Plástiques Llaviana agospia una muestra fotográfica sobre la vida nel conceyu a finales del sieglu XIX by asturnet 5 de febreru, 2007 Les más de 150 semeyes que formen la colección muestren la evolución del conceyu dende’l sieglu XIX hasta 1970. La muestra ye una iniciativa del taller d’emplegu “Armando Palacio Valdes” y va tar disponible nes instalaciones del Centru d’Innovación y Desarrollu (CIDAN) hasta’l día 17 de Febreru. Les semeyes son una selección d’ente les más de 500 que aportaron los propios vecinos del conceyu. Muestren la vida diaria, le minería, les fiestes y la enseñanza nesta comarca del Nalón. 5 de febreru, 2007 0 FacebookTwitterPinterestEmail
Plástiques Montse González Peón abre la so exposición “Ciclos” na Llibrería Trabe by asturnet 28 de xineru, 2007 Desde esti 26 de Xineru al 24 de febrero va tar abierta na Llibrería Asturiana de Trabe, na cai Padre Buenaventura de Paredes, 4, d’Uviéu, una exposición de dibuxos y pintures de Montserrat González Peón que lleva por títulu “Ciclos”. La llibrería asturiana Trabe inauguró n’ochobre la so programación d’exposiciones cola exposición de fotografíes SNUDOS d’Enrique G. Cárdenas. Con aquella exposición abríase la temporada d’esta sala, na que van dir alternándose pintores y escultores hasta la Selmana de les Lletres de 2007. 28 de xineru, 2007 0 FacebookTwitterPinterestEmail
Plástiques Apruébase l’ampliación del Muséu de Belles Artes by asturnet 26 de xineru, 2007 La execución de l’ampliación durará dos años y tendrá un coste de 17.4 millones d’euros. El proyectu va tar diseñáu por Patxi Mangado que lu va presentar nun plazu de cuatro meses. La constructora de capital públicu Sedes algamó la concesión del proyectu mediante una ufierta que rebaxaba en 10,6 millones d’euros el presupuestu de llicitación. El Conseyu de Gobiernu d’esti xueves aprobó la decisión de la mesa de contratación. La decisión adoptada pola Conseyería de Cultura nun cuntó cola opinión del director del Muséu, Emilio Marcos Vallaure, que nun participó na Comisión Evaluadora de los Proyectos por nun ta convidáu a la mesma. La Conseyera de Cultura, Ana Rosa Migoya, subrayó la importancia de que l’ediciu del Muséu tenga una entrada dende la plaza de la Catedral. Actualmente’l Muséu de Belles Artes ocupa tres edificios, el Palacio de Velarde y los números de la cai de La Rua 10 y 12. Mediante l’ampliación el muséu doblará la so estensión y podrá dar sitiu a más espacios pa la colección permanente, asina como sales pa esposiciones temporales o una cafetería. La colección del Muséu de Belles Artes d’Asturies ta compuesta por alredor de 10.000 pieces y tien amuesaes unes 300. Ente les obres más señalaes figuren un Picaso, una gran colección de los diferentes autores asturianos, o l’Apostoláu d’El Greco. 26 de xineru, 2007 0 FacebookTwitterPinterestEmail
Plástiques “Imaxe y Identidá”, diez visiones artísticques sobre l’home contemporáneu by asturnet 24 de xineru, 2007 La Obra Social de “La Caixa” y l’Ayuntamientu de Xixón presenten nel Antiguu Institutu Xovellanos una amuesa sobre la representación de la figura humana nel arte contemporáneu. La Obra Social de “La Caixa” en colaboración cola Fundación Municipal de Cultura de Xixón presenten una selección d’obres de la Colección d’Arte COntemporáneu de la Fundación “La Caixa” al rodiu del conceptu del retratu embaxo 15 semeyes y videointalaciones, una parte mínima de les 800 qu’integren los fondos de la colección d’arte contemporáneu de La Caixa. L’amuesa ye una galaería d’imáxenes creaes por diez artistes que tresformaren el tradicional xérneru del retratu dende puntos de vista bien diferentes. Christian Boltanski, Gillian Wearing, Cindy Sherman, Sam Taylor-Wood, Günther Forg, Craigie Horsfield, Óscar Muñoz, Bruce Nauman, Carlos Pazos y Stefan Hablutzel esploren los medios de representación y les convenciones culturalmente establecíes pa destacar que, a la fin, toda imaxe ye una ficción. L’amuesa aconceya, sobre too, fotografíes y videointalaciones que planteguen una reflexón sobre la natura mesma de la imaxe col obxetivu de romper les barreres que faen de llende ente’l públicu y la creación contemporánea y promover l’accesu de la sociedá al arte. 24 de xineru, 2007 0 FacebookTwitterPinterestEmail
Plástiques Amuesa sobre la Gráfica Contemporánia Asturiana by asturnet 4 de xineru, 2007 La Obra Social de Caxastur entamó’l 21 d’avientu una amuesa nomada “Itinerarios de la gráfica contemporánia asturiana”. Nesta amuesa 25 artistes compromotíos cola creación gráfica asoleyen les sos obres. L’amuesa tará nel Palaciu de Revillaxixéu de Xixón hasya’l 25 de febreru. Los artistes participen nesta amuesa con tres obres caún, les estampes tán feches con diferentes técniques gráfiques que van dende les más clásiques a los nuevos procedimientos. L’amuesa sobre la Gráfica Contemporánia Asturiana viaxará a lo llargo de 2007 a la sala internacional del “Centre de Gravure et de l’Image Imprimée” de la Louviére (Bélxica). Los artistes que comprenden l’amuesa son los que vienen darréu: Fernanda Álvarez, J. Carlos A. Cabrero, María Álvarez, Melquiades Álvarez, Laura Blanco, Beatriz Corredoira, Reyes Díaz, Luis Fega, Marta Fermín, Francisco Fresno, Angélica García, Elías G. Benavides, Isabel G. Cuadrado, Eduardo Guerra, Ricardo Mojardín, J. de la Peña “Israel”, Jaime Rodríguez, Ramón Rodríguez, Bernardo Sanjurjo, Fermín Santos, Antonio Suárez, Carlos Suárez, Consuelo Vallina, Francisco Velasco y Ana Vila. Los horarios pa visitar l’amuesa son de martes a sábadu de les 10,30 hasta les 13.30 y de 16.00 a 20.00 hores; los domingos l’amuesa podrá visitase dende les 12.00 a les 14.30. 4 de xineru, 2007 0 FacebookTwitterPinterestEmail
Plástiques La edición de 2006 del Concursu de Comic y de Tires Cómiques de la Comarca de la Sidra yá tien ganadores by asturnet 14 d'avientu, 2006 El vienres 15 de payares la Casa la Cultura de Santolaya, Cabranes, a partir de les 19,00 hores, acoyerá la entrega de premios de la IV edición del Concursu de Comic y la II de Tires Cómiques qu’añalmente convoquen los Servicios de Mocedá y Normalización Llingüística de la Comarca de la Sidra. Carolina González y Iván Manuel Olmedo algamen el primer premiu na modalidá de Comic pola so obra “Nel frascu”, el xuráu concedió amás dos accesits a María Margarita Rodríguez pola so obra “Baxun’n cielo” y a David Fernández y José Antonio García pola so obra “La llave”. Les tres obres de comic van ser publicaes nuna revista. Na categoría de tires cómiques Iván García cola so tira “La yerba” algamó’l primer premiu, quedando como finalistes Lorena Ibaseta con “La princesa Rosa” y Imanol Fernández García por “El guxán, el xabalí y los amiegos, el páxaru y el canariu”. La obra “El ratu y el gatu” de Mónica Corte, algamó’l primer premiu na categoría del tercer ciclu d’educación primaria. Quedando como finalistes Andrea Cueli, con “La Xana y la fuente sagrada” y Sandra Berros con “La siesta imposible”. Na modalidá d’enseñanza secundaria el primer premiu correspondió a María Sánchez Díaz, pola tira “El nuestru conceyu”. Como finalistes Belén Marcos con “Enriqueta va a la gueta” y Yésica Corujedo por “De Romería”. 14 d'avientu, 2006 0 FacebookTwitterPinterestEmail
Plástiques 77 artistes asturianos donen les sos obres al Conceyu Abiertu pola Oficialidá by asturnet 13 d'avientu, 2006 Ente los díes 15 d’avientu y 3 de xineru l’Espaciu Astragal del Conseyu de Mocedá de Xixón fadráse la II Amuesa d’Obres d’Arte del CAO, la inauguración sedrá’l vienres 15 a les 19,00 hores. Nesta II Amuesa d’Arte presentaránse les obres de 77 artistes asturianos empobinaes a una puya pública. L’amuesa tendrá una primer puya pública’l sábadu 23 d’avientu a partir de les 19 hores, y una segunda puya’l miércoles 3 de xineru a les 19,00 hores. El Foru Arte Ciudá, entidá organizadora de la muestra, axunta a una pergrande representación de les artes plástiques asturianes, y nesta vegada algamó que los más reconocíos artistes asturianos de l’actualidá donen les sos obres pa la causa de los derechos civiles. Rellación d’artistes que participen nesta II Amuesa d’Obres d’Arte del Conceyu Abiertu pola Oficialidá: Daniel Acevedo, Fernando Alba, Mabel Álvarez Lavandera, Berto Álvarez Peña, Nel Amaro, Ambás, Pablo Armesto, Ernesto Avelino, Noé Baranda, Berta G. Barros, Miguel Ángel Bonhome, María Braña, José Bermúdez Patón, Nel Caamaño, Eugenia Capellán, Jesús Castañón, Mario Cervero, Maite Centol, Charo Cimas, Beatriz Corredoira, Arlé Corte, Chana Crespo Joglar, Isabel Cuadrado,Esther Cuesta,Cristina Cuesta, Melania Fraga, Paco Fresno, Pura Fresno, Rubén Figaredo, Fiumfoto, Xulián Fueyo, Miguel Galano, Damián González Velasco, Menchu Hontañón, Kso, Adolfo Manzano, Pablo Maojo, Ángeles Mathieu, Miguel Ángel Medina, Benjamín Menéndez, Ma. Luisa Menchaca, Guillermo Menéndez de Llano, Alejandro Mieres, Ricardo Mojardín, Marcos Morilla, Neto, Paco Nadie, Ánxel Nava, Hugo ODonnell, Gustavo Ordiz, Adelaida Óvana, Ástur Paredes, Natalia Pastor, Vicente Pastor, Fidel Pena, Oty Pérez Laspra, Rocío Pinín, Israel de la Peña, Elena de la Puente, Juanjo Pulgar, Javier Reguera, César Ripoll, Benjamín Rodríguez, Jaime Rodríguez, María Jesús Rodríguez, Rosa Ribado, Ruma, Avelino Sala, Pablo Sampedro, Violeta Sánchez Trejo, Bernardo Sanjurjo, Carlos Sierra, Guillermo Simón, Cuco Suárez, Helena Trejo, Alberto Vázquez, Javier Victorero 13 d'avientu, 2006 0 FacebookTwitterPinterestEmail
Plástiques Ánxel Nava ufre la exposición Paraísu Natural Damnatio Memoriæ by asturnet 4 d'avientu, 2006 Ánxel Nava presentó na Llibrería Asturiana de Trabe la exposición “Paraísu Natural” Damnatio Memoriæ. Les nueve visiones del Paraísu, dende la visión del artista, amuesen la realidá contemporánea dende una visión irónica y reflexiva. La exposición completaráse con perfomances relatives al paraísu. Esta ye la primer exposición individual d’Ánxel Nava depués de la perda de la so colección personal tres el deshauciu del so taller xixonés. Ánxel Nava, sicasí, participó en bien d’exposiciones colectives. Amás de la exposición Ánxel Nava desenvolverá delles aiciones artístiques nes cais d’Uviéu. La primera titularáse “al caer el sol” y se desenvovlerá na uvieina cai Paraísu, el 21 d’avientu a la hora na qu’entame a caer el sol. El 4 de xineru el Bardu Errante, nome del personaxe interpretáu por Ánxel Nava, axuntaráse con San Amaro, Nel Amaro, pa entamr “El Viaxe de San Amaro y el Bardu Errante al Paraísu”, l’aición desenvolveráse a partir de les 19 hores na cai Paraísu d’Uviéu. 4 d'avientu, 2006 0 FacebookTwitterPinterestEmail
Plástiques Concursu internacional d’escultura “Fines de tierra n’Europa” by asturnet 1 d'avientu, 2006 L’Asociación pal desarrollu Integráu del Cabu Peñes (ADICAP) convocó’l concursu internacional d’escultura “Fines de tierra n’Europa” pa la realización d’un modelu escultóricu que se va ubicar nel territoriu de la mancomunidá del Cabu Peñes. Esti concursu ta incluíu dientro de la iniciativa comunitaria Leader Plus pal Cabu Peñes que afeuta a los municipios de Carreño y Gozón. La escultura deberá tener en cuenta la rellación colos espacios medioambientales europeos de gran calidá paisajística al borde del mar, y contemplar la posibilidá de ser exhibida en diversos emplazamientos de los llímites costeros europeos. Va otorgase un primer premiu de 30.000 euros al ganador del concursu de idegues y dos accésit de 5.000 euros caún. El primer premiu podrá declarase desiertu pero van concedese, en tou casu, los dos accésit. La inscripción pa tolos interesaos, de manera individual o colectiva, tien que facese antes de les 14 hores del 15 d’Avientu de 2006 y el plazu llímite d’entrega de los trabayos finales ha de ser antes de les 14 hores del 31 de Xineru de 2007. Bases ya Información 1 d'avientu, 2006 0 FacebookTwitterPinterestEmail
Plástiques La Sala Borrón abre’l plazu pa presentar les solicitues d’esposición by asturnet 29 de payares, 2006 L’espaciu cultural empobináu a la mocedá del Institutu de la Mocedá d’Asturies abrió’l plazu pa presentar les solicitues pa esponer trabayos artísticos na Sala Borrón d’Uviéu. La Sala Borrón acoyerá les propuestes artístiques de pintura, escultura, fotografía, debuxu, instalaciones y videoinstalaciones. Les temátiques son de llibre escoyeta. Xunto cola solictú hai que presentar un dossier fotográficu a color, nel que s’amuese la obra a esponer. La Sala Borrón acoyerá les muestres de los y les artistes asturianes, naturales o residentes, y que la so edá nun pase de los 35 años el día 31 d’avientu de 2006. L’Institutu de la Mocedá organizará les esposiciones embaxo l’asesoramientu d’una comisión técnica, integrada por profesionales de les artes, que fadrán una escoyeta ente los artistes que presenten les sos obres. Institutu Asturianu de la Mocedá 29 de payares, 2006 0 FacebookTwitterPinterestEmail