Plástiques El Centru dArte y Creación Industrial de La Llaboral abre la esposición It’s simply beautiful by asturnet 18 de xunetu, 2007 Redacción. El Centru d’Arte de La Llaboral tien abierta la esposición ‘It’s simply beautiful’, una amuesa onde cinco artistes reflexonen sobre’l conceptu de la guapura nel mundiu actual, un llugar marcáu pola globalización y la tresculturidá. Según los organizadores, “esta esposición da continuidá a les yá clausuraes, tres de les cuatro primeres esposiciones, ‘Feedback’, ‘LLABciberespacios’ y ‘Estensiones-Anclaxes Fase I’. Los cinco artistes que participen na esposición fueron seleccionaos polos comisarios Peter Doroshenko y Jerome Sans y son l’asturianu Carlos Coronas, l’estaoxunidense Dzine, el tailandes Surasi Kusolwong, el británicu Mark Titchner y el frances Fabien Verschaere. Los trabayos van mostrase hasta’l 15 d’ochobre nes sales destinaes a les artes visuales de LLABoral, sales 1A y 1B, el vestíbulu del Centru y les sales plataforma. Cola amuesa, los organizadores “quieren dar una visión compartida de los nuevos roles activos dientro de la sociedá y el papel que xueguen les obres d’arte nel estáu d’ánimu del espectador’. 18 de xunetu, 2007 0 FacebookTwitterPinterestEmail
Plástiques El Concursu de Cómic nasturianu de la Comarca la Sidra sigue recibiendo orixinales by asturnet 12 de xunetu, 2007 Redacción. La Comarca de la Sidra, al travies del so programa ‘Creación’ y afalada pol Serviciu de Normalización Llingüística y el Serviciu de la Mocedá. Mancomunidá Comarca de la Sidra tien abiertu’l plazu pal V Concursu de cómic n’asturianu hasta’l 15 de payares viniente. El concursu inxertase dientro’l programa de promoción artística y d’una manera tresversal en Programa de Normalización del usu del Asturianu de la Mancomunidá de la Comarca la Sidra empobináu a la mocedá, al ser el cómic una espresión artística cercana al llector mozu. Dempues de les cuatro ediciones anteriores onde se vieron trabayos de calidá estraordinaria, la convocatoria d’esti añu respuende a los mesmos criterios: escritos n’asturianu, temática llibre, autores mayores de 14 años de cualesquier orixe y unos premios que van de los 200 euros de los dos accesit al premiu primeru de 500 euros, amás del espublizamientu de les meyores hestorietes presentaes. El concursu incluye una categoría paralela d’ellaboración de Tires Cómiques empobinada a escolinos d’enseñanza primaria y secundaria de los distintos centros educativos de la Comarca de la Sidra, onde los participantes tienen d’ellaborar una tira con una estensión máxima de cinco viñetes. Nesti casu los premios van ser de material didáuticu, deportivu y d’esparcimientu pa los tres meyores trabayos de les distintes modalidaes. El plazu de presentación de los trabayos tanto na categoría de Cómic pa mayores de 14 años, como la de Tires Cómiques pa escolinosos acaba’l 15 de payares. Dempues va facese con toles obres presentaes una esposición itinerante pelos diferentes centros culturales de la Comarca de la Sidra, asina como por dellos espacios culturales asturianos. Bases completes 12 de xunetu, 2007 0 FacebookTwitterPinterestEmail
Plástiques Tratantes. Una especie nestinción pue visitase nel Muséu Etnográficu del oriente dAsturies by asturnet 2 de xunetu, 2007 Redacción. Dende l’1 de xunetu pue contemplase nel Museu Etnográficu del oriente d’Asturies la esposición titulada ‘TRATANTES. Una especie n’estinción’ formada por 30 semeyes del xoven fotógrafu norteamericanu afincáu nel conceyu de Siero y que nos sos años Mark Ostrowski sabe muncho sobre’l mundiu de los mercaos de ganáu, pues dedica parte del so tiempu a una esplotación d’oveyes que tien. Les semeyes tán tomaes ente los años 2004 y 2005 en distintos llugares de la xeografía asturiana como El Mercaón de Cabañaquinta, la feria de Corao o la de La Garganta n’Os Ozcos. Ye esta una esposición itinerante inaugurada apocayá nel Museu del Pueblu d’Asturies dende onde viaxó al Ecomuseu de Somiedu, con mui bona acoyida de critica y públicu. L’amuesa complementase col llibru ‘Tratantes. Una especie en extinción’. 2 de xunetu, 2007 0 FacebookTwitterPinterestEmail
Plástiques LAtenéu Obreru de Xixón convida a un viaxe Na Costeira do Bonito by asturnet 24 de xunu, 2007 Redacción. Güei llunes a les ocho la tarde va tener llugar la quinta de les sesiones del ciclu de proyección de diapositives ‘Imáxenes d’un viaxe’ nel Salón d’Actos del Centru Cultura Antiguu Institutu. El periodista Alejandro Zapico va ofrecer al públicu una proyección que lleva por títulu ‘Na Costeira do Bonito’. El Ciclu ta entamáu pol Ateneu Obreru de Xixón y la entrada ye de baldre. Alejandro Zapico trabayó como unviáu especial del Grupu El Correo na guerra d’Afganistán y pa l’Axencia Notimex de noticies n’Iraq, espublizando les sos semeyes en periódicos como La Nueva España, El Comercio, La Voz de Asturias, El Mundo, La Jornada de Mexico, El Sol de Mexico, asina como en medios audiovisuales como TLG y TeleAsturias. El ciclu de proyección de diapositives‘Imáxenes d’un viaxe’ cunta cola collaboración de la Fundación Municipal de Cultura, Educación y Universidá Popular de Xixón y de l’Axencia de Servicios Culturales Kálatos. 24 de xunu, 2007 0 FacebookTwitterPinterestEmail
Plástiques Ramón Arias ganal certame de fotografía Ciudá de Cangues dOnís by asturnet 13 de xunu, 2007 Redacción. Ramón Arias Gutierrez, cola semeya ‘Soledá’, fízose col primer premiu nel certame fotográficu Ciudá de Cangue d’Onís, que’l xuráu falló esta mesma selmana. El segundu premiu, con 300 euros, correspondió a la obra ‘Capilla de Santo Toribio’ d’Ángeles Prol y la tercer clasificada foi Mayte Beistegui por ‘Soto de Cangas II’, con 150 euros El xuráu tuvo compuestu pol alcalde de Cangues d’Onís, Alfredo García como presidente, la directora de la Casa la Cultura, Beatriz Valdes, como secretaria y de vocales ficieron el presidente de l’Asociación Cultural Dobra, Luis Salcines, y los fotógrafos, Jose Martínez y Tadeo Pantín. Presentáronse una docena d’autores con más de mediu centenar de semeyes, centraes nel conceyu cangues. El Concursu ye una iniciativa de l’Asociación Cultural Dobra, que fai la Casa la Cultura cola colaboración del Ayuntamientu de Cangues d’Onís y CaxAstur. La primer edición del concursu convocóse nel añu 2004. Pueden participar persones de tol mundiu, la única condición ye que la semeya presentada seya de dalgún llugar del conceyu de Cangues d’Onís. 13 de xunu, 2007 0 FacebookTwitterPinterestEmail
Plástiques Lartista asturiana Covadonga Valdés espón la so obra pictórica en Londres by asturnet 29 de mayu, 2007 Redacción. L’arte asturianu vive ún de los meyores momentos hestóricos, con bayura d’autores y una calidá bultable que s’espeya nel esitu que tienen los artistes asturianos fuera de les fronteres del país. L’últimu ye’l casu de l’artista Covadonga Valdes Sobrecueva, qu’espón agora una amuesa de la so obra pictórica en Londres. Esto ye posible gracies al patrociniu de la Embaxada d’España y al Institutu Cervantes. La esposición quedó inaugurada’l pasáu día 23 y va tar abierta hasta’l 17 de xunu. Covadonga Valdes ye una artista de la Comarca de los Picos d’Europa. Ñació en Ribeseya y vivió en Cangues d’Onís, enantes de treslladase a Londres, pa facer estudios d’arte nel ‘Chelsea College or Art’. Ente los premios recibíos tan el ‘Principáu d’Asturies’ en 1985. Tamien tuvo becada por entidaes como la Xunión Europea, l’Slade University College, la Embaxada Española en Londres o la Conseyería de Cultura d’Asturies. En cuantes a les sos esposiciones individuales destaquen ‘Recent Paintings’, Pump House Gallery, Londres, la que fizo na Casa Cultura de Cangues d’Onís, na Galería Trazos Tres de Santander, la esposición ‘Interiores y Oxetos’ na Sala ‘Cafe Español’ 29 de mayu, 2007 0 FacebookTwitterPinterestEmail
Plástiques La Casa Cultura de Colunga fai repás a la obra dEmiliol Retratista by asturnet 16 d'abril, 2007 Redacción Emilio Alonso García ‘Emilio’l Retratista’ dexó al morrer más de mil doscientos negativos de semeyes, la mayoría retratos, fechos nel so conceyu natal, Colunga. Les semeyes tuvieron munchos años nel olvidu, pero’l propietariu actual de la casa, descubrió los negativos en plaques de cristal nel solláu de la casa y devolviólos a la familia. La ñeta d’Emilio’l Retratista donó la obra al Museu del Pueblu d’Asturies, que dende 1992 vien recuperando eses semeyes pa poneles a disposición del públicu. Agora les semeyes viaxen otra vegada al conceyu onde les fizo Emilo Alonso ente 1887 y 1936. Amás de ser fotógrafu de Colunga ente esos años, Emilio Alonso (1872-1948) foi corresponsal fotográficu del ‘ABC’ y del ‘Blanco y Negro’ y ente 1916 y 1920 acompañó a Aurelio de Llano retratando molinos y pontes. 16 d'abril, 2007 0 FacebookTwitterPinterestEmail
Plástiques La UE pon en marcha un concursu fotográficu pa fomentar la diversidá by asturnet 9 de marzu, 2007 “Rompiendo Estereotipos” ye’l nome del concursu fotográficu que la Unión Europea entamó con motivu de la campaña “Pola diversidá. Escontra la discriminación”, enxerta dientro del Añu Europeu de la Igualdá d’Oportunidaes. La competición va desendolcase ente l’1 de marzu y el 30 de Xunu de 2007 y ta empobinada a estudiantes de tola Unión Europea. Los estudiantes que quieran participar tendrán que presentar una semeya o un collage de semeyes que promuevan la diversidá. Un xuráu internacional de fotógrafos, artistes xóvenes y espertos nos campos del diseñu y la comunicación van ser los encargaos d’escoyer al ganador según criterios de calidá e interes del tema escoyíu. El ganador va recibir 3000 euros y la so universidá o escuela otros 3,000, demientres que los finalistes va ser premiaos con 2,000 euros y los terceros con 1,000. L’únicu requisitu impuestu dende la organización ye que’l premiu se gaste en daque rellacionáu colos estudios. Amás los 35 meyores trabayos van exhibise nuna esposición itinerante por Europa y van dir impresos nos artículos de promoción de la campaña europea “Pola diversidá. Escontra la discriminación”. El certamen ta empobináu a estudiantes matriculaos en fotografía, arte y diseño d’una institución de los ventisiete estaos miembros de la UE. Los estudiantes han d’acreditar que tan matriculaos nuna institución d’educación superior. Cada estudiante pue participar nel concursu pola so propia cuenta o al travies de la Universidá y podrá presentar un másimu de tres semeyes. La fecha llímite pa unviar los trabayos ye’l 30 de Xunu de 2007. Les bases de la competición y la información necesaria pa los participantes pue consultase na páxina web del concursu “Rompiendo Estereotipos” 9 de marzu, 2007 0 FacebookTwitterPinterestEmail
Plástiques III Amuesa d’Obres d’Arte del Conceyu Abiertu pola Oficialidá by asturnet 13 de febreru, 2007 L’Auditoriu d’Uviéu acoyerá la III Amuesa d’Obres d’Arte pola Oficialidá. El prósimu miércoles 28 de febreru la sala d’amueses del edificiu uvieín recibirá les obres de 99 artistes. L’amuesa organizada pol Conceyu Abiertu pola Oficialidá llega a Uviéu depués de la perbona acoyida algamada n’Avilés y Xixón. El miércoles 28 de febreru a partir de les 19.00 hores la sala d’esposiciones del Auditoriu Príncipe Felipe va a abrir les sos puertes a la III Amuesa d’Obres d’Arte pola Oficialidá. La iniciativa que tien por finxu amuesar les obres de los artistes asturianos, y algamar fondos pa les actividaes que vien desenvolviendo’l Conceyu Abiertu pola Oficialidá, vien sumando apoyos ente esti colectivu. Asina si na primer Amuesa, fecha n’Avilés el mes de mayu de 2006, 55 artistes cedieron les sos obres pa la causa del CAO na segunda fadríen lo mesmo 77 y pa esta tercera 99 artistes van ceder les sos obres al Conceyu Abiertu pola Oficialidá. 13 de febreru, 2007 0 FacebookTwitterPinterestEmail
Plástiques Inauguración de la exposición Enigma Picasso en Llanes by asturnet 9 de febreru, 2007 Güei vienres 9 de Febreru a les 12:00 va tener llugar na Casa de Cultura de Llanes la nauguración de la esposición “Enigma Picasso” y la presentación del llibru“El enigma Picasso”, de Maurilio de Miguel. La xornada va completase con un recital poeticu al cargu del artusta Luís Eduardo Aute y la proyección de dos cortometraxes sobre’l pintor malagueño Pablo Picasso. 50 cuadros de pintores contemporáneos reinterpretando los autorretratos que Picasso fizo ente 1895 y 1907 formen la muestra. Los visitantes van poder disfrutar de les obres d’artistes como Octavio Colis, Luis Eduardo Aute, Martín Hanoos, Javier Rojo, Paloma Loribo, Paloma Canaes, Elena Martín, David de Miguel, Pedro Condes, Ingo Abeska o Helena Liz. La esposición, de calter itinerante, entamó nel centru Cultural Ramón Alonso Luzzy de Cartagena, pasó por la Cava Las Rejas de la mesma ciudá, por Els Quatre Gats de Barcelona, pola Quinta do Río Touro (Sintra, Portugal) y, tres permanecer en Llanes, va dir a Málaga y a los campamentos de refugiados saharauis. El libro “El enigma Picasso” narra los años de mocedá del artiusta malagueñu dende 1895 (fecha na que llega a Barcelona) a 1907 (cuando pinta les “Señoritas de Avignon”, ya en París). 9 de febreru, 2007 0 FacebookTwitterPinterestEmail