Plástiques Julian Snabel espón nel Centru Niemeyer by asturnet 1 d'agostu, 2011 El Centru Niemeyer dAvilés acueye l’amuesa Polaroids, del pintor y director de cine norteamericanu, Julian Snabel, inclúi 80 obres fotográfiques; reflexen el so ámbitu personal y profesional y revelen los puntos d’interés del artista: él mesmu, la so familia, los sos amigos, les sos pintures y les sos escultures. Tará abierta hastal próximu 4 de setiembre. La esposición ufierta una visión única de la vida y del trabayu d’esti esllumante artista. La selección inclúi semeyes de Lou Reed, Plácido Domingo, Mickey Rourke, The Beastie Boys, amás de semeyes de los cuartos privaes del Palazzo Chupi de Nueva York, que Schnabel diseñó y decoró, y obres de los sos estudios de Brooklyn, Montauk y Manhattan. 1 d'agostu, 2011 0 FacebookTwitterPinterestEmail
Plástiques La obra de Juan Botas esponse na Casa Natal de Xovellanos by asturnet 27 de xunetu, 2011 El Muséu-Casa Natal Xovellanos acueye hastal 25 de setiembre la presentación de la colección de Juan Botas, quufierta una nueva oportunidá d’afondar nos dos visiones d’esti artista, con una selección de les sos principales aportaciones como los decoraos que diseñó pa los platós de la cadena de vídios musicales MTV, exerciciu maxistral d’arquitectura efímera en clave posmoderna, y los sos cuadernos de fueyes plegaes, curdiones que van esbillando una hestoria llena de color ya intensidá. Juan Botas (1958-1992), nacíu en Xixón, fórmase na School of Visual Arts de Nueva York, onde ye discípulu de Milton Glaser, referente ineludible de lo que ye’l diseñu americanu ente los años sesenta y ochenta. Nel so estudiu, onde trabaya ente 1983 y 1986, Botas desenvuelve’l so propiu llinguaxe gráficu nel que prima la comunicación directa y ensin tópicos. En 1986 establécese pela so cuenta. Nesta dómina surden nueves temes ya intereses que queden recoyíos nos sos cuadernos, diarios nos que la imaxe sustitúi a la palabra y que constitúin la so obra más inédita. Coles mesmes la so obra gráfica públicase en revistes y periódicos como Newsweek, New York Times, World Report, Vogue, Seventeen…. 27 de xunetu, 2011 0 FacebookTwitterPinterestEmail
Plástiques El Muséu Barjola acueye esti vienres la inauguración de Miraes 2011 by asturnet 20 de xunu, 2011 El próximu vienres 24 de xunu, a les 18:00h va tener llugar la inauguración de la 7ª Amuesa de l’Asociación Profesional de Fotoperiodistes Asturianos MIRAES 2011. Va facese nel Muséu Barjola, nel 17 de la cai Trinidá de Xixón, cola presencia del Presidente d’Asturies, Vicente Álvarez Areces, y el presidente dAPFA, Marcos León Jiménez. La esposición va tar abierta hastal 24 de xunetu. 20 de xunu, 2011 0 FacebookTwitterPinterestEmail
Plástiques Escueyen cartelu pa la celebración del Arguyu Gai 2011 nAsturies by asturnet 9 de xunu, 2011 El xueves nueve de xunu de 2011, a partir de les 20:00 hores, nel llar de XEGA d’Uviéu va tener llugar la escoyeta del cartelu ya imaxe de la convocatoria asturiana del Arguyu LGTB. La esbilla va facese por aciu de votación secreta de toles persones presentes, a partir de les obres presentaes al XII Concursu de cartelos con motivu del Día del Arguyu LGTB. Nesti conceyu tamién se van escoyer los Premios Triángulu Rosa y Lladriyu Rosa, que premien el llabor a favor de los gais y castiguen los ataques a la comunidá homosexual. 9 de xunu, 2011 0 FacebookTwitterPinterestEmail
Plástiques XEGA tien abiertul plazu pal XII Concursu de cartelos del Día del Arguyu Gai by asturnet 2 de xunu, 2011 Per docenu añu consecutivu, l’Asociación XEGA, colectivu de lesbianes, gais, transexuales y bisexuales d’Asturies, convoca’l so concursu añal de cartelos con motivu del Día Internacional de Lesbianes, Gais, Transexuales y Bisexuales, Día del Arguyu LGTB. La tema del cartelu tendrá de faer referencia a la celebración del Arguyu y al lema oficial de la convocatoria asturiana d’anguaño «Nin un pasu atrás nos nuesos derechos». Los cartelos presentaos van ser trabayos orixinales ya inéditos. Cada concursante va poder presentar cuantos trabayos desee. Va haber un únicu premiu de 300 euros pal cartelu ganador. El concursu va poder declarase ermu. L’autor o autora del cartelu ganador cederá tolos sos derechos -sacante’l d’autoría- sobre’l cartelu a l’Asociación XEGA, que va editar el trabayu premiáu como cartelu anunciador del Arguyu LGTB 2010 y nel que va incluyir el so propiu logotipu y los logotipos de les instituciones que collaboren con XEGA. El tamañu del cartelu va ser a lo menos DIN A4 y a lo más DIN A1 y va poder presentase en cuantu colores-y peten al autor. El plazu de presentación de cartelos va rematar el nueve de xunu de 2011, a les 20:00 hores. Los trabayos van unviase o apurrise na sede de XEGA n’Uviéu, Cai Gascona, 12 3u, 33001. Bases completes 2 de xunu, 2011 0 FacebookTwitterPinterestEmail
Plástiques Xixón amuesa semeyes de Francisco Ruiz Tilve feches ente los años 40 y 70 by asturnet 26 de mayu, 2011 Hastal 30 de xunu va tar abierta la esposición de semeyes del autor, yá fináu, Francisco Ruiz Tilve (Uviéu, 19091988), que como desvelen Francisco Crabiffosse y la so fía Carmen Ruiz-Tilve nel catálogu de la esposición, foi un importante aficionáu a la fotografía que desenvolvió’l so trabayu dende 1940 hasta’l so fallecimientu. Como fotógrafu tuvo unos gustos bien definíos: el monte, la vida rural, l’arquitectura moderna, los puertos de mar, los ríos o los bodegones, que compartió con otros munchos fotógrafos del so tiempu. Foi unu de los más significativos representantes de la fotografía asturiana de posguerra, d’una xeneración de fotógrafos qu’a partir de la vocación individual arrexuntar n’asociaciones pa recuperar, dende les cenices, el papel de la fotografía, faciendo memoria de l’Asturies de la so dómina cola voluntá de tresmitir un legáu inmaterial. Con esta esposición los organizadores quieren qu’esi legáu emocional, calteníu na so obra, seya conocíu, pa entender esa encruciada que determinó nuevos aldos pa la fotografía, ente la mirada retrospectiva y l’enganía de abrir a otros horizontes. Les fotografíes de Ruiz Tilve caracterícense pol so valor documental, fotografiando asuntos pocu trataos pola fotografía asturiana, y tamién pola so calidá estética, que ye la resultancia de la so sensibilidá y de la so conocencia de la fotografía contemporanea. L’archivu fotográficu de Francisco Ruiz Tilve foi donáu en 2005 polos sos fíos, Carmen Ruiz-Tilve Arias y Francisco Ruiz Arias, a la Fototeca d’Asturies del Muséu del Pueblu dAsturies. Ta integráu por unes quince mil semeyes, que se parten de la manera siguiente: 5.668 negativos en blancu y negru, de 60 x 60 mm., realizaos ente 1940 y 1980; siete álbumes que contienen los contactos de la mayor parte d’esos negativos, y alredor de 5.500 dispositives en color de 35 mm, tomaes ente 1964 y 1987. A too esto hai que sumar una colección de llibros y revistes de fotografía que pertenecieron a Ruiz Tilve, dellos trofeos llograos en concursos fotográficos y dalgún material del so llaboratoriu. La donación de materiales ye unu de los mayores trunfos d’un muséu, porque l’oxetivu últimu d’esta institución, afirmen dendel Muséu ye’l d’amontar, caltener y enseñar a valorar el patrimoniu cultural. Con esi actu, recuerden el donante dexa un patrimoniu particular a la comunidá, y esos bienes, qu’enantes yeren d’esfrute priváu, pasen a ser un bien públicu. La esposición de Francisco Ruiz Tilve. Obra fotográfica, 1940 1970 pudo vese l’añu pasáu n’Uviéu, na Sala d’Esposiciones del Edificiu Hestóricu de la Universidá d’Uviéu, y nel mes d’agostu va tar nel Muséu de la Sidra, en Nava. La esposición cunta col patrocino de Caxastur. 26 de mayu, 2011 0 FacebookTwitterPinterestEmail
Plástiques CaxAstur convoca delles beques partistes asturianos by asturnet 18 de mayu, 2011 Caxastur convoca ocho beques empobinaes a artistes asturianos o residentes que deseen ampliar estudios, dientro de la so especialidá artística, fuera d’Asturies. La dotación de la beca ye de 10.000 euros caúna, y la duración ye d’un añu. Los estudios a realizar van referise a les distintes modalidaes de les artes: música, artes plástiques y/o visuales, artes escéniques, cine, lliteratura, arquitectura, y demás espresiones artístiques. El plazu de presentación de la documentación remata’l vienres 10 de xunu. Bases completes 18 de mayu, 2011 0 FacebookTwitterPinterestEmail
Plástiques Esti sábadu entamen les Xornaes de Puertes Abiertes nos Museos de Xixón by asturnet 12 de mayu, 2011 Con motivu del Día Internacional de los Museos, que se celebra’l próximu miércoles, día 18 de mayu, embaxu’l lema Muséu y Memoria, Llaboral entamó tres xornaes de Puertes Abiertes y un ampliu programa d’actividaes gratuites pal sábadu 14, el domingu 15 y el miércoles 18 de mayu. El programa inclúi talleres y visites a les esposiciones y a los espacios que davezu non se percuerren y conciertos. Amás, el sábadu, 14, el Centru d’Arte y Creación Industrial va ser escenariu de La Nueche de los Museos, con actividaes nocherniegues que se van estender hasta los dos de la madrugada. 12 de mayu, 2011 0 FacebookTwitterPinterestEmail
Plástiques Corvera entama la quinta edición del Certame de Dibuxu y Pintura albentestate by asturnet 11 de mayu, 2011 El V Certame de Dibuxu y Pintura albentestate va celebrase en Corvera d’Asturies el día 15 de mayu de 2011. Van poder participar toles persones interesaes, de cualesquier edá. Los participantes tendrán de tener demientres tol certame’l DNI o otru documentu qu’acredite la so identificación. La inscripción de los participantes amás del selláu de llenzos, tables, papel, etc. fadráse enantes dentamar el trabayu, y va ser nel centru sociocultural de Les Vegues, el mesmu día del certame, a les 10:00 hores, entamando asina l’actividá y rematando a les 18:00 hores. Bases completes del concursu 11 de mayu, 2011 0 FacebookTwitterPinterestEmail
Plástiques L.lena convoca un concursu de dibuxu y pintura albentestate by asturnet 21 d'abril, 2011 El Conceyu de L.lena convoca’l XVIII Concursu de Dibuxu y Pintura albentestate, nel que van poder participar tolos pintores, profesionales y aficionaos, residentes nAsturies. Lactu va tener llugar el sábadu 21 de mayu de 2011, nel Conceyu de L.lena, dándose a conocer les zones el día del concursu. Bases completes 21 d'abril, 2011 0 FacebookTwitterPinterestEmail