeneral del Principáu dAsturies una nueva propuesta en rellación cola inclusión del diálogu y la concertación social nel articuláu del nuevu Estatutu dAutonomía dAsturies que se ta ellaborando. El nuevu testu suxeríu por IX tien como oxetivu, según la organización, afalar el más ampliu alcuerdu ente toles fuercies polítiques de la Cámara pa incorporar nel nuevu Estatutu dAutonomía la demanda de les organizaciones sociales en materia de dialogu y concertación social . Jesús Iglesias, voceru parllamentariu dIX-BA-Verdes y Coordinador Xeneral dIX dAsturies, albidra que, con esta nueva propuesta, nenguna de les dos fuercies polítiques de la cámara, tantu los socialistes como la drecha, tienen motivos pa refugar el diálogu social que sí aprobaron notres comunidaes autónomes. Na propuesta que treslladó IX sustitúyese nel puntu segundu de la redacción que nun entamu presentare IX, el términu algamar pol de facilitar, tratando devitar lenquivocu que podría suxerir la citada redacción. Asinamesmo, declaren dende IX, nel nuevu testu inclúyese la creación dun organismu estable que sirva de marcu al diálogu social, tal y como yá esiste notres Comunidaes Autónomes. El testu del artículu propuestu yel siguiente: Artículu. Diálogu y concertación social. 1.- Los sindicatos y les organizaciones empresariales contribuyen al diálogu y la concertación social, y exercen una relevante función na defensa y promoción de los intereses económicos y sociales. Les instituciones del Principáu dAsturies van impulsar el dialogu y la concertación social nos asuntos que-yos son de so. 2.- Una Llei de la Xunta Xeneral del Principáu dAsturies va afitar los ámbitos y organismos nos que se tenga destablecer la participación de los axentes sociales, asina como los conteníos mínimos y el procedimientu pa facilitar la concertación social na Comunidá Autónoma al traviés dun organismu estable que sirva de marcu pal diálogu social. 18 de xunu, 2008 0 FacebookTwitterPinterestEmail
Política Unidá celebrá un Congresu esti sábadu nel que va recuperar l’históricu nome d’UNA by asturnet 18 de xunu, 2008 Unidá celebrá un Congresu esti sábadu nel que va recuperar l’históricu nome d’Unidá Nacionalista Asturiana nun nuevu intentu por dar aliendu a la unidá de los nacionalistes y recuperar la ilusión de los años 80. L’Auditoriu Príncipe Felipe d’Uviéu, va ser el qu’acueya esti sábadu 21 de xunu’l Congresu Fundacional de la coalición electoral Unidá, nel que se dará anuncia de la so tresformación en federación de partíos, recuperando’l nome d’Unidá Nacionalista Asturiana (UNA). La coalición ta formada anguaño por Izquierda Asturiana (IAS), Andecha Nacionaliega, delles agrupaciones locales ya independientes. 18 de xunu, 2008 0 FacebookTwitterPinterestEmail
Política El PP de Xixón presenta un Plan de Normalización alternativu con 118 midíes y pide que se declare lasturianu llingua propia del conceyu by asturnet 17 de xunu, 2008 El Grupu Municipal Popular de Xixón presentó ayeri, na Comisión de Facienda del Ayuntamientu de Xixón, enmiendes al proyeutu d’Ordenanza del asturianu y al Plan de Normalización que promueve l’equipu de gobiernu, formáu pola coalición dIzquierda Xunida-BA-LV y el PSOE. Pa la Ordenanza los populares presentaron nueve enmiendes, ente les que destaca la petición del Partíu Popular de que se modifique la denomación del asturianu na norma municipal, recoyendo que “asturianu y castellanu son llingües propies del conceyu de Gijón/Xixón, siendo amás l’asturianu llingua tradicional”. Y ye que na redacción del testu del gobiernu llocal xixonés, comenten dendel PP, nun se mencionaba’l calter de propia pa la llingua asturiana. Nel casu del Plan de Normalización, el Grupu Municipal Popular presentó una enmienda a la totalidá, pa lo que presenten un plan alternativu con más de 118 midíes, un proyectu que pa los responsables del PP ye distintu del de la esquierda institucional, y más avanzáu nos sos oxetivos. El PP presentó un Plan con 118 midíes, nuna redacción yá abreviada, col envís de favorecer un posible consensu ente toles fuerces polítiques, comenten fontes populares. El proyectu preséntase col enfotu d’aportar a una plena normalización del usu social de la llingua nos estremaos ámbitos del conceyu, y apuesta por llinies d’actuación qu’impliquen una importante interrellación cola sociedá xixonesa. Los dos planes coinciden eso sí, notorgar drechos llingüísticos a los asturfalantes xixoneses dientro de lalministración del conceyu, amás de midíes como la creación duna canal de televisión llocal con programación billingüe, amás de la rotulación de tolos edificiones municipales, el fomentu del deprendizaxe del idioma, la implicación del sector empresarial na normalización del asturianu y una llarga riesta de midíes normalizadores. El proyectu de la Ordenanza presentáu pol equipu gobiernu lloca y les enmiendes al mesmu van discutise nel plenu del mes de xunetu, depués de dellos retrasos burocráticos que nun permitieron facelo nel del mes de xunu, como taba anunciao. 17 de xunu, 2008 0 FacebookTwitterPinterestEmail
Política El CMPA podría pasar a denomase Conseyu Nacional de la Mocedá d’Asturies by asturnet 13 de xunu, 2008 La organización d’esquierda soberanista Fai!, quecho a andar va alredor dun mes, va proponer na Xunta del Conseyu de la Mocedá del Principáu d’Asturies (CMPA) esti próximu 21 de xunu, el cambiu na denomación d’esti organismu, que pasaría a llamase Conseyu Nacional de la Mocedá d’Asturies, abandonando asina lo que pa Fai! ye una alusión a instituciones feudales arcaiques (“Principado de Asturias”) nes que la democracia sostitúise pola herencia xenética y nes que rescampla la falta d’igualdá real ente les y los ciudadanos. La organización xuvenil crre questi órganu diba casar meyor cola función qu’ha tener el Conseyu, que como muérganu qu’afala y facilita l’asociacionismu mozu, nun pue dexar de llau’l so compromisu social cola realidá d’esti País. Fai! busca agora sofitos ente los miembros del Conseyu de la Mocedá del Principáu dAsturies, ente los que tán organizaciones como Xuventú Asturianista del PAS, Conceyu dEstudiantes Nacionalistes, Xunta Moza, Mocedaes Socialistes, Nueves Xeneraciones del PP, Area de Mocedá dIX y otres organizaciones de calter cultural y políticu. La reinvidicación pondrío a Asturies nel mesmu ámbitu de les denomaciones que presenten los Conseyos de Mocedá de les otres Comunidaes Autónomes dEspaña, que van dende’l del Consell Nacional de la Joventut de Catalunya o el casu del Consello Nazional d’a Chobentú d’Aragón, que segú comenten dende Fai! yá lleven bien d’años con un nome qu’espeya la realidá hestórica y cultural de los sos respectivos pueblos. 13 de xunu, 2008 0 FacebookTwitterPinterestEmail
Política Rodríguez Cañas: El Gobiernu dAsturies caltién toles llinies de trabayu sobre lasturianu puestes en marcha na llexislatura anterior by asturnet 13 de xunu, 2008 La Conseyera de Cultura y Turismu, Encarnación Rodríguez Cañas, afirmó ayeri y en respuesta a les quexes espresaes dende Izquierda Xunida-BpA, quel Gobiernu dAsturies caltién abiertes toles llinies de trabayu puestes en marcha na llexislatura anterior, no que cinca al fomentu y promoción del asturianu en tolos ámbitos. El diputáu dIX, Francisco Javier García Valledor criticó la falta daición desti gobiernu monocolor no que cinca a la política llingüística, una política que comentó, ye involucionista y lliquidacionista respectu al periodu anterior El Gobiernu va presentar pala seronda la evaluación del plan de normalización 13 de xunu, 2008 0 FacebookTwitterPinterestEmail